dubbi su Nazario Sauro

[bilo]

« Caro Nino,
Tu forse comprendi od altrimenti comprenderai fra qualche anno quale era il mio dovere d'italiano. Diedi a te, a Libero ad Anita a Italo ad Albania nomi di libertà, ma non solo sulla carta; questi nomi avevano bisogno del suggello ed il mio giuramento l'ho mantenuto. Io muoio col solo dispiacere di privare i miei carissimi e buonissimi figli del loro amato padre, ma vi viene in aiuto la Patria che è il plurale di padre, e su questa patria, giura o Nino, e farai giurare ai tuoi fratelli quando avranno l'età per ben comprendere, che sarete sempre, ovunque e prima di tutto italiani! I miei baci e la mia benedizione. Papà

Dà un bacio a mia mamma che è quella che più di tutti soffrirà per me, amate vostra madre! e porta il mio saluto a mio padre. »
(Nazario Sauro - Lettera testamento ai figli)


per qualchidun pol esser un deliquente, per altri un nobile idealista, purtoppo a legger le vicende storiche ogni dun dopra i propri ociai

[AdlerTS]

Non vado a sindacar sul vederlo da destra o da sinistra, eroe o momolo: ognidun usa apunto i suoi ociai.
Penso de interpretar el fastidio de 82-18, che se po el mio, nel veder che i appellativi da Istituto Luce come "martirio" e "redenzione" sia ancora tanto in voga. Co i lo ga copado non i ghe ga strapado i denti come S. Apollonia o scarnificado con la spazzola de ferro come S. Biagio: i ga applicado la legge marziale allo stesso modo che gaveria fatto l'italia ciapando un qualsiasi disertor.
Dopo se pol andar avanti giorni a parlar se jera giusto disertar o meno, ma non credo che gabbi senso: se tegneremo ognidun i ns. ociai.

[bilo]

concordo bastanza, quel che saria importante xe proprio el fato che a distanza de quei fati se fasessi el sforzo de smorzar i toni e de rispetar un poco le altrui vicende.
"delinquente" me par forsi esagerato, vabben, ogni dun festegia e celebra (e denigra) chi che ghe sta ben (o mal)
Alo fioi ! n'demo vanti che dopo esserse tanto bastonadi nel passato gavessimo de pensar de far un europa decente che ne tegni tuti dentro, sennò rivarà un giro d'aria e ndaremo tuti gambe in aria

[serlilian]

Gavevo leto tempo fa, ma no me ricordo dove, che i austriaci ga trovà l'equipagio del Pullino su un batel de salvatagio e Nazario Sauro tuto solo su un altro. El gaveva anche qualche segno in viso. Par che i marinai taliani lo gà patufà, quando che el ga fato incagliar el sommergibile, perchè ghe pareva impossibile che un marinaio dela sua esperienza lo gavessi fato per sbaglio...

E dopo, per zercar de salvarse la pele, no'l ga riconossù sua mama!

Mah, no'l me par proprio el tipo de eroe senza machia e senza paura.

[babatriestina]

E dopo, per zercar de salvarse la pele, no'l ga riconossù sua mama!

xe anche el viceversa: sua mama per salvar el fio ga fato finta de no conosserlo.
Volemo meter anche un giudizio moral su chi che ciama una mama in tribunal , per zercar de farghe riconosser un fio, savendo che riconossendolo la lo condanna a morte?

[AdlerTS]

Gavevo leto tempo fa, ma no me ricordo dove,

Su l'altro topic dedicado a Nazario riportado sul ns forum

[bilo]

a sto punto alora se poderia anche dir (go leto da qualche parte ma no me ricordo dove) che el doppiogiochista nazario, ga fato finta de pasar coi italiani per incagliar el pullino, consegnar l'equipaggio ai austriaci che ga fato finta de processarlo e lui desso xe ancora vivo in argentina ...

gossip storici ... che bel dir tuto e el contrario de tuto... basta cambiar ociai e la storia cambia come che più ne piasi...

daltronde anche su garibaldi adesso se legi de tuto e el contrario de tuto
l'importante xe parlar mal de l'italia e semo tuti più contenti


viva l'E

[serlilian]

