Giardin pubblico

[babatriestina]

Spetando che le piante se svei, comincio con una statua, per far vedere che le xe tute orendamente sm***dade dei cocai!
Questo xe Sinico, l'autor dela Marinella ( e de l'Inno a San Giusto)

[babatriestina]

Tanto tempo che pensavo de far un post sul Giardin, xe quasi 4 anni che ghe giro fotografando, nel frattempo i lo ga sistemato, la manutenzion xe quelc he xe, ben bon, oggi go approfittado del momento dele foie gialle per far un giro, ma metterò anche foto de ltre stagioni, per far una panoramica, e anche qualcossa che xe sparido nei ultimi restauri.
Sarò "fluviale" quasi come el mio collega Zoomy e ancora go fatto una scelta...
ben per cominciar una foto del tabellon, i li ga messi su tutti i ingressi, xe la pianta del giardin, la storia e dove trovar qualche pianta special.. xe anche qualche raro cartel vizin dei alberi..

El Giardin nassi a metà Ottocento, in due riprese, su un terren dele monighe Benedettine, che i pensava de far una cesa dedicada a San Francesco nel novo borgo Franceschino ( vedi via S Francesco), ma po i ghe ga ripensado e i ga fatto el giardin. El xe più o meno de stile inglese, cioè con viali sinuosi, tanti alberi, un pochi de prai, poche aiole formali, un laghetto romantico tipo stagno.. i utlimi restauri ga mantegnudo abbastanza el stile. El giardin xe molto ombroso, e i alberi xe cressui ben, anzi un poco fitti, per cui in qualche zona i ga cavado un per per fra cresser de più i arbusti e lassar alcune zone più soleggiate. Xe un poche de piante rare, ma principalmente xe alberi a latifoglie che le perdi d'inverno, a fronte de un sotobosco principalmente de sempreverdi, per cui anche in inverno se trova verde , bacche e a volte fiori.
Al ingresso principal, i veci cancelli de ferro battudo xe qual che resta, oltre ala recinzion del lato de ingresso, dele originali griglie, fuse durante la seconda guerra :

comunque i ultimi restauri ga messo ai lati delle griglie più che dignitose, moderne.
Sempre al ingresso, un targa ricorda la riapertura e el sindaco che ga taiado el nastro, anche se bisogna dir che i lavor xe cominciai prima dela sua amministrazion

[babatriestina]

Al ingresso xe subito di fronte el campeto de pattinaggio, ve ricordè col iera a piastrelle? ben adesso ghe va i rollers, ma oggi iera poco de far, xe tuto pien de foie e me par che nissun le ingruma, i speta che fazzi el lavor la bora?

e ai lati xe i viali coi grandi alberi, platani e ippocastani principalmente

i tronchi dei platani xe alquanto grossi e bitorzoluti

[babatriestina]

Alle porte laterali se vedi ancora i veci cartelloni de ingresso

, nel sottobosco della zona de ingresso domina le aucube colle bacche rosse, ma questa foto xe più vecia, oggi no iera le bacche delle aucube

bacche no manca, anche in inverno, in particolar xe tanti agrifogli che in sta stagion se coverzi de bacche rosse, ghe ne xe uno quasi di fronte dela palazzina dei cessi che el xe un albero alto, altri xe a foglie variegade

[babatriestina]

El laghetto xe per mi el punto focale del giardin: eccolo oggi

come vedè, el ga poca acqua e i spruzzi dela fontanella manca. I cigni xe ormai un ricordo ( forsi meo per lori) e anca i cocai sta sparindp, dopo che i gaveva magnado tutti i pesci rossi. El laghetto nei ultimi inverni xe stado prosciugado. No xe più el vecio pontisel tipo giapponese, ma un de l egno dritto.
La statua de una putela col cigno, xe naturalmente de... ?? Spagnoli!!!
questo xe el laghetto due anni fa, al inaugurazion

ai bordi xe tante piante che dovessi amar el umido, hoste, in primavera el primo anno iera masse de iris gialli e viola, no so se i ga resistido tutti

qua le fontanelle funziona

[babatriestina]

ecco el laghetto in primavera, col maggiociondolo in fior

e qua el xe invece iazzado, ancora prima del restauro, coi bordi de cemento

a finaco del laghetto xe una zona con una araucaria, pianta che per mi stona con tutto el resto, e che in estate xe attrezzada a tavolini de ping pong: una foto seppia de l'anno scorso

[babatriestina]

