Piazza Garibaldi

[sum culex]

L'altro giorno go messo Largo Barriera. Per restar in zona zonto anche un pochi de particolari de piazza Garibaldi.
Anche qua, come ormai de norma, ghe prego de far i debiti (e no firmar cambiali) comenti ala baba(TS), che ghe ne sa tanto ma tanto più de mi, che personalmente no saveria cossa dir !!
Mi fazo e meto solo quel che penso de saver far in maniera almeno decente.

La prima roba che colpissi in sta piazza xè la madonnina de oro

[sum culex]

La fontana che xè im mezzo tra i alberi



Un pochi de particolari

[sum culex]

[sum culex]

Tra i palazzi che circonda la piazza, questo xè l'unico, secondo mi, che ga un cero pregio, ma forsi me sbaglio: xè el più apariscente ma no xè dito che sia el più antico e de magior valor, xè comunque quel che me ga colpì de più dei altri che no me diseva gnente.

[sum culex]

Ciao e ale prossime
zoom culex

[babatriestina]

Brevi commenti, la Madonnina in oro, del 1954, xe del scultor triestin Franco Asco, che xe la trascrizion italiana de un original Atsckho . Anche Sbisà gaveva fatto una per el concorso..
El palazzo che te disi, alquanto elaborado, xe stado costruido per un ufficio pubblico, e el ocio svodo in alto, che qualchedun lo ciama Palazzo Polifemo, doveva tegnir un orologio . te ga trovado la fontana in funzion!
La piazza xe stada fatta nel 1859 del ispettor G Bernardie la fontanella xe del epoca, ispirada, disi la Ruaro Loseri, ala fontanella del Giovanin in Ponterosso. Una volta doveva vegnir fora l'acqua dela tromba del putto.

[dcobau]

grazie, Sum, essendo de via 7 fontane (bassa) go appreza sai ste foto.

ma la sul'angolo del palazo, non de iera una pescheria? e un poco piu su una torrefazion?

Dave

[dcobau]

una domanda,

come se ciama quel trato de via fra pza Garibaldi e largo Sonnino?

[refolo]

Co andavo alla Carniel dal canton de p.zza Garibaldi se ciamava Viale Sette Fontane, dopo xe sta' cambia' con via Sonnino e la continuazion Viale G. Da'Annunzio, iniziava alle scalette de via Molin a Vento.

El motivo per l'apertura piu' ambia che stava tra' la via Media-Sette Fontane e drio el bar sta viale d'Annunzio. Xe che in mezzo......

se non sbaglio xe stado quando chei ga'costrui' una specie, de grande contenitor a fogo, come un fogoler, dove se offriva vere matrimoniali-orencini-bracciai- tutto per la Patria.
Maria aka refolo

[Nona Picia]

grazie, Sum, essendo de via 7 fontane (bassa) go appreza sai ste foto.

ma la sul'angolo del palazo, non de iera una pescheria? e un poco piu su una torrefazion?

Dave

La pescheria xe ancora, la torrefazion no. Adesso al suo posto xe un "kebab".

[sum culex]

una domanda,

come se ciama quel trato de via fra pza Garibaldi e largo Sonnino?

Se go ben capì la tua domanda, dovessi esser via Raffineria.
ciao
sum culex

[AdlerTS]

Ocio che questa per un periodo jera piazza Elisabetta

[dcobau]

Ocio che questa per un periodo jera piazza Elisabetta

prima o dopo che i la ciamava barriera vecchia?

Dave

[refolo]

Ghe iera un'orologio e un'altro metereologico sora el canton della Farmacia Picciola, dove leggevimo 40 gradi all'ombra?
e mi piazendo ghe disevo, papa', mamma, mi scampo a Barcola.....spetteme stasera per zena dopo le sette.


Maria aka refolo

[AdlerTS]

Per Dave:

La piaza se ga ciamado Piazza della Stranga, Piazza Marina e Piazza Elisabetta. Stranga stava per "dogana", mentre Marino jera dovudo ad una caserma de Marina. I la ga ciamada Elisabetta in onor de Sissi in occasion della sua prima visita a Trieste nel 1856.

El bel palazzo fotografado de Sum doveva esser prima el Comando Supremo della Marina Militare e dopo sede centrale della banca Union. Non diventerà mai nissun dei due

[1382-1918]

Riguardo alla Madonnina de questa piazza, una mia amica insisti che la colonna no xe l'originale e che questa che xe deso la xe più bassa dell'originale! Ve risulta una roba simile?

Mi penso che la colona xe la stessa che i ga messo nel '54 co i ga messo la Madonnina, e che quindi la xe là de quela volta, e no la xe mai stada cambiada!

[AdlerTS]

L'unica data visibile scrivi 1954
Saria de far un giro intorno a veder se ghe xe un'altra in picio picio

Nel libro del Piccolo "una storia per immagini" me par che xe le foto dei anni 60-70 con le proteste de piazza ... proverò a vardar la.

[babatriestina]

che mi me ricordo, nissun ghe ga mai messo le man sora dal 54 a oggi

[AdlerTS]

Nel libro del Piccolo "una storia per immagini" me par che xe le foto dei anni 60-70 con le proteste de piazza ... proverò a vardar la.

volume 5, pag. 71: ottobre 1966. La par identica a ogi

[1382-1918]

Infatti, anche mi penso che sia la stessa.