Francia: Normandia

[babatriestina]

Un giretto in occasion de un matrimonio in famiglia me ga portado a Parigi, Normandia, Bretagna.
Comincio con la Normandia, sede del grande evento familiar, e con la zona delle spiagge: Deauville Trouville, due cittadine tacade e separade de un estuario, in parte porto de pescadori ma soprattutto spiagge alla moda.
No steve illuder, la spiaggia xe ( e non a pagamento), la sabbia anche, el mar anche, ma sul mar ( la Manica) suffia un vento gelido e tagliente che pensar de far bagno xe una follia in sta stagion, Qualchedun camina scalzo coi pie nell'acqua. Una volta rientrai al riparo del vento, xe più caldo..
La spiaggia de Trouville alla mattina

( xe le zone che se riferissi Proust nei sui romanzi)
El canal che el separa, a bassa marea

le maree xe molto forti e se nota assai
spiaggia de Trouville, la passeggiata de legno xe un poco come quela a Grado de cemento, el punto de passeggiar e de ritrovo

[babatriestina]

de Trouville vizin del mar, verso el paese. Sia Deauville che Trouville ga el propio Casinò

una specie de molo de piere che ripara la spiaggia

a Deauville, sulla spiaggia al altezza del Casinò, ghe xe la spiaggia per ciapar sol, coi ombrelloni con riparo del vento

fra spiaggia e strada ghe xe una fassa verde con campi de tennis, de minigolf, de equitazion e per i più economi, per zogar ale borelle. I dopra bocce de metallo.

[babatriestina]

Caratteristico della Normandia xe le casette con la travi in vista sulla facciata, come queste a Deauville, anche el nostro albergo iera cussì

Honfleur no xe lontan, e xe invece posto de pescadori e armatori, più antico, ecco el porticciolo, dove che gavemo pranzado in compagnia de parenti ( le casette strente me ga ricordado Amsterdam)

casette antiche, botteghe e gavemo visitado un museetto con quadri de pittori impressionisti
redi de pescadori a Honfleur

e el pesse? no mancava, ve mostrerò e anche i crostacei e molluschi.. lori fa tanto pedoci lessi in pignatta con sughetti e con la panna, onnipresente nela cusina normanna : Ma controllandome son rivada a no aumentar de peso

[babatriestina]

al mercato de Deauville, drio del nostro albergo
tanto fromaggio, sidro, miel..


el Calvados: prendi nome de un vascello spagnol de l'Invincible Armada affondado su ste coste, e xe una specie de trapa assai bona distillada del sidro ( che xe sugo de pomi fermentado e che no me ga mancado in sto viaggio): caratteristico xe el Trou Normand che volessi dir butar zo un bicer de Calvados, alle nozze el ga fatto la parte del nostro sorbetto, fra i antipasti e la carne, iera un sorbetti ai pomi verdi bagnado de Calvados
Magnifiche fragole ( no bon prezzo..)

[babatriestina]

Pomi, magnifici armellini, sparisi bianchi, articiochi grossissimi..

ancora formaggio, Pont l'Eveque, vizin de dove che iera el matrimonio

grossi barboni, triglie, diria, sempre a Deauville

[babatriestina]

Una colazion in famiglia: crepes salade per tutti e po:
un piccolo Plateau de fromages

una Tarte Tatin ai pomi credo ( ga magnado el cuginetto) con crema ( vulgo panna liquida fresca)

e una bottiglia de sidro

[babatriestina]

Immagino che sarè curiosi anche del matrimonio.. ben qualcossa..
la cesetta del paese

tipiche de Normandia e Bretagna, le crosi de piera
arriva la cuginetta accompagnada del pare

el ingresso in cesa

[babatriestina]

el ristorantin di fronte, tipico normanno

cossa gavemo magnado? tanto e ben, ma ve mostro solo che el dolce, perchè iera una diferenza con quel che usemo qua:
prima xe rivada una fetta de dolce de cioccolata

e poi i sposi, al posto delle solite torte con panna, gaveva un dolce nuziale tipo Saint Honorè che no iera de taiar:
( ssai ssai bon...)

