Terremoto?

[rofizal]

No ste bazilar se no me faso vivo in sto periodo, no ve go dimanticado e vederè che prima o poi tornerò.

Comunque me par che sia stado un teremoto poco fa (o son mi che dago i numeri).

Ciao e un salutone a tuti (e un baseto ale mule)

[serlilian]

Gavè sentì tremar poco fa?

[serlilian]

Ciao!
Ghe voleva un teremoto per farte vignir fora!
ehehehhe
Si. Lo go sentido anche mi e anche una mula che ga scrito in internet. Ma no so dove che la stà de casa.

[serlilian]

Questo no el xe ancora registrado.
Xe un dele 20.20 nela zona de Forlì

http://kharita.rm.ingv.it/Gmaps/rec/index.htm

[rofizal]

Ciao!
Ghe voleva un teremoto per farte vignir fora!
ehehehhe
Si. Lo go sentido anche mi e anche una mula che ga scrito in internet. Ma no so dove che la stà de casa.

Preferiria ocasioni più alegre ma xe un periodo che son tuto inteno in un lavoro a casa, no ve digo cosa se no me ciolè in giro.

Quanto al teremoto, mi son al terzo pian de casa relativamente vecia e me ga tremado sedia, tavolo e video, ma mia moglie che vardava la tv no se ga nianche acorto.

[rofizal]

Vado a leto, sperando de no dover andar in strada in pigiama.

Bonanote a tuti quei che legi.

[serlilian]

mi son al computer, su un tavolin poco saldo. Iero pozada sul tavolin per guardar una roba più de vizin e lo go sentido ondegiar e po' go sentì sonar campaneline che xe impicade su una lampada.

http://ilrestodelcarlino.ilsole24ore.co ... rche.shtml

[babatriestina]

Mi no, ma legio online orori in Abruzzo e prima fra Emilia e Marche.
No so perchè, ma ste robe vien sempre co xe più caldo del solito

[Nona Picia]

Mi no go sentì niente, ma mi stago in caseta e in pianotera dove che xe sogiorno e cusina, dificilmente se senti. E stanote nianche no go sentido niente. Povera gente!

[sono piccolo ma crescero]

Mi no go sentì niente e xe sta mio fio che stamatina me ga telefonà per dirme. Comunque demoghe un riconoscimento ai servizi che fa l'università de Trieste. A questo indirizo

http://rtweb.units.it/googleearth/gmap.html

voi gavè la mapa dei eventi sismici più recenti, in tempo reale. La mapa xe puntada sula region, ma se strasinè la mapa, come che se fa sempre, vedè anche quel de Ravena e de L'Aquila.

El posizionamento dei teremoti locali xe fato ben, più che se va lontan e più el comincia a sgarar, alemeno me par de ricordarme.

[Nona Picia]

Mi nianche no go sentì niente, per fortuna!

[babatriestina]

Go unido i due topic terremoto, metendolo in Eventi. Se qualchedun lo preferissi in salotin, che me disi..
MOD

[AdlerTS]

Jero sul divano ieri sera verso le 10 e ga dado un bel scasson. Lo go sentido proprio ben (in terzo pian).

Certo che la nota de Baba per el clima xe una roba che go pensado anche mi.

[babatriestina]

Jero sul divano ieri sera

mi, più che sul divano, me metto sul canapè.. però ieri sera e stanotte iero za in leto e dormivo dela grossa, e se me scassa el leto penso che xe el gato che ghe salta sora.

[sono piccolo ma crescero]

Comunque quel che gavè senti iera quel de Ravenna/Forlì che iera meno forte. Quel de l'Aquila iera ale tre de note.

E come ogni teremoto che se rispeti vien fora sempre quel che lo gaveva previsto. Ve ricordè? Col teremoto in Friul iera Bendandi, che gaveva una sua teoria con la quale el diseva de preveder i teremoti: forsi el gaveva ragion, ma se pol sgombrar per una setimana le case de una zona spetando un teremoto che forsi pol vegnir?).

Invece xe una roba che me domando: me par che la protezion civil voleria che i comuni atrezi una zona (prese de corente, fogne, ...) dove poder sistemar in freta e furia barache per el 10% dela popolazion. Anni fa, co iera sta el teremoto de Perugia, i se lamentava che nesun sindaco ga mai volù prontar ste aree (che poderia eser anche normalmente campi de balon o altro. Secondo voi a Trieste ghe xe ste zone?