Gavevo leto tempo fa, ma no me ricordo dove,

Su l'altro topic dedicado a Nazario riportado sul ns forum

Te ga ragion. Me pareva de averlo leto su qualche libro, e inveze iera proprio qua, nel rapporto dela S.M.S "Satellit":

"......Feci rotta a 230° e dopo circa 3 ¼ miglia fu scoperta una piccola barca dal sottocapo timoniere Stefano Leib.
In essa si trovava , sotto una tela cerata, un ufficiale italiano. Al momento di essere arrestato, gettò da bordo un piccolo involto verde , che subito affondò.
Io rilevai la località con un galleggiante. Poiché l’ufficiale appariva malato e leggermente ferito alla faccia, fu preso a bordo e la barca caricata a bordo."

E più avanti:

"No go prove documentarie per dimostrar quel che go sentì dir in Marina, ma par che l’equipagio del sotomarin no lo gavesi volù con lori, e xe per questo che el iera solo in quela barcheta e che che i lo gavesi anche un poco maltratà, infati l’uficial austriaco el nota che "l’ufficiale appariva malato e leggermente ferito alla faccia". A meno che nol sia finì a musada saltando nel caicio."

[babatriestina]

povero Sauro, impiccado dei austroungarici perchè irredentista ma forsi pestado anche dei italiani...
ma no per questo el iera deventado antitalian ( dei atti del processo Pola 11 agosto..) se ala fin el ga zigado : Viva l'Italia, Abbasso l'Austria, viva la libertà
le contraddizioni e amare ironie dela prima guerra mondial xe tante..

[bilo]

e za che semo in argomento do parole anche per un altro istrian (de Pisin) anche se vissù a Rovereto)
Fabio Filzi qua nela foto co i lo ga ciapado i austriaci assieme a Cesare Battisiti (quest'ultimo politicamente un socialista.... voio precisarlo perchè spesso se se dimentica che l'italianità no iera de destra o de sinistra e spesso se fa uso strumentale bollando l'irredentismo come qualcossa de riferido a ambienti de fanatici de destra.

[sono piccolo ma crescero]

Premetto che a casa mia non c'era molta simpatia per Nazario Sauro, anzi Nasario Bareta, come veniva chiamato in base al soprannome. I miei erano di Isola e tra Isola e Capdistria c'era sempre una rivalità atavica difficile da digerire ed accentuata dal fatto che Capodistria avesse un personaggio illustre in più da celebrare.

Fatta questa premessa, lasciatemi citare liberamente (se qualcuno vuole posso mettermi a cercare la frase esatta) don Lorenzo Milani, che diceva, a sostegno della sua convinzione della generosità dei giovani, che se lui mostrava una foto di un condannato alla fucilazione ai suoi ragazzi e chiedeva loro "Per chi tieni?", loro mostravano sempre il condannato. E' una sensazione che ho provato anch'io quando ho avuto modo di vedere il documentario della fucilazione di una spia della RSI fatta dagli americani. Nonostante non potessi condividere le idee del condannato, mi accorsi che "tenevo" per lui, che avrei voluto che non gli sparassero.

Eppure in questo post, e forse anche in altri, ho letto ostilità e anche dileggio nei confronti di quest'uomo.

Se mi chiedete se lo definirei eroe, sarei molto perplesso. Preferirei lasciare questo epiteto a chi ha coscientemente affrontato un sacrificio per salvare altri (in questo senso troverei più eroica la madre che, nel tentativo di salvargli la vita, rinunciò a riconoscerlo, a buttargli le braccia al collo, a piangere).

E' stato un uomo che nel 1914 ritenne di fare determinate scelte; se ne sarebbe pentito in seguito? Sarebbe stato filofascista, antifascista, antiitaliano? Non lo sappiamo. Nel '14 scelse così e affrontò coerentemente con le scelte, dei rischi (non si rifugiò in Svizzera per non arruolarsi con gli Austriaci). Apprezziamone quindi la coerenza.

