Giardin pubblico

[babatriestina]

alberi ripiantati e in crescita, e le ortensie prosperano sempre, questa foto è di giugno

[Nona Picia]

Belle!

[babatriestina]

Notizia de oggi:
serado el Giardin Pubblico per " sostanze inquinanti"
No i disi per adesso né quali né le cause.
Intanto se sera...

doman vado a veder...

ma i giardini xe inquinai e le strade vizin no?

[Piereto]

Fa parte dei controlli dei inquinanti benzopirenici nelle polveri sottili, a seguito del sospetto inquinamento ferriera. Xe stadi coinvolti altri 11 punti in varie zone della città, e principalmente aree verdi. Oggi i ga dito che el giardin pubblico xe fortemente inquinà, e i xe rimasti sai sorpresi. La spiegazion inveze xe semplice: le polveri viaggia col vento e el giardin pubblico xe in valle, quindi in caduta de certi venti de sudest, e serà da le propagini de San Luigi e quele de Scorcola.

[sono piccolo ma crescero]

Xe de moda a Trieste darghe le colpa de tuto l'inquinamento ala Ferriera. Son convinto che dala Ferriera no vien fora aria pura de montagna, ma... cito da Wikipedia ala vose benzopirene

La principale fonte del benzo[a]pirene è la combustione di materia organica, per questo è presente (ad esempio) nel fumo di sigaretta, nei gas di scarico dei motori diesel, nei fumi prodotti dalla combustione di biomasse e nelle carni bruciate.

In cità, tuti col diesel perché costa de meno, scaldemose coi pellet che costa poco, e za che semo, fumemose un cichin e magnemo cevapcici ala griglia...

Per no parlar de tuto el benzene (cancerogeno al top) dela benzina verde che vien fora come idrocarburo incombusto (HC) o che svampisi co se lasa la machina soto el sol...

[babatriestina]

xe che i fumi dela ferriera se li vedi, e anche la spuza.., per le particelle, mi ghe davo la colpa al traffico e difatti adesso dela parte dela corte a casa mia xe meno sporco e polveri scure che del lato strada.
Comunque stamattina son andada in Giardin Publico, tuto averto e no un cartel!!

[babatriestina]

El busto de Caprin ( Mayer 1905)

ga avudo una disavventura durante la prima guerra mondial:
al 10 settembre 1916 un gruppo lo ga trafugado del giardin e lo ga lassado davanti dela Luogotenenza con questo messaggio che copio letteralmente:

Al civico economato
In nome di Trieste la fedelissima ed non potendo più oltre sopportare la figura di un irredento qual'è G Caprin, un gruppo di patriotti decisero di sradicare dal zoccolo marmoreo sul quale l'irredenti triestini lo posero quale simbolo e campione irredento.
Ora facciamo consegna a lei preg. Signor Economo affinché Lei passi a mano del primo cittadino ill. mo Sig. Co. Imperiale Krekich de Strassoldo nostro desiderio sarebbe quello che ora la nostra amata patria li necessita metallo volgiamo pregiera affinchè sia spedito quello metalo di guerra e se mai possibile destinarlo in restituzione all'ipocrita alleato di ieri ed nemico d'oggi(l'Italia)
Certi che in parte saremo esauditi facciamo grazie scusandoci se ancora oggi serbiamo le nostre firme
Trieste l'11 settembre 1916

dove che el iera finido durante la guerra no so, nel 1919 i ga rimesso el busto: el original o una copia, no go ben capido..

[babatriestina]

Adesso i lo ga serado a tempo indeterminado


caduta rami perchè i ga de butar zo due alberi e za che i xe i sera per via del inquinamento ( perchè le strade in giro no?)


nel dubbio, meio insister

[babatriestina]

del tipo " lavoriamo per voi"


i faria ben a cavar anche sto giro de ailanti de drio


i sta lavorando per noi, ma mi che go fotografado de fora no go visto dentro gnanca un can che lavori

[babatriestina]

sempre de fora, o anima viva che lavori




ma per adesso le proteste xe perchè i sera 5 giorni su 7 el Pedocin d e inverno

[Nona Picia]

No ghe volerà sai perchè che i cominci a domandarse quando che comincerà i i lavori e per quanti anni che sarà serà el giardin publico...

[Piereto]

Sarà perchè prima o poi xe de abater i alberi veci (più del 90 %), cioè alberi che per l'altezza i pol eser pericolosi, o perchè xe de portar via el teren inquinado e meter un bel strato de tera nova?

[babatriestina]

lori parla de do alberi de abater. Pero intanto dentro no vedo nissun che lavori

[babatriestina]

Dopo tuto el scandal dela chiusura, ilo ga riaverto, cossa i gabi fato dentro no so..
un per de foto, prima de unmese fa e po de oggi: marzo

[babatriestina]

le bacche de l'aucuba xe un dei primi ricordi che go de sto giardin


questa xe la nandina


le piccole aiole formali xe proprio lassade andar

[babatriestina]

altra aiola formale abbandonata




solo el calicanthus fioriva ancora


e eco oggi, Tanto verde

[babatriestina]

el gialo dela Kerria


anche alberi novi


ma ancora le aiole formali xe abandonade

[babatriestina]

i cespugli xe ben progettai con varietà de colori




però se no i taia un poco i rami povero Svevo no se lo vedipiù

[babatriestina]

e l'aiola daveanti de Pitteri xe proprio eliminada

[babatriestina]