"HIC SUNT LEONES" - I leoni a Trieste

[babatriestina]

[FORA TEMA]Xe due o tre giorni che no rivo a veder gnanche una delle foto de sum culex mentre rivo a veder quelle de BT [/FORA TEMA]

Sempre fora tema:
le foto de SumCulex xe ospitade de imagestime, che ogni tanto scantina, e a 3 alla volta xe ssai longhe de verzer tutta la pagina. Mi no so ben come che funzional la cache, ma so che dopo che go spetado per vederle, per un per de giorni le pagine con tute le foto se verzi svelte. Le mie due me go stufado propio de sto imagestime che iera intasado e le go messe in un album Alice , una roba colegada col mio abbonamento internet.

[sum culex]

quiz 6, per xe impossibile risponder, troppo assenza de dettagli in giro. o te conossi quel leon, o no te lo riconossi: el fondo xe piera bocciardada.. la seconda parte xe più ciara e fazessi pensar a un altro edificio liberty, sul stile de palazzo Viviani Giberti ( quel col cinema e le babone, per capirse) in Vial, ma anche de altre parti della città ghe xe palazzi su quel stil. Po quel no me ricordo leoni.. diria che el secondo leon no xe scolpido, ma la clasica piera ricostituida de fin Ottocento, probabilmente el xe ripetudo più volte preciso in fila
quiz 7 no me disi gnente, se no che xe quela scatoletta maron sula testa del leon, presa d'acqua o presa elettrica?

quiz 10 anche quel no me disi gnente, sarà tuto Borgo teresian fin Ottocento, xe tuiti quei palazzi che a ti te piasi tanto e che mi me par sovraccarighi

quiz 14 questo inveze no me piasi, e po i ga piturado e xe za scorzado.. Barcola?

Quiz 6: No xè in vial; su quel palazzo no go trovà leoni. In efeti no xè el secondo ma xè el primo a esser ripetudo più volte, el secondo inveze xè singolo.

Qiz 10: No xè Borgo teresian, anzi, xè de tuta altra parte

Quiz 14: no xè Barcola.

No te resta altro che stroligar avanti.

ciao
sum culex

[sum culex]

Scusa go saltà una riga.
Quiz 7: Xè vizin de casa tua!!!!

[sum culex]

[FORA TEMA]Xe due o tre giorni che no rivo a veder gnanche una delle foto de sum culex mentre rivo a veder quelle de BT [/FORA TEMA]

Me ssai dispiasi, ghe tignivo che te podessi far anche ti qualche comento.
Sta matina 01.06 .08 per un pco de tempo gnanche a mi no me vigniva fora nissuna foto, dopo un poco xè tornà tuto regolare e anche parecchio veloce. Ieri andava tuto normalmente. Idem per sta sera.
Perdonime, no xè colpa mia; te prego: prova ancora e speremo ben.
ciao
sum culex

[sum culex]

quiz 7: casa smolars?

Questi xè i leoni de casa Smolars. Ghe ne xè due sul canton via Dante/Mazzini e due sul canton via Dante/San Niccolò.






Efetivamente, dala massa de foto de leoni che go tirà fora dale varie cartele che go sudivise sudivise per vie, questi me iera scampai. Li go zontai adesso. Meio tardi che mai.

Devo comunque darghe ato a Django che el leon del quiz N. 7 con quei tre dischi in rilievo, a parte el color e la forma del muso del leon, ghe somiglia bastanza a quei de casa Smolars. Un tanto per un dovudo riconoscimento.

ciao
sum culex

[DJANGO]

me ga imbroià i tre dischi infatti!

[sum culex]

Go ricevù in privato da un caro amico un garbato e gentile apunto su una mia omission: go dimenticà, o meio go saltà de meter i leoni che xè sul gazebo de villa Revoltella. Provedo imediatamente! No posso meterli come quiz perchè se individua imediatamente el posto.












Ciao
sum culex

[babatriestina]

e un leon su un monumento che tutti conossi.. se dovessi riconosser del bordo

[sum culex]

Molo Audace: Rosa dei venti; per conferma vedi 'Quartieri e rioni/Molo Audace - Rosa dei venti/pag.2 / messaggio N.10 de babaTS, inviado ieri.
El ga un bochin de zuchero che consola l'anima e el doveria anche andar de un odontotecnico a farse la dentiera, se no come el fa a mastigar la boba? A parte i scherzi, el bochin de zuchero dovessi esser per el scarigo de l'acqua che se deposita sula parte de sora.
ciao
sum culex

P.S.: no steme far i complimenti a mi ma a nonapicia: xè ela che me ga dà sta indicazion.

[babatriestina]

de notar che nei due post no go messo el stesso, ma un diferente, visto che ghe ne xe 4 torno torno.
Per el sfiatatoio de acqua, par giusto, ma gavevo notado sula rosa altri busi che butta verticalmente sotto, in corispondenza de certe punte dela rosa, mentre questo xe lateral. Forsi i pensava, ma po no i ga colegado.

