Quiz su cossa xè

[sum culex]

Ve meto tre macro foto de un sogeto e ve domando: cossa xè? De cossa se trata?
Speto de aver qualche risposta giusta o sbagliada che sia; fra un poco de tempo ve meterò qualche foto de aiuto e ancora dopo le foto de risposta.







Divertive a stroligar; ve speto al varco!
ciao
sum culex

[sono piccolo ma crescero]

Scusa sum, forsi te ne sta ciolendo in giro metendo sul fondo i spighi de una naranza, ma no sarà la parte centrale de l'albedo?

No ciapar paura per la mia cultura spropositada , volevo scriver "la parte più interna del bianco de una naranza, i fili bianchi" e me son domandà "ma i gaverà un nome?" e grazie a Google go trovà che el bianco dela naranza, sia quel che xe subito soto ala scorza che i fili bianchi che secondo mi te ga fotografà, se ciama albedo.

Anche se go capelà nel indovinar no me importa, go imparà una parola nova e un de sti giorni la dopro, con disinvoltura, per far bela figura e spander con mio fio e mia gnora... Però xe vero, ogni roba a sto mondo ga un nome (Genesi 2, 19-20).

[babatriestina]

ala prima , go dito Brina con sto fredo. ma de noi co xe cussì bora cava anche va el umidità e no xe gnente de liquido che iazzi sule piante Po me go dito Trefoli de corda o spago.. ma come che disi SPMC el color de soto arancion me fa pensar come lu. E te sa che mi albedo ma fazeva pensar a tuto altro? speta che vardo in vocabolario.. el secondo significato, dopo quel dei agrumi, xe Rapporto percentuale della luce riflessa da un astro o da una superficie riflessa rispetto alla luce incidente. Eco, no savevo ben cussì, ma qualcossa cola luce me vegniva in mente

[sum culex]

Risposte perfete! Xè el cuor de un agrume: una clementina made in Spagna; me gà colpì la strutura e go pensà de fotografarla.
Ti te lo ciami "ALBEDO": xè una parola che no go mai inteso e no la go trovada gnanche su un vecissimo Melzi e gnanche sul Devoto Oli; la go trovada sul'enciclopedia GE20 con diverse spiegazioni, ma no xè fata menzion de agrumi, però, fra le altre robe xè ben indicà el bianco che rifleti la luce. Nona picia conferma che sul vocabolario de Google, come che te disi ti, xè sta parola menziondo i agrumi.

Visto che le go fate e salvade ve posto anche le foto de 'aiuto' (che no ga servì) e le due risposte che gavevo preparà; cussì anche i altri amici del forum pol renderse ben conto dela precision dele vostre risposte, che no me spetavo cussì imediatamente de tal acurateza.

Come aiuto gavevo preparà tre foto: la terza po' xè molto indicativa.







Queste inveze xè le due foto de che saria stà de risposta e conferma col sogeto completo





A sto punto posso dirme contento e sodisfato dela vostra partecipazion e del voetro interesse.
ciao
sum culex

[mandi]

E mi imparo a no provar a risponder! Avrei detto "mandarini" e avrei indovinato...se vinze qualcosa a proposito?

[Nona Picia]

[sum culex]

E mi imparo a no provar a risponder! Avrei detto "mandarini" e avrei indovinato...se vinze qualcosa a proposito?

Sì!! I complimenti
Ciao
sum culex

[mandi]

No . I complimenti va al fotografo!

Ciao da Mandi

[poeta alegro]

bellissimo, complimenti per l' inventiva e per le foto!

[AdlerTS]

mi gavessi dito che jera muffa

[Piereto]

Più che un quiz su cossa xe , saria de dir " su cosa che iera". Sfogliando la mappa de Trieste del 1912, che riporta anche i edifici publici e i nomi de le ditte, ( una vera miniera de notizie ), go scoperto che al numero 26 de via Petronio angolo via Fortunio, proprio di fronte a la ciesa de San Vincenzo de Paoli ghe iera un edificio ciamado Albertinum. Cossa diavolo iera sto Albertinum ?.

[babatriestina]

Albertinum: società per il soccorso dei fanciulli, asilo infantile.

[Nona Picia]

Adesso go visto che i acogli anche extracomunitari, oltre ale suore. Gavevo visto uscir de quela casa alcune done che chiedeva l'elemosina fora dela cesa e una andava in giro vendendo fiori.

[Piereto]

za , ma perchè albertinum, e inveze che ne so iosephinum ?

[babatriestina]

sarà stado anche qualche arciduca Alberto..

[Piereto]

Spetemo che Adler ne ilumini.

[sum culex]

Un quiz specifico per NINI; son sicuro che lui sa de cossa che se trata!
E i altri ?
Eco i tre pupoli:







Speto NINI al varco e anche le risposte dei altri!
ciao
sum culex

[sono piccolo ma crescero]

Ehhh, con l'indicazion de chi che te speti xe facile...

[Nini Naridola]

Monodonta turbinata? vulgo Naridola?
Mi le go viste sempre a puntini e no striada.
Poderia esser una naticarius stercosmuscarum. Go dà un ociada ai gasteropodi e me ga piasso el nome! Me ga più anda de gasteropode "terrestre" e non marin, quela naridola. (No son tanto ferà in sienze naturali.

[molighe el fil]

Quel che iera ciamà Albertinum, ai tempi che go fato la prima comunion se ciamava Asilo Speranza e lo gaveva le suore Canosiane co le iera ancora in via Settefontane dove adesso xe la fiera (iera) e no le gaveva la vila sul canton de via Rossetti e via del Eremo