Gioiellerie

[babatriestina]

Un tipo de negozi che me piasi ssai vardar le vetrine, xe le gioiellerie.
Me par che sia adesso un certo ricambio: sera zerte, ma verzi tante piccole gioiellerie artigianali.
Sera quela de via Roma, go el nome sula punta dela lingua, ma nelle viuze xe tante e anca cola scritta Adattiamo gioielli, infiliamo perle... par che se modifichi un poco la tipologia.
le gioiellerie vece, clasiche triestine iera: la più famosa, e ancora quotada iera Janesich, ancora se vedi ogni tanto anche alle aste fora de Trieste gioielli e argenteria Janesich: el fondator leopoldo Janesich a metà Ottocento, ga averto in Capo di Piazza, e la ga durado fin ai anni 60-70 ala chiusura pa parte del erede Leopoldo (jr) Janesich, detto Momo. La trattava gioielli e anca argenteria, ecove una sua scatoletta dei anni 30 o 50


Un pochi de anni fa el ga riaverto, in via San Nicolò, rente dela Libreria Saba, averta de un Janesich che però no xe el fio del vecio titolar

[babatriestina]

Po in Galleria Protti iera Tevini, che trattava argenteria,e po ve ricordè de Darwil?? el se ga fato un gran successo nei anni 60-70, vendendoghe oro , ma me ricordo che iera esposta una parure che i diseva che iera stada ordinada de un sceicco arabo.. po sparido nel nulla..
po iera dante, in via Ginnastica, che se gaveva specializado po in orologi, ma me ricordo che de picia me estasiavo davanti a una sua vetrina che gaveva una corona de oro e piere preziose con un giro de perle intorcolad, lo gaveva fatto qualchedun per una statua de una Madonna , chissà che fin che la ga fato ? no la go mai vista qua a Trieste
Po me incanto davanti ale vetrine de oppenhein, anni 50-60 in via mazzini, che ga gioielli stupendi e anca roba meno cara.. certo no semo le città come Milan, o Vienna, dove che go visto in vetrina tiare de diamanti..
po xe a Capo di Piazza una gioielleria antiquaria, con bela roba, ma anche in ghetto se trova gioiei antichi...

[snif]

e po ve ricordè de Darwil?? el se ga fato un gran successo nei anni 60-70, vendendoghe oro

e anche lo comprava...
nei periodi de magra son 'ndà spesso a farme quel pian de scale.

Co mama la se gaveva inacorto che jera sparide do cadenele, per casa ga comincià a girar i lucheti.( che no xe i triestini con la coda )

[AdlerTS]

,e po ve ricordè de Darwil??

Me ricordo una grande grande insegna azzurra.

[refolo]

Quel che go' inteso dai veci, dopo la fine dell'Austria, tutte le famiglie triestine ""WEIS,"" ga' cambia' col cognome "" BIANCHI.""

Una fia de queste famiglie la lavorava in un negozio de gioielli, la gaveva conossu' el suo futuro mari'.

El famoso dei Cristalli, Daniel SWAROVSKI che col suo cogna' ga'comincia' a far i gioielli spille, e statuette de animali.

David el fio, ga' conta' la storia, (a Vienna), vendendoghe due gattini in superbo cristallo, a mia fia. Sicche' la xe triestina de nascita, vissuda a Vienna, morta in Tirolo.

Maria aka refolo

[babatriestina]

iera Janesich, ancora se vedi ogni tanto anche alle aste fora de Trieste gioielli e argenteria Janesich: el fondator leopoldo Janesich a metà Ottocento, ga averto in Capo di Piazza, e la ga durado fin ai anni 60-70 ala chiusura pa parte del erede Leopoldo (jr) Janesich, detto Momo.
Un pochi de anni fa el ga riaverto, in via San Nicolò, rente dela Libreria Saba, averta de un Janesich che però no xe el fio del vecio titolar

qua xe el link del sito dela atual ditta cola storia, de cui scopro che Momo che mi go sempre credudo Leopoldo, inveze se ciamava Pietro
http://www.janesich1835.com/antichi-janesich.htm
un ritratto de Momo Janesich nei anni Cinquanta nel boschetto drio della sua villa a Cedas

una medaia anni trenta ( gare de sci al Canin)

e un suo marchio sul argenteria

[babatriestina]

e po ve ricordè de Darwil?? el se ga fato un gran successo nei anni 60-70, vendendoghe oro , ma me ricordo che iera esposta una parure che i diseva che iera stada ordinada de un sceicco arabo..

ecco qua, go ritrovado nei mii ritai de giornal salvai la parure per una principessa saudita de Darwil

[babatriestina]

un ritratto de Momo Janesich nei anni Cinquanta nel boschetto drio della sua villa a Cedas

un suo ritratto assai più bel e più giovine alla mostra de Argio Orell ( collezione privata, immagino della famiglia)

[babatriestina]

Go trovado vece scatole de nona con inomi dei gioiellieri. De sto Foschiatti no so gnente, e le scatole, se seda rosa e celeste, me par che gabi ormia più de 100 anni





e anche questo me xe del tuto novo

[babatriestina]

Tevini inveze me ricordo, anche se lo ricordo d epiù come argentier. nela mia memoria lo associo a galeria Protti

[Ciancele]

Me ricordo de Cavallar (La sveglia che vi sveglia è la sveglia Cavallar) e de Borsatti (coremo come mati, 'ndemo de Borsati).

[babatriestina]

Borsatti che mi sapio iera una libreria, ex Schimpff.
Ma quela che digo mi xe roba più de zento, no zinquanta ani fa. Cavallar xe ancora ma con nova gestion.

[Nona Picia]

se no me sbaglio de grosso, fin a una trentina de anni fa iera una picia oreficeria al'inizio del Corso, vizin alla farmacia de piazza Goldoni, che se ciamava Borsatti e mio papà xe andado tante volte a comprar qualcossa

[Ciancele]

se no me sbaglio de grosso, fin a una trentina de anni fa iera una picia oreficeria al'inizio del Corso, vizin alla farmacia de piazza Goldoni, che se ciamava Borsatti e mio papà xe andado tante volte a comprar qualcossa.

No te te sbagli.Veramente soddisfatti si rimane da Borsatti.

[babatriestina]

xe chi che frequentava gioiellerie e chi librerie..

[Nona Picia]

se no me sbaglio de grosso, fin a una trentina de anni fa iera una picia oreficeria al'inizio del Corso, vizin alla farmacia de piazza Goldoni, che se ciamava Borsatti e mio papà xe andado tante volte a comprar qualcossa

go sbaglià, se ciamava Ritossa, me so sempre confusa con Borsatti

[Nona Picia]

xe chi che frequentava gioiellerie e chi librerie..

So che no te interessa, ma mio papà iera cliente fisso della Libreria Borsatti e el gaveva una virtù..
Prima de straparlar el se informava!

[babatriestina]

Ben no podevo saver che Ritossa vegniva ciapado per Borsatti

[babatriestina]

Un pochi de anni fa el ga riaverto, in via San Nicolò, rente dela Libreria Saba, averta de un Janesich che però no xe el fio del vecio titolar

nipote, fio del fio Alberto . Ma devo confessar che me confondo sempre, perché Momo ga avudo tre mogli e mi go conossudo solo, assai de picia, solo la terza e la fia dela terza ( che per complicar le robe, la terza iera za vedova con una fia che gaveva la mia età) Alberto doveva esser fio dela prima moglie

A proposito de gioiellerie, sta per verzer una nova