[sum culex]

Xè passà diverso tempo e vedo che no vien avanti altre risposte; speravo che ghe fussi stai più tentativi. In ogni caso adesso ve meto i indirizzi de dove che go fato le foto che go doprà come quiz.
Sta a voi andar a controlar

Quiz Nr.2: Via Roma Nr. 15

Quiz Nr.3: via Donadoni

Quiz Nr.4: via Fabio Severo Nr.63

Quiz Nr.6: Piazza Dalmazie e via Filzi (sul stesso palazzo)

Quiz Nr.7: Via delle Zudecche (tacà de piazza Goldoni: per questo contavo sula risposta de babaTS e prprio per questo lo go messo)

Quiz Nr.8: via Trento (Faciata posterior del palazzo dele Generali)

Quiz Nr.9: via Cellini

Quiz Nr.10: via Rossetti (questo gavessi dovudo andar ben per 'Piccolo')

Quiz Nr.11: Via Roma Nr.9 (angolo piazza Ponterosso)

Quiz Nr.13: Via delle Settefontane Nr. 42

Quiz Nr.14: Via delle Settefontane Nr. 42 (come sopra!)

Dopo che gaverè controlà diseme se go sbaglià qualcossa; spero de no, ma xè sempre possibile: i veci come mi xè imbranai (cussì ghe digo ogni volta ala cassiera in supermercato quando che ghe dago monedine: la conti ben perchè i veci xè imbranai!)

Ciao
sum culex

[babatriestina]

francamente, el solo che me vergogno de no gaver riconossudo xe el n7, che xe el ex Narodni Dom : no gavessimai pensado che max fabiani el suoleonzin el ghe lo gavessimesso anca lu..
xe de domandarse,a desso,a posteriori, come mai o ghe tegniva tanto al imagine del leon sule case: gaveva un significato portafortuna? perchè el xe assai diffuso, cossasomi, più che el caval, o l'aquila ( per le aquile sulae case mi faria però una carrellada,c he pol esser interessante..)Francamente, i monumentali xe bei, i altri, dove che no xe un particolar scultor, i xe abastanza somiglianti un co l'altro. Quel de via Zudecche devo andarlo a veder...

[Nona Picia]

francamente, el solo che me vergogno de no gaver riconossudo xe el n7, che xe el ex Narodni Dom : no gavessimai pensado che max fabiani el suoleonzin el ghe lo gavessimesso anca lu..
xe de domandarse,a desso,a posteriori, come mai o ghe tegniva tanto al imagine del leon sule case: gaveva un significato portafortuna? perchè el xe assai diffuso, cossasomi, più che el caval,

Forsi i pensava che el leon dava più dei altri un'impression de forza e difesa.... No me vien in mente alro!

[vorwaerts]

bellissimo thread e bellissime foto ! Le go salvade tutte....complimenti

[sum culex]

bellissimo thread e bellissime foto ! Le go salvade tutte....complimenti

Ringrazio per l'aprezamento.
ciao
sum culex

[babatriestina]

francamente, el solo che me vergogno de no gaver riconossudo xe el n7, che xe el ex Narodni Dom : no gavessimai pensado che max fabiani el suoleonzin el ghe lo gavessimesso anca lu..
..

me coreggio, no xe el Narodni Dom e Fabiani no li ga messi: xe qual palazzo svodo he i ga fatto nei anni venti per far pendant de palazzo Vianello, impignindolo de tuto el kitsch che i ga trovado, leoni compresi..



Ben bon, ve metto do bei leoni, anche alati, sula scala interna del Palazzo delle Poste

[AdlerTS]

Torre del Lloyd

I leoni i li gaverà miga messi dopo ??

[AdlerTS]

qua i leoni ci sono

[sum culex]

In cità xè tanti leoni: ma dove?
Seguo in parte i consigli che go ricevù sia del'amica babaTs che del amico Adler: Per la magioranza ve indico dove che i se trova (el nome dela via).mentre che per alcuni ve lasserò a Voi individuar el posto dove che i se trova.
Per sti ultimi, alternai coi altri, indicherò solo quiz 1, quiz 2 e cussì avanti, de modeo che poderè dar le eventuali risposte, indicandio del qual quiz che dìse trata, se volè evitar de riportar la foto.
Comenti? No severia cossa dir!
Anticipatamente ringrazio tuti per la partecipazion e l'atenzion che prestè ai mii lavori.
Ve invito anche a andar a controlar l'esateza dele indicazioni che go dado e a coregerme se go sbaglià qualcossa.

Un'amica del forum che zercava i leoni me ga avertì che xè praticamente sparide tute le foto e la me ga chiesto gentilmente se podessi rimeterle. Meterò tute quele che iera e no solo: ghe ne go fate diverse altre sucessivamente e le meterò tute, sia quele che iera che quele che go fato dopo.
Go spulcià tuto e mio archivio e ve posto tuto quel che go trovà; xè una caterva de foto, ma no go saltà nissuna, perchè al'amica che le ga richieste podessi interessarghe proprio quele che gavessi scartà, perchè le iera quasi dopie o no tanto ben riuscide.
Farò un post per ogni località indicando el nome del posto dove che la se trova anche se per certe xè più de tre foto. Ve averto subito che xè un lavor assai longo: se trata de 233 foto; de conseguenza no posso far tuto in un colpo, ma farò un poco ala volta.
No posso far sostituir quele che iera e po' zontar le altre, perchè no rivo a risalir ai sogeti giusti.

[sum culex]

Largo Irneri