Francobolli del Litorale

[AdlerTS]

In Viale i ga in vendita dei francobolli preparadi credo nel 1946 con la dicitura Litorale Sloveno - Trieste, con l'immagine de S. Giusto.

Iera pronti nel caso passassimo alla Jugoslavia e non xe mai stadi logicamente emessi. Bel cimelio, ma costa caro !

[babatriestina]

Nel 46. e no nel 45?? insomma in principio Tito no se la gaveva messa via... ?
mi dovessi gaver qualchedun de quei dei 40 giorni, se li trovo ve li posto

[AdlerTS]

Da quel che capisso iera pronti per un successivo cambiamento de idea dei alleati .....

[palpio]

Questi xe francoboli Rsi sovrastampai nei 40 giorni.
No so se i ga fato in tempo a meterli in circolazion.
Spero de rivar a tacar la foto...

[macondo]

Questa emission sovrastampada la xe stada infati emessa dopo che i titini iera za andadi via. Infati la iera andada in vendita ai ufici postai el 12 de giugno 1945.

Durante la ocupazion jugoslava no se gaveva usado francoboli. Inveze se scriveva o timbrava 'pagato' con el importo corispondente.La corrispondenza (buste e caroline) usade durante i 40 giorni xe particolarmente rara.
I francoboli sovrastampadi i sará in uso per qualche settimana fin quando no se gaveva emesso quei sovrastampai con AMG-VG (22 setembre 1945) e l'importo adizional che se pagava (+) iera a favor dei sinistrati. Se trova abastanza material (in busta e cartoline) de uso filatelico. Uso genuin e comercial xe abastanza raro (200 euro ++). Mi go una busta e ve la meto:

[macondo]

In Viale i ga in vendita dei francobolli preparadi credo nel 1946 con la dicitura Litorale Sloveno - Trieste, con l'immagine de S. Giusto.

Iera pronti nel caso passassimo alla Jugoslavia e non xe mai stadi logicamente emessi. Bel cimelio, ma costa caro !

Mai emesso. Se pensa che el iera stado preparado in ocasion del referendum de 2 giugno 1946 con una idea de un posibile colpo de man dei jugoslavi per riprenderse Trieste.

[babatriestina]

Mi go visto dei francobolli con qualcossa tipo litorale, ma iera le imagini de Pola, e del castel de Duin, no go visto Trieste!
e po una serie con qualcossa con Trieste Trst che finiva con un dindio, che go pensado "grasso el dindio"! ma no go capido sti ultimi chi che li gaveva emessi, perchè no go rivado a trovarli sul un vecio Yvert Tellier de papà.

[babatriestina]

eco, li go trovai

[AdlerTS]

Tochi interessanti

[refolo]

no corri lente d'ingrandimento!
quei francobolli che ga' postado Palpio, xe solo propaganda emessa da un gruppo de sostenitori de TITO!
se anche el gavessi riva'??????meio de no'! El resto dell'Italia non ghe gaveria permesso a un comunista ateo a ficar la stella rossa sora le ciese sia de Milan che a Roma. Dopotutto chei iera fora col zatteron in mezzo al golfo chei spettava el comando per bombardarne la Cattedrale.


Per favor, mio papa' non iera solo collezionista lui iera un numismatico che una volta l'anno el andava a Roma da Marzari
(fradel dell'oreficie triestin) a ciorse i francobolli prima dell'emission postale.

Se i xe in vendita? xe senza el permesso delle Poste Italiane, da qua' se capissi che qualched'un vol farse pagar per robe che non xe mai esistide.
Non dimenticarve che xe valor dello Stato.

Maria aka refolo

[babatriestina]

quei francobolli che ga' postado Palpio, xe solo propaganda emessa da un gruppo de sostenitori de TITO!
se anche el gavessi riva'??????meio de no'! El resto dell'Italia non ghe gaveria permesso a un comunista ateo a ficar la stella rossa sora le ciese sia de Milan che a Roma.

Se i xe in vendita? xe senza el permesso delle Poste Italiane, da qua' se capissi che qualched'un vol farse pagar per robe che non xe mai esistide.

no iera solo che propaganda, per i 40 giorni ocoreva pur spedir posta... el resto de Italia in quei giorni stava festegiando la liberazion e la fin dela guera e i comunisti come Togliatti iera in auge - ma stemo andando OT che passemo ala storia lassando i francobolli, e comunque l'Italia apena vegnuda fora dela guerra no podeva fiatar contro un che ben o mal iera riconossudo fra i vincitori dela guerra.

oviamente in vendita xe tuti i francoboli, che mi sapio..

[refolo]

come i pol esser in vendita sei xe stadi ristampai sora una carta de volantini?

Lassemo perder perche' la Maria xe matta e go' sempre torto!


Maria aka Refolo!

[ffdt]

come i pol esser in vendita sei xe stadi ristampai sora una carta de volantini?[...]

no se pol doprarli per mandar posta ma comprarli per tignirseli per ricordo se pol sempre

[refolo]

Franco ben ditto!
xe quel che volevo dir.....non go' niente contro niente, ma quel che xe vero resta vero!

Maria aka Refolo

[AdlerTS]

Interessante l'articolo "storia dell’uomo e della posta" de Emanuele Gabbini, che disegna una sintetica ed efficace mappa degli antichi Stati italiani pre unitari, delineandone la formazione, lo status politico, amministrativo e dei servizi postali, al momento dell’adozione del francobollo.

El link xe questo

[babatriestina]

Interessante l'articolo "storia dell’uomo e della posta" de Emanuele Gabbini, che disegna una sintetica ed efficace mappa degli antichi Stati italiani pre unitari, delineandone la formazione, lo status politico, amministrativo e dei servizi postali, al momento dell’adozione del francobollo.

El link xe questo

se i ve interessa, mio papà gaveva fatto una piccola collezion de sti francobolli dei antichi stati italiani, posso fotografar e farve veder

[AdlerTS]

Perché no ?

[macondo]

Anca mi me piasi i francoboli

[macondo]

Tornando ai francoboli del Litorale, volessi menzionar una serie assai discussa del Litoral durante la ocupazion tedesca del 1943-45.
Chi disi che xe una emision falsa e stampada 10 anni dopo la guera. Altri disi che la xe genuina ma mai emessa. Praticamente che la iera pronta un par de setimane prima dela fine dela guerra per la stampa filatelica de Vienna. Se trata de una serie de 16 francoboli tuti diferenti e abastanza ben fatti e i valori piú alti (20 e 30 Lire) ga le imagini de Trieste...

[babatriestina]

contemporaneamente a quei de Trieste, i ga sovrastampado francobolli repubblichini per Fiume


questi invece xe italiani, ma per l'istria: de quando?

e questi, cossa xe, zona B?