Piazza della Libertà (della Stazione)

[Tu1]

Quando gavè capì dixeme, e mete 'sta foto nel posto giusto. El palazzo xè in Piazza della Libertà, a lato de la galeria de arte antica.


Viva

[Nona Picia]

Xe Palazzo Callister?
Ciao ciao

[babatriestina]

Xe Palazzo Callister?
Ciao ciao

Esatto!
Ecolo in una cartolina anni 60, sempre i mii maestri cattolici

ammirè anche l'elegante vigile in bianco,e ve riporto le note sul retro al riguardo de sto palazzo:
Al n 5 il palazzo Kalister, del 1881, e dal 1911 dei Parisi. E' opera dell'architetto Luigi Zabeo. Presenta una certa imponenza,nel suo stile neogreco, col doppio colonnato, poggioli e statue in trono. Unita ad esso, fino alla via Tivarnella, la casa Catolla del 1883, opera dell'architetto Catolla. dal 1894 è pure proprietà Parisi.
Mi credo de esserghe stada una volta in visita de muleta, ma no iera dentro i Parisi, che po al epoca i iera za morti quasi tutti, ma solo la governante. Me ricordo de più in un apartamento con ingresso de lato una gran cancellata interna dorada, una roba insolita in un interno. paressi che ai primi ani del Novecento anche i Tripcovich, che gaveva za la villa in Gretta, stassi in un apartamento in sto palazzo come "casa de cità", cussì go letto nele memorie del fio del loro autista.
per concluder: che nome xe Tivarnella??

[AdlerTS]

Per mi Tuco voleva saver del simbolo la in zima, no el nome del palazzo

[babatriestina]

Per mi Tuco voleva saver del simbolo la in zima, no el nome del palazzo

in alto xe un pergoletto, tipo altana veneziana, e la decorazion par un monogramma e una dele do lettere xe una K de Kalister, l'altra no arivo a leger ben, una C, una G...
adesso che vedo meo, una F, le xe inclinade a 45 gradi fra de lore, una verso destra e una verso sinistra..

[Tu1]

Adler gà visto giusto, no go rivà a far una foto più granda del monogramma. Comunque Baba (che presto ciameremo "Kasteliz II - La Vendetta" gà risposto a sufficenza

Saluti

[AdlerTS]

Go letto che nel 1881, durante i scavi per la costruzion, xe vignudo alla luce un pavimento in mosaico, forse de epoca romana, che xe stado lassado soto l'edificio.
La F del monogramma xe Francesco, nome de battesimo de Kalister. Nel progetto, po, sotto doveva esser anche riportado l'anno 1879 in cifre romane.

[AdlerTS]

per concluder: che nome xe Tivarnella??

Me scrivi Mario:

via Tivarnella: la via fu denominata già nel 1800 con un toponimo risalente al 1400 che ricorda semplicemente la presenza di una "piccola taverna".

[AdlerTS]

Devo ameter che go avudo a dificoltà ad inquadrar questo scorcio della città: Babatriestina però me ga fato notar che se vedi in fondo el palazzo Kalister e, a sinistra appena visibile, palazzo Economo.

[1382-1918]

Ma sto palazzo che sorte ghe speta? El xe serado da anni, al primo pian xe i vetri rotti e co piovi entra acqua.
Un paio de giorni fa son passado davanti e go visto un tipo uscir dal porton principale che dopo el ga serado a ciave.

[babatriestina]

podessi anche metter nel verde triestin, ma ve metto qualcossa de Piazza Libertà vulgo Piazza Stazion, perchè molto cambierà anche se el brutto temo che resterà..
comincia con una foto della facciata della stazion: ma come, i la ga appena restaurada, bellissima, dentro, e.. no i ga trovado un fià de pitura de darghe ala facciata?


e zonto un per de immagini "geometriche":
xe el sotto passaggio per la Stazion, adesso con meno graffiti, e con le scalette che chi che va alla stazion (a meno che nol vegni dela parte alta de Viale Miramar o del alto delle Rive) devi farse per raggiunger la stazion coi bagagli, scalette incluse