Un discorso diverso si può fare sulle celebrazioni che si fanno. Indipendentemente dalle nostre idee, penso che tutti possiamo onorare con il ricordo chi ha vissuto con coerenza le sue scelte, fossero quelle di Sauro che disertò e andò con gli italiani, fossero quelle di mio nonno che se ne stette fino al 17 nelle trincee dei Carpazi e poi sul fronte italiano, fossero quelle di quell'altro mio nonno che disertò non volendo fare il cecchino. Certaente quelle di Sauro, condivisibili o meno, lo portarono a perdere la vita.

Cessate d'uccidere i morti,
Non gridate più, non gridate
Se li volete ancora udire,
Se sperate di non perire.

Hanno l'impercettibile sussurro,
Non fanno più rumore
Del crescere dell'erba,
Lieta dove non passa l'uomo.

(Ungaretti)

[McFriend]

Lasciando da parte se Sauro era un patriota o un traditore.
Ci sono alcune cose del comportamento di Sauro che non capisco.
P.e. quando oramai molti testimoni, tra cui anche il cognato, lo avevano riconosciuto e condannato perchè non si è dichiarato. Penso che sarebbe stato un atto coraggioso.
Perchè è andato da solo con il battellino? Una cosa molto sospetta?
Perchè non si è camuffato da semplice marinaio? Sapendo che un ufficiale sarebbe stato sicuramente più controllato. Grave errore anche quello di non scrivere a casa. Penso che poteva inventarse una fittizia.
Risposte che forse solo lui saprebbe rispondere o forse qualcuno dell'equipaggio del sommergibile.

[bilo]

per meter tuti dacordo podessimo definirlo el "patrota-traditore" o el "traditore-patritota" perchè ormai xe chiaro che nol gaveria podudo esser uno "patriota" senza esser l'altro "traditore".
e dopo che ogni dun se ne fazi un simbolo e una ragion
Per mi che lo considero "patriota" ed eroe, no me fa niente de strano che per qualchidun altro el sia un "traditor".
quel che me domando xe se sto processo mentale riva a scaturir anche nella mente de chi la vedi ala roversa....
pareria de no, se stemo qua a zercar el pel nel ovo...

[serlilian]

Mi so benissimo che ognidun vedi le robe del suo punto de vista e no go niente in contrario, basta che a mi i me le lassi veder del MIO punto de vista.
La verità assoluta no esisti. Basta veder film come Rashomon, dove, a sentir i testimoni che ga assistido a un assassinio, par de veder tanti episodi diversi, con colpevoli diversi, a seconda de chi che parla.

[bilo]

Penso che questa "minima" libertà ghe sia. Se uno volessi celebrar a Trieste i morti austroungarici (eroi o meno) dela prima guera mondiale no credo che niente sucederia, par esempio...
Desso risbarcherà anche in piaza venezia quel "otimista" de Massimiliano, me par che no ghe sia a Trieste tuto quel preconcetto che se volaria far veder. Niente xe facile, qualchidun ruga, ma me par che ghe xe spazi per moverse per tuto e per tuti.
Ovio che ogni dun per el suo ga de mover el popi per organizar.
Qua per Nazario i se sta movendo, mi no so se esisti figure de triestini o giuliani che qualchidun gavessi piazer de celebrar per aver combattù con e per la bicipite.
Voio dir la guera xe finida de zento anni squasi, saria nche ora de interpretar per el tempo in cui vivemo...
mi digo sempre che qua la disgrazia xe stada che dopo la seconda no ghe xe sta una terza, misiada... coi contendenti rimescoladi (come che sempre sucedeva nei secoli passadi)... a sta ora no parlavimo più nè dela prima nè tantomeno dela seconda...
xe triste, ma xe cussì.

[babatriestina]

. Se uno volessi celebrar a Trieste i morti austroungarici (eroi o meno) dela prima guera mondiale no credo che niente sucederia, .

i lo fa, come che i fa le messe per la beatificazion de Carlo I, e chi che ghe interessa ghe va e i altri ignora..

mi digo sempre che qua la disgrazia xe stada che dopo la seconda no ghe xe sta una terza, misiada... coi contendenti rimescoladi (come che sempre sucedeva nei secoli passadi)... a sta ora no parlavimo più nè dela prima nè tantomeno dela seconda...
.

no so se sia stada una disgrazia, perchè se iera una terza guera forsi no iera nissun de noi vivo a parlarghene....

