Stazion centrale

[sum culex]

Meto qua e no in 'Trieste e i trasporti' perchè se trata de costruzioni e restauri de de edifici e no de mezzi de trasporto.

Come promesso ecove le foto dela stazion dopo l'inaugurazion del restauro dela roba vecia e del rifacimento e amodernamento de quela parte che no iera storica.

L'esterno: per completezza meto due foto, tute le altre le meterò in seguito quando che manderò el 'servizio' su piazza Lbertà (le foto le go a suo tempo za fate)

[sum culex]

La pensilina sul'ingresso



L'atrrio storico restaurado mantignindo tute le sue carateristiche originali



Lingresso ala sala dove che i ga spostado la biglietteria

[sum culex]

Un particolar



I tre archi che dividi in due l'atrio storico. La foto ga qualche difeto (zerchelo voi), perchè purtropo no go un grandangolare cussì spinto e alora me toca far le foto in più tochi (inquadrature) e po zontarle insieme, ma cambiando l'algolo de ripresa (no sucedi sui panorami ma solo sule robe bastanza vicine)
se pol notar le zonte (el medesimo difeto lo troverè anche su qualche altra, portè pasienza), anche se go tentà de coreger al meio, ma no son tanto bravo e de più no go rivà a far.

[sum culex]

Particolari dele colone



I capitei fati tra due colone

[sum culex]

I archi dal'altro lato



La targa ricordo per i ferovieri caduti



La targa comemorativa in memoria de Carlo Ghega e dopo anche el suo busto marmoreo

[sum culex]

El 'plafon' in vetro del colegamento tra la parte vecia e quela completamente rinovada.



La planimetria de tuto el complesso

[sum culex]

Uno dei due coridoi che porta ala nova piaza



La ceseta de San Raffaele (le foto del'interno le meterò, prima possibile, in 'cese')



La nova 'piazza' col teto a piramide in legno e vetro. Qua una volta iera una spece de giardin, purtropo bastanza o assai trascurà, con tre o quatro magnifiche magnolie cariche de fiori candidi. De tanto in tanto le amiravo fora dele finestre del'uficio: le iera ben più alte dela stazion.

[sum culex]

Eco i particolari

[sum culex]

La 'Sala reale'. Bela, ma picia e svoda: dal nome altisonante la poderia sembrar assai più grande e ben aredada



El bel sofito a cassetoni



El grande atrio prima dei treni con bar, libreria, ecc.
Tanto vetro: tute le parede divisorie xè fate in sto material

[sum culex]

La libreria 'James Joyce' e dopo anche el suo interno






Vignirà anche un supermercato (Despar), una banca e altro ancora; i sta tutora lavorando

[sum culex]

El cuor de quel che poderia esse ciamado centro comerciale



Le uscite verso i treni

[sum culex]

E finalmente semo rivai sui binari dei treni dala parte oposta al atrio storico dopo la passegiata per tuto el toco novo dela stazion. Rivadi qua come se fa a no fotografar el treno e le pensiline?






Al esterno, sula sinistra, el silos o quel che resta de questo edificio dopo el grtande incendio. Ma questo farà parte de un'altro servizio; devo ancora far le foto.



E questo xè tuto. Spero che se rimasti sodisfati, ogi come ogi xè una novità.

Ciao
zoom culex

[giuli]

Grande Sum!

Ottimo lavoro!

Stavolta però mancano 2 particolari che mi fa strano non abbia fotografato: i tabelloni luminosi arrivi/partenze in entrata e sempre i nuovi tabelloni ma sulle banchine...


te l'ho detto perchè per me sono una delle cose + belle

[babatriestina]

Grazie, Sum!

[sum culex]

Stavolta però mancano 2 particolari che mi fa strano non abbia fotografato: i tabelloni luminosi arrivi/partenze in entrata e sempre i nuovi tabelloni ma sulle banchine...

Intanto per prima roba ve ringrazio a ti e ala baba(TS) per le risposte in tempo reale e in anticipo anche tuti quei amici che volerà guardar e eventualmente comentar sto mio lavor.

Per quel che riguarda i tabeloni luminosi: Se li vedi un poco nela IV° foto dei interni del atrio storico e anche se assai in picio in quela dele uscite verso i treni. Me dispiasi de sta mancanza, ma no me pareva una roba esplicativa sul restauro e rifacimento architetonico dela stazion, anche se efetivamente i fa parte del aredo. Qualcossa se vedi anche in una foto de nona picia che la ga messo in 'Trieste e i trasporti'.

ciao
sum culex

[ffdt]

bel ... ... mi ghe son pasado de recente ma no i gaveva ancora verto tuto ... ma ti te ga mai pensado de far foto per la publicita`? ... perche` a pasarghe de persona no me gaveva sai colpido le parti nove ma a vederle in te le tue foto me fa voia de andar a farghe un giro ... ti te ga de gaver cualcosa in te i obietivi che i fa parer le robe piu` bele de come che le xe ;-D

ciau ciau

[sum culex]

... ma ti te ga mai pensado de far foto per la publicita`? ...
... ti te ga de gaver cualcosa in te i obietivi che i fa parer le robe piu` bele de come che le xe

ciau ciau

Far foto per conto terzi: de tanto in tanto ghe go pensado, ma, no savendo minimamemte a chi rivolgerme, go sempre lassado perder.
Mi no go gnente de speciale nei mii obietivi, anzi, sula machina digitale, che no xè gnanche reflex, xè un obietivo solo e gnanche de qualità ecelsa.
Grazie comunque per el complimento: voleria dir che se no xè i obietivi xè el soramanigo? Forsi, ma gnanche tanto!
ciao
sum culex

[ffdt]

[...]Far foto per conto terzi[...]

xe cuel che te sta fazendo cua ... ma mi intendevo a pagamento o almeno cualcosa che te daghi vixibilita`

[...]se no xè i obietivi xè el soramanigo?[...]

mah ... no so ... ... fa ti, ah

ciau ciau

Franco

[AdlerTS]

A parte la bellezza della parte "storica" della stazion, che non ga bisogno de commenti, ed el giudizio soggettivo della parte nova, che pol piaser o non piaser, diria che non xe bel che un che riva a Trieste trova el bar che non ga caffé triestin Pol sembrar un stupidez, ma xe una delle robe per le quali semo famosi.
A parte questa nota, un bel bravo al nostro SUM

[Tirabaralla]

Son d'accordo con Adler per questa osservazione sul caffè!

Per il resto, interessantissime le foto di Sum, ai miei occhi! In quella stazione lascio sempre un pezzettino di cuore! Da molti anni!
Mi piace la libreria all'interno, molto