Novi o recenti caffè e bar

[babatriestina]

A volte leggendo post triestini sui locali, soprattutto de un tempo, me vien de pensar a quei veci che sul giornal leggi solo che i decessi: e comenta Un altro che xe morto... cussì i pianzi che no xe più i locai dove che i andava d e pici, dove che andava nono...
girando per città - centro- vedo un aumento vistosissimo de locali magnerecci . Pien de bar baretti, caffè, con tramezzini, pienid e gente , de matina più veci, de sera più giovini, in piedi, sentai... per un cafè, un bicer de vin, una bireta... un panin..
vita in giro? abolizion dela pausa pranzo con rientro per pranzar a casa? anche, immagino. Certo che xe un bar o caffè a ogni piè sospinto ( italian, ma no so se esisti in triestin, o sì xe ma me vien in mente più ordinario..)
voleria cominciar a mostrarvelie e se gavè anche voi immagini...
comincio con una zona più popolar rispetto al distinto borgo teresian:
Barriera.
El relativamente novo slargo pedonal , dove che iera un bar sul canton, adesso xe de un picio cafè pomposamente ciamado Impero, che ga anche ottimi tramezzini, e posti al averto sotto el gazebo e un dei novi lodogni

[Ciancele]

..... vita in giro? abolizion dela pausa pranzo con rientro per pranzar a casa? anche, immagino. Certo che xe un bar o caffè a ogni piè sospinto ( italian, ma no so se esisti in triestin, o sì xe ma me vien in mente più ordinario..) .....

Ga de far qualcosa col metabolismo dei cani?

[babatriestina]

ancora un pochi de cafè-bar fra piazza Goldoni e s Antonio novo: in zerti punti i xe un dopo el altro..
piaza Goldoni:
el bar Venier xe sempre là sul suo canton, Vedo che dento xe anche slot machine..

po xe el Cremcaffè: nol xe più de Rovis e el cafè publicizzado xe Meinl, e par che el cambierà gestion. però xe sempre el cafè cola panna. pan -dequel precotto, pastine, e tanta mularia. NO xe più i tempi che i se fazeva i bori vendendo Minas per cafè turco...

rivemo in via Gallina:
par che gabi serado el Taxi bar

[babatriestina]

di fronte, due cafè tacai un de l'altro:
questo devi gaver cabiado gestion un per de volte


e questo xe el retro de el ex Moncenisio adesso Danieli

de l'altra parte Sircelli, de picia panetteria xe deventado grande bar. Vendi comuqnue sempre paste e pan..

[babatriestina]

piazza san Giovanni: il bar Malabar caro a Heinichen


ai Portici un ex Hausbrandt ora Eppinger rinnovado de poco


e di fronte a fianco de palazzo diana el Corte cafè, in parte ristoarnte, almeno una volta

[babatriestina]

Meinl insidia i caffè tradizionali triestini..




via delle Torri. al posto dela vecia pasticceria Bianchi de anni xe el caffè Illy, abbastanza de moda


stile assai moderno e ai primi tempi criticado per el aspetto minimalista

( semo sabato dopopranzo..)

[babatriestina]

sorseggiando un capo in b


intorno a s Antonio:
da tanti anni sul canton el bar Russian



un altro subito dopo

( questi xe meno frequentadi)

[babatriestina]

ancora ( qua iera el vecio negozio de articoli religiosi..)


resisti sempre ma senza el fascino de l'antico el Stella Polare

coi tavolini esterni in via s Caterina

[babatriestina]

a fianco un Wine bar



via Ponchielli, altro caffè



el Canal xe pien de cafè e ristorantini..

e vegnindo su per via san Nicolò..
un Masè

[babatriestina]

no go ben capido la dedica a Gillo Dorfles


cafè bar con memorie de Saba


caffè Walter ora dle aperitivo del sabato ( e no semo nella zona -movida ancora..)