[1382-1918]

i lo fa, come che i fa le messe per la beatificazion de Carlo I, e chi che ghe interessa ghe va e i altri ignora..

no so se sia stada una disgrazia, perchè se iera una terza guera forsi no iera nissun de noi vivo a parlarghene....

Beh, volesi ben veder che i lo vieti, mancasi altro! I lo fa, ma in veste privata, tutt'al più con qualche benestare dela cesa, ma niente de più, no go mai visto el comun o la provincia, che celebra qualcosa de quel'ambito in maniera ufficiale. E non ste tirar fora che presto i lo farà col monumento a Massimiliano, perchè i la farà passar come pura riqualificazion dela piaza, anzi i ghe tegnerà a sotolinearlo per non iritar le varie Rosolen e D'Orso de turno.
Inveze le solite manifestazioni patriottarde e nazionalistiche che ricorda certi "eroi", e che ghe piasi tanto ala lobby nazionalistica, vien pompade ala nausea, con patrocini de tuti i tipi, centinaia de manifesti mesi in giro, e quant'altro servi per imbonirghe la testa ala gente. Basterà veder le carnevalade che i farà ai primi de novembre, in occasion dei 90 anni dalla prima occupazion de Trieste (e parlo de occupazion non in tono polemico, visto che l'annession xe datada 20 marzo 1921, e xe quela la data che quela parte dovesi festeggiar).

Per la seconda frase, quela sula terza guera, no posso che eser d'acordo con ti.

[serlilian]

Chissà se anche stavolta i impignirà tuti i pai dela luce con bandierine... ungheresi, come l'altra volta. Certo che no saver gnanche come che xe fata la bandiera del suo Paese....

[babatriestina]

prima occupazion de Trieste (e parlo de occupazion non in tono polemico, visto che l'annession xe datada 20 marzo 1921, e xe quela la data che quela parte dovesi festeggiar)

te vedi, xe solo che question de nomi, mi inveze per el 3 novembre parlo de fin dela guerra e de ricongiunzion alla Madrepatria.
Mi no ghe iero, ma mia nona iera quei giorni in Riva col mazzo de fiori per accoglier i militari italiani. E no la iera regnicola, la iera triestina nata a Trieste . e papà iera anche là, a festeggiar la fin della guerra e l'arrivo de l'Italia. Mama no iera ancora nata... Dipendi dei punti de vista...
No so perchè tanti ghe fa strano che se allora podeva esser italiani de lingua, cultura e desiderar de far parte del "novo" Stato italian.
Anche perchè in quei giorni l'Austria Ungheria no esisteva più se no a parole, visto che la se gaveva za sfaldado, essendose za costituidi informalmente i novi stati nazionali e quel che restava de l'Austria stava deventando Austria tedesca Deutschoesterreich.
( forsi xe reazion ale esagerazioni nazionalistiche del fascismo, ma, ciò, xe passado mezzo secolo dela caduta del fascismo..)

Per le feste, se podemo anche domandar perchè i Francesi celebra ancora proprio la presa della Bastiglia.. inveze che per esempio la dichiarazion dei Diritti dell'uomo..

[babatriestina]

MOD ps me bachetto de sola... el thread iera su questioni poco ciare su Nazario Sauro e se semo finidi a discuter su questioni "politiche" e sui nostri sentimenti, alquanto "viscerali" diria. No se convinzeremo a vicenda, mi credo... spero perchè sia ciaro che gavemo limitado la storia de Trieste al 1918? no perchè credemo che la finissi là, ma perchè dopo se missia tropo la politica . Semo finidi OT perchè me meto in mezzo anca mi.
cossa che i farà el prossimo autunno , chi che sia una "lobby nazionalistica" , definir "carnevalade" le future manifestazioni xe discussioni e opinioni personali che no riguarda per gnente el tema, che iera la I guerra, in relazion alla storia de Trieste.
spero che no ocori doprar lucheto o forbici...
/MOD