Vizin, verso el ingresso del lato alto de via Giulia ( dove che se entra d'estate per el cinema all'aperto) xe una zona con meno alberi e più soleggiada:

in una rotonda con sedia, el busto de Giotti sembra vardar un gingko biloba a foie gialle, novo, perchè el vecio che iera molto rovinado oggi no lo go visto più

ma la zona xe tutta gialla, in promavera xe forsizie e tromboni gialli

[babatriestina]

un'immagine autunnale de oggi


e questo xe el gazebo che pol deventar schermo

[babatriestina]

questa xe una dele poche aiole formali, coi bordi de bosso

qua semo in zona centrale, cpo ippocastani in fior, in primavera

qe questo xe uno dei punti più profumadi in primavera, xe un lillà e drio un glicine in fior


intorno ai busti fra el laghetto e el gazebo, xe magnifiche fioriture tipo bordo misto inglese:




ghe xe molte rose de tipo a cespuglio o rampicanti trattade tipo siepe

[babatriestina]

Biagio Marin guarda de bruto i colombi

mentre un cocal se ga messo sula testa de Rutteri

e drio de Moissi fiorissi in primavera un somacco

[babatriestina]

questa xe l'attuale cima della "montagnola" o "montagnetta" che de fioi ne pareva cussì alta!

e ecola come che la iera prima dei restauri

una delle aree senza alberi, per ciapar el sol in inverno

[babatriestina]

dove che iera , co ierimo putei, el noleggio de biciclette adesso xe campo zoghi


la zona a bulbi in primavera

[babatriestina]

Un per de fiori ripresi soprattutto in primavera
Le ortensie, che per anni iera una specialità del giardin, el primo anno i le ga impiantade a profusion, ma no sempre le xe stade bagnade ben e cussì no le xe più rigogliose come quando che go ciapado sta foto:

questi xe i iris, vizin dei busti de Joyce e Kosovel


e questa.. no xe più!! iera una magnifica piante de camelia, più o meno vizin dei cessi e la xe stada cavada cola ristrutturazion, pecà perchè la fioriva in febbraio. se volè veder camelie, ve tocca andar a Miramar

[Nona Picia]

Bel servizio!!!

[giuli]

Che bello!

è tantissimo che non ci vado...sarebbe ora di ritornarci!

[Capuzi garbi]

Un per de fiori ripresi soprattutto in primavera ...

e questa.. no xe più!! iera una magnifica piante de camelia, più o meno vizin dei cessi e la xe stada cavada cola ristrutturazion, pecà perchè la fioriva in febbraio. se volè veder camelie, ve tocca andar a Miramar...

Se no, pode` sempre vignir a casa mia, no? Basta che arive verso la fine de inverno. prima primavera (se le rivera` a sopraviver sta sicita`...)

[Nona Picia]

Un per de fiori ripresi soprattutto in primavera ...

e questa.. no xe più!! iera una magnifica piante de camelia, più o meno vizin dei cessi e la xe stada cavada cola ristrutturazion, pecà perchè la fioriva in febbraio. se volè veder camelie, ve tocca andar a Miramar...

Se no, pode` sempre vignir a casa mia, no? Basta che arive verso la fine de inverno. prima primavera (se le rivera` a sopraviver sta sicita`...)

Quasi quasi parto subito e rivo stasera, pronta la zena!

A parte el fato che se speto la primavera forsi vedo la mia....

[Nona Picia]

Al ingresso xe subito di fronte el campeto de pattinaggio, ve ricordè col iera a piastrelle? ben adesso ghe va i rollers, ma oggi iera poco de far, xe tuto pien de foie e me par che nissun le ingruma, i speta che fazzi el lavor la bora?

Cara baba, purtropo la bora servi poco e anche scovar, te garantisso mi che in giardin go un solo ippocastano che buta zo foie drio man e no passa due ore de quando che go scovà, che xe za denovo tuto pien, specie se piovi.
Bisognassi star là con la scova giorno e note. No te digo cossa che iera co de ippocastani ne gavevo due!

[babatriestina]

Novità in giardin. Vizin del laghetto, che una volta iera i cigni, e che se ve ricordè xe stai cavai dopo che un mato ga ciolto un, lo ga copado e se lo ga magnado , adesso i ga messo do topiari a forma de cigno: se vedi che ghe ga vanzado de quei che i ga messo nele aiole dele Rive!

[AdlerTS]

El Giardin nassi a metà Ottocento, in due riprese, su un terren dele monighe Benedettine, che i pensava de far una cesa dedicada a San Francesco nel novo borgo Franceschino ( vedi via S Francesco), ma po i ghe ga ripensado e i ga fatto el giardin.

Su quel libretto che ve disevo distribuido in certe scole i scrivi che xe rimasto de proprietà delle Monighe de via S. Ciprian fino al 1847.