Xe qualchedun qua che se ga iscritto ala Bavisela o conta de iscriverse? Mi me piasessi ma stago bazzilando con un zenocio ( e Larry no stame cior in giro disendo che per iscriverse basta una penna e no ocori zenoci, come che te me ga za remenado
una volta ).Comunque, per chi che no sa, xe una corsa-maratona in do sezioni: i professionisti, che se fa de corsa de Duin fin in città ( la maratonina dei due castelli) e i amatori, come che go fatto mi anni fa, i te porta col treno ala stazion de Miramar e dopo che xe passadi i veri i ne lassa liberi e , chi corendo, chi caminando, se vien zo a pie de Miramar fin Piazza grande, magari fazendo de corsa i ultimi metri.. in un altro forum i se sta organizzando per partecipar in gruppo.. qua xe nissun che cori? tuti coi zenoci aruginidi come mi?
