Mestieri in ordine sparso

[AdlerTS]

Efetivamente ogi Pomigador vol dir solo uno che bati fiaca.
Iera però quel che lucidava le pignate de fero co la piera pomice e che, come poderè imaginar, dopo do ore de lavor non gaveva più tanta voia de gratar

[AdlerTS]

Mancava pegolotto e lugaro ....

El primo iera l'addetto alla pece nelle costruzioni navali, el secondo iera un fachin de piaza, de solito muleto giovane.

[babatriestina]

Lugaro xe el useletto lucherino, in general doprado per "pivelin", come "bubez"

[macondo]

E pegoloto dovesi eser quel che lavorava con la pegola (catrame)...Ghe iera una fabrica de pegola in via della Fabbrica e tutta la zona dove xe adesso viale D'annunzio se ciamava pegolota. Podé imaginar la spuza.....

[babatriestina]

Verigola
Girandola

La Verigola o virigola xe una specie de punteriol con l'estremità a elica, che apunto se invirigola con movimento rotatorio, più o meno come un cavatappi.
per la girandola, no son sicura, ma imagino che sia quel strumento per far busi con una specie de gomito per cui se fa un movimento come per missiar la polenta ( dovevo gaverla, ma no so se la ga sopravvissudo al trasloco completo del tavolin de marangon da papà) - papà la doprava per far busi larghi sul fondo dele cassette de legno dei fiori in pergolo

ecove qua una virigola, insieme a un cacciavite ( esisti un nome triestin? no me vien..) che dovessi vegnir dela cassettina dei attrezzi de mia bisnonna

e questo xe quel strumento per far busi che no so el nome, e che pensavo fussi un nome come girandola. Trapano a manovella?

[AdlerTS]

un cacciavite ( esisti un nome triestin? no me vien..)

Sona volgare, ma per mi xe cazzavide

[sum culex]

un cacciavite ( esisti un nome triestin? no me vien..)

Sona volgare, ma per mi xe cazzavide

O anche (meno volgare) giravide.

Ciao (per ti) zoom culex

[trita]

bonasera a tuti
si' cazavide, cuel altro verigola cuel altro maniza.
auguri trita

[babatriestina]

bonasera a tuti
si' cazavide, cuel altro verigola cuel altro maniza.
auguri trita

Grazie ! Maniza xe el ordegno che no savevo el nome!!

[sum culex]

e questo xe quel strumento per far busi che no so el nome, e che pensavo fussi un nome come girandola. Trapano a manovella?

Se ben me ricordo el se ciama girabachin che in efeti xè un trapano a man. Dopo de questo xè vignù fora el trapano a manovela: el gaveva un ingranagio con una manovela per far girar più vrlocemente la punta rispeto al presedente. Mi lo gavevo, ma chissà quanti ani fa che lo go butà via dopo che go ciolto el trapano eletrico.

ciao
sum culex

[babatriestina]

xè vignù fora el trapano a manovela: el gaveva un ingranagio con una manovela per far girar più vrlocemente la punta rispeto al presedente. Mi lo gavevo, ma chissà quanti ani fa che lo go butà via dopo che go ciolto el trapano eletrico.

ecote el trapano a manovella, questo devi esser dei anni 50 e mi lo go doprado per anni e ancora adesso, che go ciolto un elettrico, me fido poco a doprar el elettrico e fazzo ancora busi con questo:



( cossa disè? spostemo sti ordegni nel post sui marangoni?)

[Nona Picia]

Mi no so se xe in tema, ma un vecio mestier per mi xe anche la"LAVANDERA".La passava ogni lunedì a cior la biancheria e la la riportava qualche giorno dopo. E anche la "Dona del latte" che ogni matina la vegniva zò de Pis'cianzi (spero che sia scrito giusto),
almeno là dove che stavo mi,e soto casa le done la spetava col pignatin.
Ciao ciao

[babatriestina]

Mi no so se xe in tema, ma un vecio mestier per mi xe anche la"LAVANDERA".La passava ogni lunedì a cior la biancheria e la la riportava qualche giorno dopo. E anche la "Dona del latte" che ogni matina la vegniva zò de Pis'cianzi (spero che sia scrito giusto),
almeno là dove che stavo mi,e soto casa le done la spetava col pignatin.
Ciao ciao

