Vocabolarietto Triestin-Italian

[sum culex]

Xè proprio vero cussì! Anche per noi xè la stessa roba.
ciao
sum culex

[sum culex]

Me xè vignù in mente una parola che sul vocabolario no trovo: SFILAZAR o sfilaciar = sfrangiare, sfilacciare.
La xè assai simile al italian: forsi per questo no ocoreria meterla; decidè voi se xè el caso o meno.
ciao
sum culex

[sono piccolo ma crescero]

Fato.

[sono piccolo ma crescero]

Discusion in famiglia sui bechi... no, no ste pensar mal , parlo dei coli de camisa (mia mama me le ga fate, rigorosamente bianche, per tantissimi anni; la iera sai brava, anche de stirarle, povera).

Ciolemo el colo de una camisa de omo: coi carateri lo podessimo sintetizar cusì VV Come disè quele che in italian vien definide "alette a punta"? Noi li ciamemo "i bechi". I bechi del colo dela camisa, che per farli star driti una volta se ghe meteva lwe balene, che i pol eser a punta o tondi (nele camise de dona), più o meno verti, ...

Quel che me interesa xe: ve risulta sto termine "bechi" per i coli dele camise o se un modo de dir de famiglia? Mi intanto indagherò de altre parti con chi che no frequenta sto forum...

[Ciancele]

Una parola per la metatesi: cafia = fiaca. Co' la cafia, se usava dir. Gavè sentì?

[sono piccolo ma crescero]

Una parola per la metatesi: cafia = fiaca. Co' la cafia, se usava dir. Gavè sentì?

Sì. A Isola iera un soranome Cafieta: Fiacheta -> Fiaca -> Cafia ->Cafieta

[Piereto]

Cafia dopravo anche mi, e credo che una volta, specialmente tra i fioi che giogava in strada, iera de uso comune parlar con metatesi.

[babatriestina]

né a casa néi mii amici doprava metatesi. Le go scoperte studiando el argot francese

[sono piccolo ma crescero]

I me ga segnalà che mancava "A LA SCOTADEO".

Lo go zontà soto scotadeo. Me podè dir se go meso giusto, perché xe un termine che no go mai doprà (me devo vergognar?)?

https://www.atrieste.eu/Wiki/doku.php?id=dialetto:s

[babatriestina]

scotadeo go sempre pensado che sia più veneto che triestin

[sono piccolo ma crescero]

Anche mi, ma el Doria e anche el Kosovitz lo riporta e la prima e la terza vose che google mostra per scotadeo xe triestine.

Ah, pèer quel che riguarda el colo dela camisa go vu conferma esterna che le alette a punta del colo dela camisa se disi "bechi"

[sono piccolo ma crescero]

Ah, pèer quel che riguarda el colo dela camisa go vu conferma esterna che le alette a punta del colo dela camisa se disi "bechi"

Go trovà che no'l xe solo in dialeto, ma anche in lingua. No ocori meterlo.

[Ciancele]

Farse: par noi voleva dir anca magnar, consumare in senso lato. Me go fato una de parsuto.
Sbafa: fame. Gavevo una sbafa che no ve conto.
Dico bene o dico sciocco?

[sono piccolo ma crescero]

Farse: par noi voleva dir anca magnar, consumare in senso lato. Me go fato una de parsuto.
Sbafa: fame. Gavevo una sbafa che no ve conto.
Dico bene o dico sciocco?

Naturalmente dici bene. Per "farse" go meso un significato un poco più general: Fare a sè qualcsoa che da vantaggio (o svantaggio): Farse un panin, farse un de nero, farse la mula, farse del mal.

Go contà le parole del vocabolario: ancora 36 parole diverse e semo a 3.000. Gavemo za 3.800 significati diversi e 164 frasi idiomatiche.

[Ciancele]

..... Go contà le parole del vocabolario: ancora 36 parole diverse e semo a 3.000. Gavemo za 3.800 significati diversi e 164 frasi idiomatiche.

Darommi da fare.

[Ciancele]

..... Go contà le parole del vocabolario: ancora 36 parole diverse e semo a 3.000. Gavemo za 3.800 significati diversi e 164 frasi idiomatiche.

Darommi da fare.

[Piereto]

No so se xe stada za messa l'espression " indrio co le carte" che volesi dir ignorante, ma anche stupidotto, e che go inteso dir, e doprà anche mi : zuricpapir per dir proprio indrio co le carte.
Altra de derivazion gnoca xe la parola pinzingruber o prinzingruber come dir un mato un poco snob, ma sempliciotto.

[Ciancele]

No so se xe stada za messa l'espression " indrio co le carte" che volesi dir ignorante, ma anche stupidotto, e che go inteso dir, e doprà anche mi : zuricpapir per dir proprio indrio co le carte.
Altra de derivazion gnoca xe la parola pinzingruber o prinzingruber come dir un mato un poco snob, ma sempliciotto.

Indrio co' le carte iera 'sai usà ai mii tempi. Anca le variazioni nasaj coi papiri o zurück coi papiri.
L'altra parola mai sentida.

[babatriestina]

inteso dir, e doprà anche mi : zuricpapir per dir proprio indrio co le carte.
Altra de derivazion gnoca xe la parola pinzingruber o prinzingruber

Zurück mit den Papieren diseva papà mio che saveva ben tedesco
inmagino storpiadura de Punzengruber cognome generico . Come che qua go sentido di un Pischianz qualunque

[Nona Picia]

Zurick co le papier disevimo noi