San Nicolò

[babatriestina]

savevo, ma spetavo el special de Zoomy, comunque ecotelo qua, el quadro, e el stendardo. Par che sia un ex voto de Massimilian a S Nicolò, no che el ghe porti i regali per la finestra ma come protettor dei marinai. Sarà dela volta che i disi che dopo un stratempo el se ga rifugiado a Grignan e el ga avudo l'idea de Miramar?

[AdlerTS]

Dieci metri più in là xe la targa (te son più brava de mi col latin )

[babatriestina]

Al divino ( = santo) Nicola Vescovo
Patrono dei naviganti
Ferdinando Massimiliano Arciduca d'Austria
Ammiraglio in capo della flotta
se stesso e tutti i suoi marinai
devotamente affida
pregando che in pericolo del mare
sia sempre presente propizio
( trad letterale riga per riga)

Dal Cuscito legio che questa lapide xe una copia de l'original, persa (!!!) coi restauri del 1954-55
La pala xe attribuida al viennese Johann Till 1827 1894 dono nel 1855 inaugurada el 6 dicembre 1855
El dipinto sul stendardo xe attribuido al Rose

[sum culex]

savevo, ma spetavo el special de Zoomy, comunque ecotelo qua, el quadro, e el stendardo.

Eco qua la mia foto del quadro.
Dela cesa de San Giacomo go fato le foto a suo tempo, ma no le go mai messe perchè le luci dei esterni no me sodisfava e pensavo sempre de andar a far de novo. Pasienza, desso qua meto sto quadro e meterò al suo posto quele dela cesa: i interni va ben, i esterni no tanto: per sta volta se contenteremo, no stè, ve prego, esser tropo severi nei giudizi, lo son zà bastanza mi per conto mio.




ciao
zoomy

[babatriestina]

diria un poco meo dela mia..

[AdlerTS]

Savé che go letto che prima de farla in Acquedotto, la fiera de S. Nicolò i la fazeva nell'attuale via Mazzini
Non rivo ad immaginarmela.

[Nona Picia]

Forsi i fazeva in via mazzini perchè cussì la iera ancora più centrale! Ogi no sarìa più possibile, a meno che no i la chiudi al trafico.

[babatriestina]

e ben, scusè: dove finissi via Mazzini, verso la Riva? ala cesa de San Nicolò dei Greghi!

[babatriestina]

i disi che el S. Nicolò originale gaveva el mantel e el capel blu e che i paramenti rossi xe stai lanciai dala Coca cola quando la xe vignuda fora, me par proprio nei anni 50, perchè el rosso iera el suo color.

a mi me sa che xe gente che conossi assai la Coca Cola ma poco i paramenti liturgici: no xe previsti paramenti liturgici blu, nè per vescovi nè per preti

eco san Nicolò de Bari in un santin del 1914, nol xe sicuro blu! ( resto de l'idea che quela dela Coca Cola sia una legenda metropolitana, o meo: che la Coca Cola gabi sfruttado l'imagine de santa Claus, no dubito, ma no che el sia deventado rosso solo dopo dela Coca Cola)
Al massimo posso pensar che in ambiente nordico protestante i gabi messo el color blu per diferenziarse dei colori tradizionali dei paramenti dela cesa cattolica.

[AdlerTS]

a fianco de San Nicolò xe el Krampus, diavoletto cole cadene de origine nordica

Sempre a proposito della tradizion, persa dalle ns. parti nel XX secolo, del Krampus: ecco una cartolina triestina del 1900 (con San Nicolò in blu )

[Nona Picia]

Forsi la tradizion del Krampus xe andada via con l'Austria. A casa mia no go mai visto Krampus, ghe domanderò a mia sorela che ga 10 anni più de mi, se la sa qualcossa.

[babatriestina]

Nei primissimi anni 50, mi no ghe iero, mia mama me contava che per i mii cugini i ga fato san Nicolò e un cugin de mama ga fato el Krampus, spaventando i mii cuginetti.
A quel epoca mi el Krampus no lo go mai visto, ma i me ne ga parlado. E girava dei diavoletti che po finiva sul albero de Nadal con una cadena che podeva aver ciapado dele caratteristiche de Krampus.
E a mi i vari mascherotti del carneval sappadin me fa pensar al Krampus.
Me domando anche se nela tradizion antica marinara de san Nicolò patrono dei marineri ghe iera qualche diavolo al seguito ( su cui el santo trionfava, ovviamente!) o el xe vegnudo co el se ga missiado con qualche tradizion nordica? perchè po Santa Claus inveze no ga diavoli al seguito e col deventa Babbo Natale al massimo el ga le renne, che xe bone.

Ma el Krampus xe bon o cativo? el fa solo paura ma in fondo el ga un cuor d'oro o el xe cativo ma san Nicolò lo tien ben soto controllo?