per le done del late, xe un topic nella sezion paesi carsici.
me le ricordo anche mi, la lavandera vegniva una volta ala setimana o una volta ogni 15 giorni, cola roba sula testa ligada in un involto quadrato. Nona gaveva un quaderno dove che la scriveva ogni volta quel che la mandava a lavar, anche quando che gavemo ciolto la prima lavatrice, la ga dito che no se pol cavarghe lavoro, per cui le robe pice, biancheria, fazzoletti, etc. se lavava in casa ma lenzioi, strazze de cusina.. ghe se dava ala dona. Nona gaveva fatto far un monogramma su tuto, magari semplice una lettera in rosso o blu sul canton dele strazze, che cussì la lavandera no se confondi.
la dona del late vegniva sula porta col burcio del late sula testa e i pignatini come misurini, po i mii boiva el latte per sicurezza, cussì vegniva su tutta la panna , che nona e papà se magnava col cafelatte, e el latte che bevevo mi iera del tutto scremado, bon per la linea ma mi el gusto de latte lo go scoperto solo che dopo.
Nona salvava anche tuto el pan che vanzava per le bestie ,no so se dela dona del latte o anche dela lavandera.

[Nona Picia]

Anche de noi la lavandera veniva col linziol carigo de straze ligado sula testa. La dona del late, no gavevo visto che iera zà un topic, la gaveva el bidon in testa e i misurini come disi la baba e anche noi fazevimo come tuti, boivimo e bevevimo e mi me magnavo tuta la panna.
Me ricordo che un anno, co iero a Graz dei mii zii, i me ga portà con lori in montagna e là, ogni giorno andavimo del contadin a cior el late con unbido de due litri. A turno noi fioi lo portavimo a casa e quando me ga tocà a mi, restavo indrio percgè el me pareva assai pesante e mia zio me diseva"pigrona, te fa un poche de storie pe portar el late!" Solo dopo la se ga acorto che iera el bidon de 5 litri e che iera per quel che el pesava tanto!
Ciao ciao

[refolo]

Oggi son andada anche mi' pel sotile.
Sulle versioni del Leghissa che lui fazeva parte del 97 simo. Regimento
Fanteria a Leopoli go' trova' fora, per altro la verita' sui ""Pomigadori""

Le battude sui Demoghela- Pomigadori, la ga' svelada un certo Capitano di carriera Artur Brosh, un accanitor, per salvar dal ridicolo tutto quel che xe stado scritto appunto sul regimento Triestin.
Carlo Dolcetti che se firmava col pseudonimo de ""Marameo"" ga risprestina, una strofa quel che xe vegnu' fora la canzonetta, del triestino,colpevole della santa diserzion dalle armate Austriache.


Qua' se magna, qua' se bevi, qua se lava la gavetta
Zigheremo demoghela, finche l'ultimo sara' I Furlani in Russia i
cantavai "Battiamocela"" per conforde l'accento triestin.

per i pomigadori, certi lavoratori del cantier San Marco, militari de leva un certo Pietro Scoria, (2 medie al valor sul fronte Russo) ribatteza' ""Piero Pomiga""ga' crea' una canzonetta,
un dialogo tra' un triestin e un sergente Austriaco, che lo ciamava' Maledetto Irredentista.

La canzonetta fa';
Eins-zswei! Passi de fero!
Eins-zswei! Salute Piero!
E co te capita el morbin
Faghela veder da bon triestin. Qua' per poderla scapolar, no resta
altro che "POMIGAR"
Autor Adolfo Leghissa!


Maria aka refolo

[Nona Picia]

Bele!

[babatriestina]

[MOD] qua stemo andando fora del discorso dei mestieri per finir sule canzonette: controllo se no gavemo Piero Pomiga e se mai la posto con sto comento [MOD]

[refolo]

Sempre sbaglio????

Coce e Adler , ga' nomina' pomigadori, , a parte le canzonette me pareva che la definizion de ste parole, xe de pensarghe su'.
Le canzoni xe rivade dopo chei ga' trova' fora el significato. Comunque taia via.

Maria aka refolo

[Rawa Ruska]

no i esisti più come che no esisti più i mussoleri che i te dava i mussoli caldi in una ciotola de smalto bianco co' l'orlo blu anche un poco schingada.

Me par a mi o se gavemo dimenticà de la musolera? Mi me ricordo ben de l'ultima, soto el grando albero de la Rotonda del Boscheto. Andavo ancora ale medie, e co podevo me fermavo prima de l'ultima a ciorme un per de musoli. De domenica andavo con mio pare e se cileva per far merenda insieme. Col bianco, logico. La tinniva el suo bel careto in quela casa a la fine de via Pindemonte, che deso i ga restuarà. Ani, co la casa iera svoda, volevo andar a vedere in camntina, ma no go mai fato. Chi sa se esisti ancora un careto de musolera a Trieste, in qualche canto sconto. Deso i musoli, co li trovo, me li fazo sul sparger, co la straza umida. Ma no se più quei, manca papà e nono, de ani ormai.

Rawa Ruska