El porta CD de Piazza Goldoni

[Lugara]

Caspita che colpo de ocio, piccolo!
Mi no go mai notado prima sto particolar: credo perchè ogni volta che passo de là zerco de no guardar tropo diretamente quel obrobrio....

[Nona Picia]

Come te ga fato a vederlo?

[babatriestina]

me par che me gavevo accorto che el ghe iera, ma no lo go mai fotografado. forsi me xe vegnuda l'idea de un simile che ga le tende de sol dei mii vicini
fra i dettagli, questo rubinetto la gavè mai visto? sempre là, ma no go capido a cossa che el servi..

[babatriestina]

el portacd verso le nuvole, vision modernistica

[babatriestina]

Me taco qua, perchè comunque xe roba de "Trieste de ogi" e xe Piazza Goldoni, e in una foto ghe xe anche el porta cd. Anche in quartieri e rioni, ma là xe roba più storica.
Ma se podeva anche meter sui problemi del verde pubblico,.. ben oggi go deciso de meter in evidenza alcuni aspetti de piazza Goldoni.
Semo de domenica dopopranzo, e la piazza xe piutosto deserta:

del lato del muro, xe un per de lecci che par che gabi ciapado ben, le panchine xe deserte se no per qualche extracomunitari in canton, de solito le xe frequentade de veci, sarà anche i drogai ma no quando che ghe passo mi
questo lato no me par vegnudo tanto mal..

eco la foto verso Montuzza, col porta cd

( clicando sule foto se va al album dove che se le pol veder a grandezza original)

[babatriestina]

attraverso el "porticato" i lecci xe cressui ben

l'acqua vien zo a cascata e dà un senso de fresco

[babatriestina]

ma quel che volevo far notar xe le fioriere, arredo urbano? ecco, gavè la proposta de Nicola alias cepula, de farghe dar la manutenzion dele aiole a qualchedun? qua ghe volessi.. ma magari no ghe va ben, perchè ghe xe la ditta "amica" che vien pagada per sto lavor..
ben, vardè le fioriere:

le xe de metallo pesante, in bone condizioni..
andemo vizin

cussì le dovessi esser: in centro un bosso taiado a palla e intorno ederine, magari zontadi fioretti annuali, me par che in inverno iera ciclamini.
Quanto costa un bosso a palla? el bosso xe una pianta de topiario che cressi molto pian, quindi una piantina picia costa poco, una bela de queste dimensioni costerà.. 30 euro? digo a ocio, ricordandome i prezzi che go visto nele aziende agricole
Ovviamente perchè un bosso a palla resti a palla, ghe vol un giardinier che ogni tanto vegni là cole cesoie e lo tai..
questa xe la fioriera vizin

el bosso xe ancora in mezzo, ma ai bordi xe pien de erbe matte.: ghe volessi chi che le cavi via, a man! pretendo troppo? par de sì adesso anche i giardinieri condominiali le erbacce i le taia col decespugliator e dopo un per de setimane le xe come prima

[babatriestina]

eco el dettaglio dela erba matta, i la ciama crabgrass, de qualche parte gaverò anche el nome tecnico, ma la xe come un granzo che se slarga.. una volta che la va a seme te la ritrovi per tuti i cantoni

se pol arivar a fioriere come questa

eco un'altra

e cossa xe i stecchi in mezzo?

[babatriestina]

eco, questi me ga fatto propio pena, perchè sta primavera i iera dei bellissimi arbusti, dei cornus florida, immagino, i gaveva delle bratte bianche che pareva petali de fiori. Adesso i xe tuti morti del secco. Nissun che ga pensado de veder se ocorreva bagnar.



ecco, mi me domando: i pianta un alberel cussì, sperando che el duri? o i dà per scontado che se lo pianta, se lo godi fin che nol mori per trascuratezzae e po se buta via e se meti un novo?
in ogni caso adesso ste aiole fa pena.
L'aministrazion se vanterà "Gavemo speso tot" de arredo urbano e spendemo ancora tanto per "riqualificar" , ma riqualificar vol dir cior piante, lassarle morir, butarle via e compprar nove, cussì la dita che vendi piante guadagna vendendo continuamente, o aver un giardinier, comunal o convenzionado, che se occupi dele piante e le fazi viver??

[babatriestina]

za che semo in Piazza Goldoni, i ga cavado el impalcature del palazzo che i ga ripitturado, el xe legermente posterior de palazzo Pariso, circa del 1915, papà me contava che se ricordava de averlo visto costruir

el solito palazzon eclettico, questo de un stile pseudorinascimental, col pergolo de marmo

[babatriestina]

el medesimo palazzo, de notte, cole suggestive illuminazioni moderne
( e l'inquinamento luminoso? el risparmio energetico?)

[Nona Picia]

Interessante el tuo servizio e molto veritiero. Bisognassi far una petizion perchè el sindaco se decidi NO a riqualificarma a curar le piante e i giardini dela cità. Ma forsi questo,tratandose de manutenzion normale , xe chieder tropo!

[sono piccolo ma crescero]

Ogi a mia cognada i ghe ga consegnà un fascicolo stampà nel 2006 a cura del Comune e della fondazione CRTrieste: 70 pagine a colori con foto (meno bele de quele de sum culex).

Ve riporto quel che i scrivi del portaCD e dela nova piaza, perché merita (oltretuto savemo anche con chi ciaparsela):

Un progetto innovativo, un'architettura essenziale, frutto della creatività dell'architetto Castelletti, soluzioni e suggestioni nuove: questi gli elementi che contraddistinguono la nuova piazza Goldoni.

Ghe vol una bela dose de facia tosta per scriver ste robe! Xe pasai ormai un pochi de anni, ma la ristruturazion che i ga fato dela parte centrale dela piaza sempre bruta la me par.

[babatriestina]

la sola roba che se pol dir, xe che, almeno per mi, la piazza no iera bela gnanca prima..

[rofizal]

Sarà vero, ma cusì i la ga rovinada del tuto.

[babatriestina]

Sempre in Piazza Goldoni, Trieste come Las Vegas ( o quasi..)

[rofizal]

Questo no lo gavevo ancora visto!
(xe anche el fato che se mi vedo ste robe giro al largo )

[babatriestina]

(xe anche el fato che se mi vedo ste robe giro al largo )

no ghe go mai messo piede dentro, ma ghe passo davanti per andar a far la spesa al supermercato ; drio xe una poker room.

Su una vetrina ghe xe una scritta reclamistica, che xe la traduzion parola per parola de
La vita è un gioco ( affermazion che mi me piaseria discuter) e xe scritto in inglese perchè par più finoto:
the life is a game.
A mi quel the inizial me sona de troppo.. qua ghe vol i nostri esperti..

[macondo]

(xe anche el fato che se mi vedo ste robe giro al largo )

no ghe go mai messo piede dentro, ma ghe passo davanti per andar a far la spesa al supermercato ; drio xe una poker room.

Su una vetrina ghe xe una scritta reclamistica, che xe la traduzion parola per parola de
La vita è un gioco ( affermazion che mi me piaseria discuter) e xe scritto in inglese perchè par più finoto:
the life is a game.
A mi quel the inizial me sona de troppo.. qua ghe vol i nostri esperti..

Te ga ragion...e xe un sbaglio assai comun per quei che traduci l'inglese.

[babatriestina]

Notturno:
in prospettiva da Corso Saba el rifletti le luci rosse del Cremcaffè

in effetti, i lo ciamava "obelisco di luce" nei progetti,m a inveze el xe piuttosto scuretto