Ricerca

[El vecio]

Durante l'ocupazion Austriaca,quà a Trieste ghe iera un cinema che se ciamava IDEAL,qualchedun savaria dirme dove el iera? Grassie muloni e mulone,ciao de El vecio. P.S. scuseme,ma devo far un particolar saludo a Serlilian:ciao T.L.T. da un tuo carissimo mulo-amico, te se ricordi a Stanjel de un certo MAX?.

[1382-1918]

No so darte la risposta, però devo farte un appunto, qua a Trieste no ghe xe mai stada una "occupazion" austriaca.
Se pol parlar de occupazion solo quando un Stato occupa un territorio che de diritto xe sotto una sovranità diversa.

[babatriestina]

legendo
trovo la citazion de un cine Ideale a san Giacomo

e rivo in piaza San Giacomo la dela ciesa…e prima de tuto incontro la paneteria..subito più in zo ghe xe el cine Ideale,

ma no credo de esserghe mai stada, me ricordo sto nome del elenco dei spettacoli sul Piccolo.
sarà miga che el iera sotto occupazion (quela sì ) tedesca dela seconda guerra?

[sono piccolo ma crescero]

Anch'io credo di ricordare un cinema Ideale a san Giacomo. Ho sempre pensato, ma non so con quale fondamento, che dovesse questo nome, in un quartiere operaio e notoriamente comunista, al primo verso del ritornello dell'Inno "l'internazionale"

Su, lottiamo! l’ideale
nostro al fine sarà
l’Internazionale
futura umanità.

anche se, onestamente, non lo so se il nome "l'Ideal" per l'inno fosse spregiativo o meno (a me sembra di no).

[El vecio]

,questa xe la caserma grande,se guardè davanti el 97°,vedè la scrita IDEAL,e qualchedun me ga dito che iera un cinema,ve risulta? Ciao e grazie da el vecio.

[Nona Picia]

Se no me sbaglio, me sembra la caserma che xe a Roian e a Roian xe sicuro che el cinema Ideale no ghe iera, gavevimo el cine Astra.Me par anche a mi che l'Ideale iera a San Giacomo in piazza.

[1382-1918]

Sicuro che sia la caserma grande? La configurazion dele strade no me batti, sembra anche un poco in salita, podesi esser la caserma de Rojan?

[Nona Picia]

Xe sicuro che xe la caserma de Roian.....

[macondo]

Un cinema Ideal iera stado verto in via del Torrente 1 nel 1905 (che dovessi esser dove ghe iera la Caserma Grande).

Vedé

[Giampaolo Ruzzier]

Dalla "Guida Generaledi Trieste" del 1914, il cine Ideal risulta in Via San Antonio 1. La via va da Via del Corso alla Chiesa di S. Antonio nuovo. Esistendo già via S. Spiridione, dovrebbe trattarsi dell'odierna di via Dante.
Saluti
Giampaolo Ruzzier nuovo arrivato

[sono piccolo ma crescero]

[FUORI TEMA]
L'immagine non si vede più o almeno io non la vedo
[/FUORI TEMA]

[Piereto]

no te son el solo a no veder la imagine.

[babatriestina]

i siti de hosting gratis xe cussì. Boni per mostrar una roba per un poco, ma senza garanzia che resti. Per questo gavemo i alegati ( per un poche de foto) e el hosting sul nostro sito ( che- ve informo- no lo gavemo ciolto gratis proprio per aver un poca de sicurezza che funzioni ben)