Sempre per san Nicolò, ( digo el vescovo de Myra canonizzado), su un libro de storia de Costantinopoli go letto che de reliquie de san Nicolò xe più de una: nel 1087 xe arivade a Bari le reliquie de san Nicolò, ma nel 1100 una flotta veneziana xe andada a Myra , Panfilia, costa sud dela Turchia, la cesetta esisti ancora adesso
ecove un'immagine

per correttezza visto che no la xe mia ve metto el indirizzo dela pagina:
http://www.flickr.com/photos/christakos/129014123/
xe curioso che propio a Myra, la patria de san Nicolò, ghe xe una gran statua de... Babbo Natale o santa Claus! ma par che in Turchia i gabi proibido la festività religiosa de Babbo Nadal in nome dela laicità ufficial..
e i ga trovado anche lori la presunta tomba de san Nicolò, che i ga trasportado a Venezia: Quaderni medievali 1978: Ai confini tra religione e politica. La contesa per le reliquie di San Nicolò di Bari tra Bari, Venezia e Genova.

[AdlerTS]

Ma el Krampus xe bon o cativo? el fa solo paura ma in fondo el ga un cuor d'oro o el xe cativo ma san Nicolò lo tien ben soto controllo?

I dovessi andar a trovar solo i fioi cativi, nelle case cioè dove San Nicola non xe passado

perchè po Santa Claus inveze no ga diavoli al seguito e col deventa Babbo Natale al massimo el ga le renne, che xe bone.

In america non i ga el Grinch ? Podessi esser cugin dei Krampus

[babatriestina]

I dovessi andar a trovar solo i fioi cativi, nelle case cioè dove San Nicola non xe passado

che mi sapio , inveze, el vien insieme con san Nicolò, solo che el dà carbon inveze che regali se i fioi no se merita

[AdlerTS]

A proposito de Krampus al giorno de oggi:

Nel Tarvisiano, come in Carinzia e in Slovenia, San Nicolò vestito da Vescovo, accompagnato dai “Krampus” (diavoli), passa di casa in casa per lodare i bimbi buoni che recitano in ginocchio le preghiere e ammonisce quelli più birichini.

continua su:

http://www.regione.fvg.it/rafvg/ansa/de ... untamenti/

[Nona Picia]

I dovessi andar a trovar solo i fioi cativi, nelle case cioè dove San Nicola non xe passado

che mi sapio , inveze, el vien insieme con san Nicolò, solo che el dà carbon inveze che regali se i fioi no se merita

Le informazioni che go avù in proposito conferma quel che te ga scrito ti.

[babatriestina]

Ben, ieri iero fra Slovenia e Stiria ve conterò de un'altra parte, ma go trovado sia san Nicolò che el Krampus:
el san Nicolò iera una magnifica statua de legno dorado, epocabarocca o rococò, mi lo dassi del Settecento, fra le decorazioni dela cesa de san Giorgio a Ptuj, iera diverse statue de santi vescovi, ma questo se lo riconossi per la tre bale de oro che el ga in man e che rappresenta i regali: el xe vestido con una cappa dorada, e i risvolto no arivavo a capir se xe argento o vagamente celestini

po a Bad Ratkersburg iera mercatini natalizi, abastanza modesti, e iera una putela che pareva un angioletto natalizio e che inveze go letto che voleva rapresentar za Gesù bambin ( un poco in anticipo)

e po apunto el Krampus, insieme a un costume però de Babbo Nadal. Come vedè, el Krampus ga una cadena intorno ala vita, un poco come i orsi che una volta i portava in giro, a far capir che san Nicolò lo tien ben soto controllo

[Nona Picia]

Che bruto muso che el ga! Co i fioi lo vedi i diventa boni de colpo! Magari i fioi de ogi xe cussì abituai a veder i mostri giaponesi, che el Krampus no ghe fa nè caldo nè fredo!

[AdlerTS]

savevo, ma spetavo el special de Zoomy, comunque ecotelo qua, el quadro, e el stendardo. Par che sia un ex voto de Massimilian a S Nicolò, no che el ghe porti i regali per la finestra ma come protettor dei marinai. Sarà dela volta che i disi che dopo un stratempo el se ga rifugiado a Grignan e el ga avudo l'idea de Miramar?

La prima piera del palazzo del Lloyd austro-ungarico in Piazza Grande xe stada messa, non a caso el 6 dicembre del 1880 : San Nicolò, protetor dei naviganti ! L’epigrafe commemorativa disi: REGNANTE FRANCISCO JOSEPHO I LAPIS LLOYDIANARUM AEDIUM AUSPICALIS DIE S. NICOLAI NAUTARUM PATRONI STATUTUS FUIT ANNO MDCCCLXXX AB INITA SOCIETATE XXXXIV.

[AdlerTS]

Su Triestemia gavevo messo un link ad un completissimo sito dedicado a S. Nicolò, ma adesso non lo trovo. Jera pien de disegni "storici".
Se Rofizal rivassi a darghe un cuc

http://www.stnicholascenter.org/

Strepitoso ! Completissimo !