In cusina

[LELA]

Bon dopranzo, anca mia mama la doprava la forcheta par montar le ciare dei ovi, e rivavo a farlo anca mi, ma, come che disi babaTS, se ghe meti el dopio del tempo.
Quel'utensile par tajar le forme de fotmajo lo gò anca mi, parò de fabricazion più rezente, ma no' lo dopro squasi mai, parché - a meno che no'i me regali 'na forma de formajo intiera - ogi come ogi el formajo te lo compri zà tajado.

Ciau ciau, con tanta simpatia, Lela.

[Vecio Lloydian]

E con questo ogeto de museo se fazeva el cafè: cafetiera GREINITZ, Eisenhandel &Industrie A.G., GRAZ_TRIEST (la funziona ancora, la go provada!)

[babatriestina]

eco coss che iera sta roba che no savevo!

[molighe el fil]

Go visto la cafetiera de Greinitz de Trieste e Graz,
Savè dove che iera questa feramenta, che la iera una dele più grandi del'impero?
Speto che qualchedun me rispondi.
Per adeso ve poso dir che iera in un grande palazo in centro

[Vecio Lloydian]

Bonasera, intanto che 'speto de saver in qual palazo in centro che jera la Greinitz, go trovà fora anche un brustolin de l'epoca e un ogeto che no so per cossa che el serviva (l'iscrizion stampigliada disi "OGI IN TAVOLA").

[molighe el fil]

No capiso propio cossa pol servir i due ordegni dela foto.
Per adeso te rispondo sul quiz del palazo Greinitz
Xe el palazzo in corso dove adeso xe la Upim, quel palazo che ga tuto intorno una fassa piturada da Piero Lucano.
La par smarida ma za in partenza el gaveva fato i colori slavazai.
I disi che la ga fata Lucano, ma el gaveva tanti aiutanti che fazeva el groso del lavor e almeno due amici de mio papà me contava che i gaveva lavorà su quel palazo

[Vecio Lloydian]

Grazie molighe el fil, adeso agiorno el mio archivio.
Cmq el primo ordegno xe, come scrito, un brustolacafè che vigniva girado cola manovela che se vedi a una estremità, el cafè se meteva dentro el coverceto che se vedi (mal) nela foto. El iera pozà su due suporti sul spargher, imagino.La cadenela xe stada messa solo per poderlo impicar sul muro in cusina per bela figura.
Spetemo qualchedun che ne ilumini sula funzion del secondo ordegno.
Ciao

[babatriestina]

el secondo mai visto gnanca nela mia vecia cusina..

[Ciancele]

Grazie molighe el fil, adeso agiorno el mio archivio.
Cmq el primo ordegno xe, come scrito, un brustolacafè che vigniva girado cola manovela che se vedi a una estremità, el cafè se meteva dentro el coverceto che se vedi (mal) nela foto. El iera pozà su due suporti sul spargher, imagino.
Ciao

Mia mama brustolava orzo? La sbaliava?