[Nona Picia]

Me ricordo che per el teremoto del Friul, mio cugin de Vienna, ingegner geofisico, el ne gaveva dito che fazendo i rilievi là intorno col suo studio i se gaveva acorto che qualcossa se stava movendo, no domandeme cossa, perchè no me ricordo, e che forsi i gavessi podù preveder el disastro.
Adesso, mi no posso sicuro contestar nè lui, nè chi disi el contrario....

[serlilian]

Comunque quel che gavè senti iera quel de Ravenna/Forlì che iera meno forte. Quel de l'Aquila iera ale tre de note.

E come ogni teremoto che se rispeti vien fora sempre quel che lo gaveva previsto. Ve ricordè? Col teremoto in Friul iera Bendandi, che gaveva una sua teoria con la quale el diseva de preveder i teremoti: forsi el gaveva ragion, ma se pol sgombrar per una setimana le case de una zona spetando un teremoto che forsi pol vegnir?).

Questo xe el problema! Se sa che riverà un teremoto, ma quando?
Xe come per San Francisco. I se speta el "big one"m el grande teremoto, ormai de anni, ma, nel dubio, i gà costruido con sistemi veramente antisismici. Qua par che se ga sgretolado anche edifici costruidi dopo dele norme antisismiche.

Ieri go leto de qualche parte che la situazion pegiorerà sempre più perchè l'Africa se avicina all'Italia e nel soto suolo ghe xe masse enormi che se sposta e se scontra, provocando i teremoti.

[serlilian]

Questo lo ga previsto con qualche giorno de anticipo e i lo ga denuncià per procurato allarme.

http://www.repubblica.it/2009/04/sezion ... liani.html

[sono piccolo ma crescero]

Questo xe el problema! Se sa che riverà un teremoto, ma quando?
Xe come per San Francisco. I se speta el "big one"m el grande teremoto, ormai de anni, ma, nel dubio, i gà costruido con sistemi veramente antisismici. Qua par che se ga sgretolado anche edifici costruidi dopo dele norme antisismiche.

Ieri go leto de qualche parte che la situazion pegiorerà sempre più perchè l'Africa se avicina all'Italia e nel soto suolo ghe xe masse enormi che se sposta e se scontra, provocando i teremoti.

Penso che te gabi centrà tuti i problemi.

Intanto ve imaginè Dipiaza che ne fa star in tenda per sei mesi spetando el teremoto? Xe per questo che i fa ben a taparghe la boca a chi che ziga che riverà el teremoto. Anche sto mato che disi se poder preveder. Pol eser, vederemo el prosimo, ma de quel che go leto (se xe de fidarse dei giornalisti) lui lo ciamava sei giorni fa a Sulmona che con l'Aquila saria come de Trieste a Palmanova. E comunque no xe che in sei giorni le case no saria andade zo.

E queto per mi xe el vero problema: come i fa su le case? El tondin de fero e el cemento xe quel che doveria eser? Mi vedo che in Giapon riva un teremoto in centro cità, ghe ribalta le case e ... due morti e le case te le vedi ribaltade ma intiere. Qua, mi go visto in Friul e dopo anche nei altri teremoti, case nove in cemento che se disfa: me vien el sospeto che qualchedun no le gabi fate su come che el doveva.

[rofizal]

Mah, mi no so voi, ma co lo go sentido ieri sera go pensado:
"Qua riva o xe rivado un altro teremoto"
e de quei grosi, tanto che ve go scrito, moderatamente, i miei pensieri.

In realtà el primo pensiero xe stado: se riva una scosa più forte son sicuro?
Me son spostado in una parte più sicura dela casa, go avisado mia moglie, poi visto che no se ga ripetudo altre scosse me son tranquilizado. E so anche che Trieste no xe una zona molto pericolosa, ma se stavo in Friul no so se dormivo a casa la note pasada. Go za visudo el teremoto del Friul.

Insoma, omo avisado mezo salvado. Se te riva un aviso, perché ignorarlo? (parlo dela scossa, no dei studiosi che no i intiva nianche per le previsioni del tempo)