[babatriestina]

Arrivemo al giardinetto, noto anche per la canzon Teresuta, che una volta ospitava un mercatin balcanico e adesso xe stado riqualificado come che i ghe disi adesso : xe le 7 de sera de un giorno qualsiasi ferial.
La statua de Sissi xe sempre là, e la xe difficile de fotografar, per el forte contrasto fra la statua de bronzo scura e el bianco dela piera intorno, col tempo la sta ciapando una leggera patina verde..

demoghe el debito tributo alla statua

e ai bassorilievi

[babatriestina]

e guardemo i cespuglietti davanti:

qualchedun ga lavado la biancheria dei fioi e la la ga messa a sugar propio là!!!

insomma, xe chi che xe abituado a lavar al lavatoio del paese e ga doprado la piazza come lavatoio pubblico

e xe ovviamente qualche bottiglia de birra butada là..

[babatriestina]

me son guardada ben de fotografar le persone e i gruppetti, gnente de minaccioso de ciamar le "ronde"

ma magari el mato che dormiva sul erba gavessi podudo cercar un altro posto

un vecio cartel ne ricorda che el verde xe un ben pubblico, de rispettar

[babatriestina]

i bordi de bosso a volte xe un poco radi, ma curai, l'erba abbastanza taiada, i alberi, la più parte ippocastani, xe in bone condizioni e dà ombra

solo che.. go contado, in piazza ghe xe 35 alberi 33 veci e due novi giovini.

Adesso el novo progetto de viabilità, su cui el Comun no ammetti discussion, prevedi el slargo della corsia del lato opposto della stazion col abbattimento de :
solo 5 alberi e altri 5 de trapiantar
bontà loro! solo che cavar 10 alberi su 35 xe butaghene zo quasi un terzo!!!
la zona de eliminar xe questa

praticamente due file de alberi, quei in centro e quei più a sinistra

[babatriestina]

Saludè i morituri, questo xe un bel platano

de cui ve mostro el bellissimo tronco


xe importante? la simmetria del giardin?
no, el importante xe farghe posto ai auti, che secondo lori porterà turisti e schei!

[Nona Picia]

I ga dito che i li ripianta più in là, ma se pol ripiantar alberoni cussì grandi? E magari se no i riva i xe capaci dir che i iera malai, come quei dela piazza de Roian, che dei veci ghe ne xe rimasti solo due o tre drio la cesa......

[1382-1918]

ma come, i la ga appena restaurada, bellissima, dentro, e.. no i ga trovado un fià de pitura de darghe ala facciata?

E de dir che no xe tanti anni che i ga fatto le faciade nove, ghe devi eser un problema de infiltrazioni de acuqa, perchè se ga rovinado sai presto.

e guardemo i cespuglietti davanti:

qualchedun ga lavado la biancheria dei fioi e la la ga messa a sugar propio là!!!

Ma ben, bela questa!

xe importante? la simmetria del giardin?
no, el importante xe farghe posto ai auti, che secondo lori porterà turisti e schei!

Ma ovvio, devi esser strade larghe per portar ogni giorno migliaia de turisti al parco del mare.
Cusì una volta rivadi sule rive, e no gavendo trovado parchegio, i pol tornar indrio senza el rischio de trovar ingorghi vizin la stazion.

[sum culex]

Cara BabaTS
te me tiri a zimento e come altre volte, se sfidemo a singolar tenzone; a chi la vitoria? Xe tuti i amici che fa i arbitri. Scartabelo nel mio archivio e zonto le foto mie del medesimo sogeto che te ga messo ti. Dopo meterò anche la casa russa e la casa de Barcola in stile venezian a seguito dei rispetivi post. La stazion la go za messa in tute le salse in Trieste de ogi.

No meto tuti i palazi dela piazza che posterò più in là per restar in sogeto Sissi. Comenti no sevi che fazo perchè te li ga za mesi tuti ti.

La piazza






El monumento a Elisabetta: cussì xè scrito anche se no te son ti.

[sum culex]