[babatriestina]

Per motivi contingenti, gavemo dovudo taiar curto sulle spiagge del sbarco, perchè gavevimo previsto la visita de tutta la penisola del Cotentin:
una sola foto de un punto del sbarco, zona Omaha circa..

gavemo raggiunto la punta estrema del Cotentin, dove che xe un faro

e spiaggette dall'aria fredda

xe bassa marea e xe batudo de alghe

[babatriestina]

la costa rocciosa incomincia a prender l'aspetto de come che la sarà in Bretagna


una deviazion, per un cartel dedicado alla casa natal e tomba del poeta Prévert:

[babatriestina]

ghe xe un piccolo percorso con cartelli che cita versi de Prévert

e go incontrado sto simpatico useletto, che no xe scampado lontan subito e che son certa che i nostri esperti me saverà dir cossa che el xe, el xe cocolo, come una baletta


Ancora un per de immagini gastronomiche, roba che i offriva in tanti ristoranti del viaggio: pedoci lessi in sughetto

[babatriestina]

e crostacei


per concluder la Normandia, alcune immagini della cattedral de Coutances:
una cattedral gotica costruida su una preesistente cattedral romanica, ma el romanico normanno ga za el slancio del gotico e i disi che le torri de Notre Dame de Parigi xe una sviluppo del original romanico normanno. Sta cesa la ga fatta i parenti dei Altavilla, che po xe andai in Sicilia e se ga fatto el regno là.. ultimo loro discendente famoso, Federico II de Svevia, fio d e una Altavilla.

la navata

[babatriestina]

prima del altar, al incrocio del transetto, una alta torre-lucerna

i archi e i pilastri verso el coro, drio del altar

la cesa ga diverse vetrate gotiche, ve mostro solo che un particolar, che mostra che cura i gaveva nel far ste vetrate : le rappresenta storie, de solito episodi biblici, ma le immagini xe inseride spesso in forme de medaioni floreali


ecco, mi con la Normandia gavessi finido un panorama, manca el Mont Sain Michel che xe al confin fra Normandia e Bretagna.. quel sarà per un altro topic.. spero de gaverve interessado e de gaver toccado un poco tutti i aspetti

[AdlerTS]

Bele le le casette con la travi in vista sulla facciata

[babatriestina]

Bele le le casette con la travi in vista sulla facciata

le xe diffuse in tante zone in Francia, ghe be go trovada perfin qualche resto a Parigi, ma ghe xe paesini in Bretagna( che no i me ga portado a veder perchè no gavevimo tempo o iera un fià lontan) tuti cussì. Soprattutto quei che no gaveva importanza strategica e ga evitado bombardamenti nela seconda guerra.
Sempre del genere, viuzze e ristoranti a Honfleur

Ierimo za in Bretagna, ma semo tornai indrio de qualche chilometro in Normandia per veder alcuni cimiteri de guerra, no la zona del sbarco, ma de combattimenti successivi, a Avranches che ga durato tutta l'estate del 44, come se vedi in questo grafico ciolto in un de sti posti:

questi xe in zona Avranches, cioè l'insenatura a sinistra de sta cartina. El Cotentin che gavemo percorso xe appunto la penisola nella parte alta del diagramma

El cimitero american, che xe più o meno come quei delle zone del Sbarco

[babatriestina]

ogni tanto su una tomba xe una rosa


nella cappella

ghe xe un libro dei visitatori, dove che spesso se trova la scritta "grazie"

[babatriestina]

Ma per veder no solo i vincitori, semo stade anche a un cimitero-ossario dei vinti, cioè tedesco, là vizin:


sui loculi, spesso corone/kranz de fiori secchi

e ovviamente anche là i cognomi xe la più parte tedeschi, ma anche austriaci, polacchi..

[babatriestina]

ma parecchi ga la semplice scritta Un soldato tedesco

in questa po xe una crose con un papavero: simbolo della battaglia? in effetti iera tanti papaveri in fior..


sempre restando in tema de guerre, e per introduzion al Mont Saint Michel,
questo cannon

se trova al ingresso, el xe della metà del Quattrocento e el xe stado lassado dai Inglesi co i se ga ritirado alla fin della Guerra dei Cento Anni

[babatriestina]

El Mont Saint Michel xe la principal attrazion turistica della zona: el ga tutto per colpir, una posizion particolar, su un isolotto che nelle alte maree resta isolato ( al parcheggio xe l'indicazion: portè via le macchine prima dele otto de stasera), viuzze con edifici medievali , e un convento -cesa fortificado costruido in vertical, con cese e edifici sovrapposti. El riverso dela medaia xe che el xe pien de tursiti. I ne ga raccomandado de rivar bonora, ma fra el fredo ( 10 gradi) la sosta per un comprarse un maion de lana, tanto presto no ierimo. Po quei giorni el tempo se verzeva verso ora de pranzo.. difatti: el Monte al nostro arivo

e alla nostra partenza

Le stradine strente e tortuose che va in suso

e che xe anche piene de creperie e boteghe magnative, come che me le ricordavo de quasi 50 anni fa, solo che quela volta la spuzza de grasso iera più cattiva..

[babatriestina]

su per scale e scalette,

se riva alla cesa conventual, mezza romanica e mezza gotica, dove che ghe xe ancora frati e monighe che difatti pregava le ore liturgiche e no gradiva molto turisti fotografanti nella zona che i stava e anche mi me son tegnuda un poco lontan

a fianco, ghe xe un bellissimo chiostro