Problemi del tram de Opcina

[sum culex]

Go inteso (no visto) per TV do' minuti fa che el tran ga deragliado, guarderò el notiziario noturno per saverghene de più.
ciao
sum culex

[AdlerTS]

El xe uscido dai binari nel punto dove el se sgancia dalla motrice e el devi far qualche metro in retromarcia per tornar sul binario per Piaza Doberman. In fin dei conti xe nato disgrazià

[macondo]

per tornar sul binario per Piaza Doberman.

Lapsus freudian??

[AdlerTS]

Quell'altro nome non rivo dirlo

[Nona Picia]

Go inteso (no visto) per TV do' minuti fa che el tran ga deragliado, guarderò el notiziario noturno per saverghene de più.
ciao
sum culex

I ga dito prima per Tele 4 ghe se ga trtà de ERRORE UMANO, question de botoni!
Ciao ciao

[sum culex]

Quell'altro nome non rivo dirlo

Per quel nome che ti no te rivi dir, a mi me ga convocà la Digos, sarà passai qulcossa più de 20 ani.

Ve ricordè dele 'radio libere' che imperversava in quel tempo. Bon mi frequentavo (e go fato anche qualche trasmission) 'radio stereo'.
Iera el periodo che i parlava assai de bilinguismo e la signora Gherbez (no so se se scrivi cussì) la propagandava l'istituzion de sta roba.
Mi parlando per sta radio go dito: Oberdan ga tentado de farghe un atentato ale autorità costituite, i lo ga ciapado, ecc. e el xè stado processà come delinquente: per l'Italia el xè un eroe. Se mi ogi ghe fazo un atentato ala Gerbez son considerà un eroe o un delinquente? El giorno dopo el Prinorski ga publicà un articolo in cui i diseva che per radio un certo sior (mi) sta preparando un atentato ala Gerbez (o qualcossa de simile, mi no lo go leto e anche se govassi fato ..... fussi stada note fonda).
A quel punto denuncia e convocazion: logicamente per fortuna xè andà a finir tuto in gnente!

Storie vere de una volta.

Ciao
sum culex

[AdlerTS]

(se volevè continuar, però verzemo un altro topic )

[AdlerTS]

alora, i pasagi a livel sula funicoalre funziona, quel che no funziona xe i semafori co i avisi per le machine che riva el tram, e sicome la media del'inteligenza de quei che guida no so se riva a 30, la roba xe no poco pericolosa.... lo go visudo ieri che go fato el giro in tram....

L'altro giorno son andado su per via Colonia e all'altezza della cesetta i semafori xe involtizzadi in sacchi neri, tipo quei delle scovazze. PANICO !
Uno che non abita a Trieste podessi benissimo pensar che xe binari morti.
Mi in quel tratto go spento la radio e me son fermado come se fossi un stop, ma quel drio de mi non iera tanto d'accordo: bisogna decider se farse tamponar o far un frontale col tram

Tornando alle vetture (grazie Sum) al capolinea de Opicina xe anche la carrozza maron, ma quela xe sconta soto un telon.

[Nona Picia]

Stando a quel che me ga dito l'altro mio fio, che lavora in caserma lassù, i sta restaurando anche la carozza maron.
Ciao ciao

[Nona Picia]

Ieri dopopranzo, passando per Piazza Oberdan, go visto che al posto de tram iera el bus.
....E ancca el tram de Opcina xe nato disgrazià....
Ciao ciao

[babatriestina]

par che xe stado de novo un guasto un per de giorni fa

[AdlerTS]

Per ferragosto, stesso punto dove el ga deragliado l'altra settimana

[Nona Picia]

Ieri el tram ga deraglià de novo nel stesso punto de l'altra volta. "Sembra" che sia un problema de rotaie.
Ciao ciao

[AdlerTS]

Adesso i ghe vol far una modifica: i ghe meterà le riodele come le bici dei fioi.

[Nona Picia]

Adesso i ghe vol far una modifica: i ghe meterà le riodele come le bici dei fioi.

Ma se i binari xe roti, no servi gnanche quele.
Ciao ciao

[Nona Picia]

Sembra che el tram de Opcina riprendi a caminar martedì. Sarà vero? E per quanti giorni o ore?
Ciao ciao

[AdlerTS]

I lo ga fatto ripartir el 9 setembre, che xe la data del suo compleanno: che i cerchi un poca de fortuna nelle date ?

[Bilbo]

al 9 setembre col la storica n°6 e una sposa....

me sa de sì, Adler....

e baseria che no i zerchi el risparimio all'ultimo euro, gnanca chei pagasi lori de tasca propria.....

[Nona Picia]

.....Ma per 4 ore nol ga podù rivar al capolinea, causa macchine posteggiade sule rotaie, e el se ga fermà a Scorcola.(e po' el tornava a Opcina).
Ciao ciao

[babatriestina]

Ormai no fa più notizia, e deventa ordinaria aministrazion, ma el xe fermo de novo per un guasto