negozi che verzi, negozi che sera..

[babatriestina]

Vedo che i dolci dei Speci costa 7 euro. La sacher originale iera a 9 euro Se la volè al san Marco 5 euro se la pagina xe agiornada ma no xe el original

[babatriestina]

ma per prezzi stamatina e gnanca al boteghin go visto ciliegie e 19,9 al chilo!

[sono piccolo ma crescero]

Comunque Dipiazza sta volta ga ragion: "Chi che ga i soldi che vadi a ciorse la torta e chi che no li ga che vardi". In definitiva no i vendi farmaci salvavita o generi de prima necessità.

El ga ragion, ma la batuda, un poco de grezon, come sindaco el se la podeva risparmiar...

[Ciancele]

ma per prezzi stamatina e gnanca al boteghin go visto ciliegie e 19,9 al chilo!

Ciliegie xe stade sempre care. Mi go pagà meno de dodise, ma iera sariese.

[Ciancele]

Vedo che i dolci dei Speci costa 7 euro. La sacher originale iera a 9 euro Se la volè al san Marco 5 euro se la pagina xe agiornada ma no xe el original.

Qua la diferenza tra banco e tavolo xe circa quatro volte tanto. Par esempio, un bicer de vin de 2 decilitri costa de 6,50 a 7,50 euro. La botilia mai meno de 30/40 euro. Tante volte te paghi anca l'afito dela carega e del posto.

[babatriestina]

mio bisnono istrian ghe tegniva ale sariese de Capodistria

[babatriestina]

Qua la diferenza tra banco e tavolo xe circa quatro volte tanto. Par esempio, un bicer de vin de 2 decilitri costa de 6,50 a 7,50 euro. La botilia mai meno de 30/40 euro. Tante volte te paghi anca l'afito dela carega e del posto.

istesso e anche più per el cafè. Sopratuto ai Speci.

[babatriestina]

ma po qua i xe tuti che "noi come Viena..." co riva una vera torta come Viena, de Viena , ara che no ghe va ben, che no ghe piasi la Sacher, che costa caro.. ma che i magni porzina ( ma no de siora Rosa che sera..) o de Pepi che un panin de porzina costa anca caro..

[Piereto]

Coi mezzi de oggi sempre più gente ga la scrittura facile. E qualche volta bisognassi pensar prima de scriver, no solo se se conossi l' argomento, ma se merita esporse. Esisti da sempre locali a bon merca' e locali cari. Perché le verità che xe scomode devi sempre vinir indorade? Educazion, bona creanza, o partigianeria ? Una volta se diseva che la carta se lasa scriver.

[babatriestina]

ogi vedo che al 30 giugno serà anche la libreria dele Paoline. la xe là de co iero picia, vizin de dove che iera Glessich nei anni 50 iera i sugerimenti catolici per el cinema..

[Ciancele]

mio bisnono istrian ghe tegniva ale sariese de Capodistria.

Noi de Capodistria gaveimo anca la juza. Nela seconda generazion. Bisognaria far una lista dei paesi che xe in Istria ma che la gente no xe istriana. Mi go parenti a San Daniele del Carso, Pola, Canfanaro, Parenzo, Rovigno, San Vicenti. Nisun ga mai dito son istrian.

[babatriestina]

Mio bisnono iera de Capodistria gaveva là la campagna de generazioni, i la gaveva comprada ai tempi de Napoleon, e no ghe xe dubi che i iera istriani e fieri de eserlo. Ma el ga sposado mia bisnona che iera triestina e cussì dela fin otocento in qua i viveva un poco a Trieste e un poco a Capodistria. Nono iera nato a Capodistria e ga fato el ginasio a Capodistria ma el xe vegnudo a Trieste oltre 100 anni fa.Ovio che no go sentido bisnono parlar, ma mama me parlava de lu e de come che el parlava. ela ghe voleva ssai ben al suo noneto

[Piereto]

Scrivendo del novo caffe Sacher triestin i cita che i ga utilizado i precedenti locai del negozio de scarpe de Rosini, ma ricordo che prima de Rosini iera la el cine Italia, sempre nell'edificio de la RAS. Proprio la in via Dante e su quela girada con el Corso entrava el filobus 5 e l'autobus 30 che poi proseguiva in piaza Oberdan.

[zac]

Ma ora che Cremcaffè ga serà (e Amigo xe in ferie), un emigrante che ghe manca el vero frappè (quel fato con jazo e late condensà, non con gelato e late) dove pol trovarlo?

[Piereto]

Pensando ai negozi che no xe più, ricordo che 60 anni fa, quando el numero de triestini che fazeva musica a casa ieri ancora alto, gaveimo almeno quatro negozi in cui te podevi compar spartiti, strumenti e acesori ,e carta de musica . Ghe Iera anche due che poi fazeva anche l' editor. Uno iera in via San Michele la casa musicale giuliana de Medicus, l'altro el stabilimento Giuseppe verdi de Repini. Pô in via Madonina ghè iera Pascucci, e l' ultimo che xe rimasto verto xe Rossoni che adeso xe in via San Francesco, ma una volta el iera in tela galeria omonima e po' el se ga trasferido in via Imbriani angolo via Carducci. Se te volevi comprar un pianoforte o ciorlo a nolegio ghe iera un appartamento in via Carducci prima del mercato coperto.

[Piereto]

Ricordo ancora un altro negozio che no xe più, Meinl, angolo via Roma piaza Ponte Rosso. Andaimo a cior cafe e cialde piscingher per far la torta e napoletani Meinl o Mignon. Ricordi de co iero picio.

[babatriestina]

sì, quanti anni che nol xe più. Anche mi ciolevo le cialde per la Pischinger

[Ciancele]

Mi de Rosini go comprà nel 1952 un per de scarpe maron scamosiade. Fazevo un figuron che no ve conto. In piaza Ponteroso iera Meinl (Julius Meinl, che'l ga, o el gaveva, un mucio de filiali in Austria) e Illy & Hausbrandt. Noi cioleimo cafe.

[babatriestina]

Ga serado d e poco el bar Flavia. In via Flavia, ovvio, mi ghe son passada una volta e el me gaveva fato un gran bona impression

[babatriestina]

La cartoleria de via Battisti, che nei anni 50 iera de un zio dela mia compagna De Barba