Cittavecchia : via del Bastione

[babatriestina]

Cittavecchia : via del Bastione
e pensare che un tempo era tutta percorribile in automobile, permettendo di passare da via Felice Venezian a via del Teatro romano (era senso unico)


in fondo, il " giardinetto degli ailanti" zona abbandonata, privata

[Ciancele]

Cittavecchia : via del Bastione
e pensare che un tempo era tutta percorribile in automobile, permettendo di passare da via Felice Venezian a via del Teatro romano (era senso unico)


in fondo, il " giardinetto degli ailanti" zona abbandonata, privata

Baba mia, se ciapasi un soldo par ogni volta che la go fata a pie, saria rico. El canton de destra iera un negozieto de verdure, sul canton con via Felice Venezian un becher. A sinistra iera una botega magnativa andove che 'ndaimo a far la spesa, el paron, sior Aurelio, iera fasiston, ma bon. In mezo el famoso porton, sul canton con via Venezian le Baretine. In avanti zitavecia che se rivava in via Riborgo. Grazie.

[babatriestina]

Le Baretine esiste sempre là, e sul canton inveze ga serado la Bottega del nonno, libri e robe vece che me magnavo sempre un pochi de bori. Adesso la fazo a pie anche mi che la me xe sula strada per la Biblioteca civica che xe in via Madonna del Mare, sora del Carducci, in atesa che i la riporti in piazza Hortis

[sono piccolo ma crescero]

Se me ricordo ben le Beretine, finida la guera, iera una mensa dela "postbellica" e mia mama e mio papà, pena sposai e in subafito, 'ndava a magnar là.

Mio papà gaveva l'incarico de spartir i buoni pasto a chi che ne gaveva dirito. Un giorno xe vignui su de Isola a trovarlo i mii noni e mio papà li ga portai a magnar là, no perché fusi bon o fin, ma perché iera la mensa dove che magnava lù, e, pur gavendo in scarsela un paco de buoni pasto e no navigando nell'oro, el ga pagà el pranzo de mii noni, fazendo incazar el gestor dela mensa quando questo ga savù che mio papà gaveva pagà. Mio papà iera fato cusì.

Son andà a magnar, credo nel 78, ale Beretine; me ga portà là un mio amico che me ga spiegà che iera un dei locai più fini de Trieste. Come che se semo sentai el ga comincià a dirme: "te vedi, quel xe el diretor dela ..., quel xe el presidente de..." A mi però, probabilmente perché iero prevenù dei mii ricordi de famiglia, el magnar no me ga piasso, e gnanche el local: me gaveva tuto de mensa.

[babatriestina]

Mi no son mai stada e nissun me ga parlado né in bene né in mal. In corte però ghe xe una bela fontanella che ve g anche postado de qualche parte in forum

[Ciancele]

Mi conoso le Baretine come una betola andove che se andava a bever l'otavo in pie, al banco. Cosa che i ga fato dopo el 1953 no so. Diverse betole xe diventade ristoranti (esempio: La Mormorazion!). Le Baretine no ga postegi, gnanca par bici.

[babatriestina]

un altro toco dela via, molte case che iera in giro xe crolade ala fin del secolo scorso

menu e prezi dele Baretine

e drio de un vetro sporchissimo la fontana in corte de quela casa