Gropada

[AdlerTS]

Bel nome Gropada...almeno xe uguale in italian ed in sloven

Co se riva, el centro xe oviamente la cesa



xe de rider l'altezza della porta: non gaverà più de un metro e 70

[AdlerTS]

Le viuzze xe a misura de carro

[AdlerTS]

Pur essendoghe case nove, tanti portoni riporta date dal 1838 al fine 800

[AdlerTS]

Un bel pozzo (anche questo 1839)

[AdlerTS]

Infine el stagno, che l'anno scorso iera sugado

[AdlerTS]

Una curiosità: tra Basovizza e Gropada de cognome fazeva quasi tuti Grgic o Krizmancic, diventadi Gregori e Crismani dopo Benito.

[Nona Picia]

Infine el stagno, che l'anno scorso iera sugado

Efetivamente del stagno xe restà assai poco, una volta ani fa che ghe semo andai per far una bela caminada, el iera pien de rane che gracidava allegramente, ma credo che adesso no sarà più niente dentro.
Ciao ciao

[AdlerTS]

Intorno lo stagno esisti ancora le farfalle

[AdlerTS]

Da un depliant della Region, ve conto che Gropada, menzionada per la prima volta nel 1278, jera prima sottomessa al vescovo
de Trieste e passa quindi come feudo a qualche ramo secondario dei conti de Gorizia. Documenti del XV sec. riporta abitanti al di sopra delle 40
unità. Nel 1777 la popolazion jera aumentada a 112 persone, con un rapido incremento dopo el 1818 con un massimo de 445 abitanti nel 1936.
La cesa che go fotografado xe dedicada a San Rocco, e sull'architrave ghe xe incisa la data del 1780 che fa probabilemte rigferimento ad un restauro.
Nel 1871 el Comun di Trieste ga regalado alla cesa una delle due campane della antica cappella civica de San Pietro.

[Zigolo]

Mi, che no vado per cese ma pitosto per stagni , ve conto inveze che le rane del stagno de Gropada (quele che ga inteso Nona Picia) xe un tipo particolare de rana, Pelophylax kurtmulleri. La xe praticamente identica ale nostre rane verdi (e anche del stesso genere, Pelophylax apunto), che po no ghe dovessi gnanche esser, sul Carso, ma la xe alloctona, cioè esotica, la vien de fora.

Pararìa che tempo fa, poco oltre confin, qualchedun gavessi messo su un alevamento e qualcheduna, scampada, ga colonizà qualche nostro stagno.

[vorwaerts]

Ciao , posso domandarte come se fa a raggiunger el stagno? dove el xe? Grazie

[babatriestina]

oltre el paese, in direzion del Monte dei Pini.

[vorwaerts]

spetta: mi dalla provinciale ciapo e vado su verso Gropada. Dove xe lo slargo, vado a sinistra verso el paese. Me par che xe due sentieri poi, un sora e un sotto?

[babatriestina]

sempre cola macchina, co te rivi al paese te va avanti me par che sia una sola strada asfaltada. anni che no ghe vado.. Una volta percheggiavo proprio al stagni e andavo su al Monte dei pini per una picia passeggiata.

[sono piccolo ma crescero]

Ciao , posso domandarte come se fa a raggiunger el stagno? dove el xe? Grazie

Google maps ga, purtroppo una nuvola che coverzi.

Questa xe la foto de http://it.bing.com/maps



El balin rosso, in basso a sinistra xe la dela ciesa; la strada che vien de sud xe quela de Padriciano e da sud est se riva da Basovizza. El balin blu in alto a sinistra xe là de el stagno. Sceglite ti che strada far per rivarghe. Sarà in tutto, ala grande, un quarto de ora a pie.

[babatriestina]

qualche altra immagine de Gropada:
la strada principal, bel la malta rossa, meno bel el pal..

el classico monumento ai morti della II guerra

tante fontanelle

[babatriestina]

architravi scolpidi
antichi e moderni, questo xe antico

questo anche, dovessi esser el nome, ma xe una scrittura assai poco ciara

i se ga ispirado al glagolitico?
el slargo del stagno

Imperversa i veci cartei, co iera una bella seccadura sconfinar

[babatriestina]

Però el xe suto!

no ga bastado le recenti piove

el cartel ( quei pagai dei progetti transfrontalieri europei) cola spiegazion

Qua, le rane dalmatine no ga possibilità..

[babatriestina]

Le querce vicin


Verso el Bosco dei Pini sentieri slargai de l'ultima volta che ghe iero, tanti anni fa, cartei inutilizzai..

Una trentina de anni fa el Bosco dei Pini xe stado attaccado della processionaria. orribile de veder, e anche de caminar, che sti orendi bruchi cascava dei alberi tipo piova.. po tutto se ga ripreso

questo xe un pra a lato del sentier: tuto pien de sti stecchi de alberi che germoglia,e che me par ailanti infestanti

almeno, a veder el germoglio terminale

[babatriestina]

Questa foto non è mia, ma è del prof Elio Polli, conoscitore come pochi altri del nostro Carso: il Leone di Gropada!
immagino recuperato da qualche villa.. l'ha messa su facebook!

( e mi ha autorizzata a ripubblicarla con le giuste attribuzioni )