crociere locali

[Piereto]

ogi voio meter sta foto de la Eco Mediterranea , che no xe una nave de crociera ma una navo roro. Gavemo più compagnie che ne collega con la Turchia e adeso anche con l'Egitto ,un ritorno a una rotta del lloyd austriaco. La eco mediterranea ga una stazza de 67000 ton, una lunghezza de 238 metri. e la adota un sistema de abattimento del co2 prodotto da motori diesel Man a gasolio controlladi elettronicamente e la xe ecologica perchè quando la xe atracada in porto la studa i motori, no la inquina e la va a bateria al litio con 238 mq de panei solari.

Eco mediterranea .jpg (46.44 KiB) Visto 56 volte

[Piereto]

Ogi do navi de crociera messe co la popa verso tera. la " Aida Blui" da 71.304 tonelate e 1440 pasegeri , longa 253 metri , e la " Crystal Serenity" 68.870 tonelate e 385 pasegeri , longa 250 metri. Legendo un poco se vedi come ste navi de crociera passi da una proprietà a l 'altra e da una compagnia ad una altra sempre nell'intento de risparmiar su le tasse .

alla marittima.jpg (91.08 KiB) Visto 40 volte

[sono piccolo ma crescero]

Piereto, fa impression veder sta nave Aidablu con sti labri sensui e sti oci che te varda. E go visto, de le foto che te pubblichi, che sempre più spesso i le pitura con tuti i colori, ma questa me par propio el massimo.

Go visto, po', che la bati bandiera italiana, ma el sito web xe tuto in tedesco e sul sito no i parla de aidablu! Mah!

[Piereto]

Aida blu ga una clientela tedesca, ma la fa parte del gruppo Costa che a sua volta fa parte de Carnival cruises, e le xe iscritte dove che le paga de meno , o le usufruisi de esenzioni fiscali. Anche indiani e cinesi ga le sue compagnie de viaggi e proprietà de navi. Devi eser un gran afar. Ogni tot anni ste navi passa de proprietà e i le ricondiziona in cantier e co no convien più i ghe le passa a qualche asiatico che po le dopra ancora un poco e po le demolirà. Adeso va de moda, i ga qualche esenzion fiscale , pasar a combustibili meno inquinanti come el idrogeno , ma po, cvome anche nel setor feroviario , se rivela eser un flop perchè manca a monte tuta la cadena organizativa de la produzion de l'idrogeno. Stesa roba xe per i auti eletrici, tanto voludi da la UE, un altro flop perchè la cadena distributiva eletrica domestica xe insuficente. E la UE continua a meter scadenze che i europei no pol rivar a rispetar. Tuto per qualche tonelata de co2 in meno, quando che xe ormai acertado che sora le 220 parti per milion l'efetto serra no cresi col creser de l anidride carbonica.