[Piereto]

Voio far un confronto. Fin a la seconda guera iera i caffè a Trieste, dove che se podeva star de le ore drento, e anche cior qualcosa al banco, e te podevi leger el giornal e giogar a biliardo, e sentir un poco de musica dal vivo.. Co xe rivadi i americani xe nati cone funghi i bar, col jukebox, boni solo,per un mordi e fuggi. Iera ciaro che la gente voleva andar fora de casa, beverse un cafe co solo do soldi, ma no ghe iera lavor in giro per la città, e chi che gaverva do fliche verzeva un bar. E in quei ani cinquanta xe andadi via pel mondo tanti triestini. Ogi mi ghe vedo un parallelo. Semo pieni de bareti, basta che ghe sia una porta che se verzi in strada, e specialmente de loghi de ristoro come paninoteche, pub, tanto per andar a beverse un bicier a la sera e fumarse una cica. E anche ogi no ghe xe lavor. Mi vedo anche che tanti negozi gà serado perchè i proprietari xe rivadi alla fine de la loro vita. I fioi se ghe xe gà cambià mestier o i xe andadi altrove. La vendita al minuto no te mantien e te devi far grosi numeri de faturato.

[babatriestina]

i triestini sarà tanto in miseria, ma mi sti novi bar me par frequentadissmi. Ovio, nissun sopratuto quei che lavora, ga tempo per andar in cafè a leger el giornal e gogar biliardo.. ma quel penso che una volta no andava i operai i portuali e i contadini. Andava i borghesi...
i americani ga difuso el uso del coktail, un aperitivo in pie e anche i n casa i fazeva, tanta gente, de bever , tartine e poco de sentarse.. ma apunto se torna a quel che disevo in principio: leger i avisi mortuari. Giusto saver chi che no xe più ( Albertazzi, per dir, ogi..) ma no dimenticar de veder quel che xe vivo e che vien de novo. Anche se semo veci noi...

[Piereto]

Per completar i borghesi andava al caffè e i operai andava in osteria a bever el bicer, giogar a carte e petar la cantada , e ogi le osterie xe pressochè scomparse. Ogi se va a bever de sera el cocktail, e comunque se xe tanti de ritrovi , vol dir che se riva a tirar avanti.

[babatriestina]

savè, no go tropo coraggio de fotografar i avventori che se vedi dele mie parti, per riguardo, ma meritassi...

[babatriestina]

Continuo: e restemo in piazza Goldoni:

caffè bar Goldoni sul canton dela casa-mini grattacielo, credo dove ier ael Bar bianco


i tavolini soto i ombrelloni del Caffè goldoni e dle suo vicino

vicìno caffè che ga sostituido un rodoleto de Masè

caffè che no manca anche de birra...

[babatriestina]

Ga serado Villini el negozio de machine de cusir ( in effetti no so quanti che cusi ancor a amchina acasa, penso eno che una volta..) e annuncia un caffè ( fra altri due caffè..)



( Dersut caffè? sbarca i furlani?)

al bar d'angolo, le vece scritte Stock

[babatriestina]

ex Venturi alla luna, sempre kebab ma ga cambiado gestion



via Sorgente ala mattina de luendì le trattorie xe serade
trattoria alla Sorgente

ai Maestri

[babatriestina]

caffè Carducci, abbastanza frequentado. pane di canapa: sarà cannabis?


pochi metri oltre bar buffet Vittorio


ma el più frequentado ( non go osado fotografar dentro ) xe questo
l'Approdo

no manca mai qualchedun che se bevi el calicetto al banco esterno (eira circa le 11 che go fato le foto)

[babatriestina]

subito dopo, più smorto el bar Altin subito prima del Mercato Coperto

El bar del Mercat o xe sempre frequentatissimo: i gaveva messo perfin un tavolo chepareva quasi osmizza me credo sia staii recenti reclami e multe che lo ga fatto cavar. Go avudo difficoltà a trovar un punto senza dover fotografar avventori che non gradiva esser ripresi ( go domandado.)

un calice de bianco come aperitivo ( iera una coppia de marì e moglie de mezza età..)

[babatriestina]

di fornte, ga aria sempre per mi de mortorio el Bagutta triestino. I lo pol gaver rinnovado ma el ga assai aria de pco frequentado


No metto foto perchè de fora no se vedi, ma Prunk ga messo un sportel tipo rosticceria in barriera
e inveze ricordo el cafè bar in Barriera vizin dela Coop
Amigos, che qualchedu me par in forum diseva che ga ottimi frappé


Questa no xe la zona moderna dela movida...