Buon Giorno!

[Piereto]

No rivo propio a abituarme. Go letto che casca malte da le faciate del palazo de la regione in piaza unità, e no so quamto quel che i scrivi corispondi a verità, ma i disi che la Regione spenmderà 450.000 euro per......el progetto, no per smaltar le faciate,.... forse noi se fida dei leganti che xe drento le malte e i vol che no le caschi più.

[Piereto]

Gavè notado che quando fe una picia ricerca per internet, el giorno dopo ve riva una serie inviti a leger del steso argomento che gavevi zercado, da parte de siti che no gavè mai inteso, e che spesso parti con annunci catastrofistici. Voi legè e po ve inacorzè che noi conta gnente che za no savè, opur noi aprofondisi niente perchè noi sa cosa dirve . A lori ghe interesa solo averghe dado spazio per la publicità Siti che ga el steso valor dei influenzer. Tuta roba che po mi trato come spam, come certe telefonade che me riva. El guaio xe che ccerte volte sti siti xe ligadi diretamente al motor de ricerca per esempio a google e no podè sgancelarli. Co la IA sarà ancora pezo, perchè ve troverè la pappa pronta come che la vol " lori ", un aiuto per evitar che voi zerchè, e co la fiaca oscurar siti che ghe fa concorenza.

[sono piccolo ma crescero]

Gavè notado che quando fe una picia ricerca per internet, el giorno dopo ve riva una serie inviti a leger del steso argomento che gavevi zercado, da parte de siti che no gavè mai inteso, e che spesso parti con annunci catastrofistici. Voi legè e po ve inacorzè che noi conta gnente che za no savè, opur noi aprofondisi niente perchè noi sa cosa dirve . A lori ghe interesa solo averghe dado spazio per la publicità Siti che ga el steso valor dei influenzer. Tuta roba che po mi trato come spam, come certe telefonade che me riva. El guaio xe che ccerte volte sti siti xe ligadi diretamente al motor de ricerca per esempio a google e no podè sgancelarli. Co la IA sarà ancora pezo, perchè ve troverè la pappa pronta come che la vol " lori ", un aiuto per evitar che voi zerchè, e co la fiaca oscurar siti che ghe fa concorenza.

Prova con https://www.duckduckgo.com

Ga qualche servizio in meno de google, però, stando a quel che i disi, no'l profila i utenti. Cooso gente che ga impostà el browser per far partir le ricerche con lui, mi ghe stago pensando, anche perché con google te vien ora un saco de roba sponsorizzada prima he i cominci a darte qualche link serio (me par che ne gavemo za parlà).

[Piereto]

Oggi legendo el picolo go trovado do argomenti che me ga interesado. El talasografico, perchè go abitado venti anni drio de lu, e el valico de Ferneti. In entrambi i casi le robe va mal perchè manca la manutenzion, cioè demanio e Anas ga de spender i bori in altra maniera e rinvia fin che se pol rinviar. La del talasografico abitava un mio zio e co lo andavo a trovar vedevo sempre un ometo che se rampigava su la torre , guardava el tempo, controlava le aparechiature e el pluviometro, pasadi i anni se impizava le luci de solo do finestre de l'uficio a pianotera. La Slovenia xe de tanti anni ne la UE, ma ancora credo che a tanti no ghe xe ciaro come render indipendente l'autostrada e el suo svincolo per Monrupino con la strada statale che va al confin. El piazal in question iera un postegio e el ga una masiciata ridicola che no pol sostenir le decine de tonelate che pesa i camion in movimento, per cui xe ben che i intervien , anche se po tuto el valico ga de cambiar.