Icone dal passato / Icons from the past

[AdlerTS]

Sulla Basilica de S. Silvestro
On S. Silvestro church

[babatriestina]

Copio la scritta e provo a tradur, che qualcossa no me xe ben tuto ciaro:
D. T. O. M.
( Deo T Optimo Maximo)
A Dio T ?? ottimo Massimo- xe la solita dedica a Dio dele cese)
Praesertim
Christo Salvatori
( specialmente a Cristo salvatore)- cioè la Cesa xe dedicada a Dio ma specialmente al Salvator)
Templum hoc
( questo tempio)
Josepho II imperatore semper ANG PAT PAT
essendo Giuseppe II imperatore- per spiegar che che comandava ell'epoca, ma cossa ze el ANG PAT PAT volessi saver ???
Praeside comite Pompeo de Brigido
( Governator, conte Pompeo de Brigido quel del palazzo dove che ga dormido Napoleon un pochi de anni dopo- adesso casa de riposo)
Ecclesia Helveticae confederationis dicta
( la Cesa detta della Confederazion Elvetica)
Tergesti collecta
( riunida a Trieste)
Suo aere acquisitum et restauratum
( comprada e restaurada coi sui soldi)
dedicat
( dedica)
Anno SP MDCCLXXXVI
1786
(S P = Sanctae passionis? )

Xe una dele cese che xe stada serada per i decreti ecclesiastici de Giuseppe II ( iera la cesa sul sito tradizional de SS Eufemia e Tecla) e comprada, e tuttora proprietà dei Svizzeri. Meno mal che ghe iera i Svizzeri e i Tedeschi che ga comprado questa e el Rosario, che se no i le butava zo !
( mi no me par che sia un gran merito de Giuseppe II- xe i Svizzeri che lo pol ringraziar che i xe rivai a comprarse la cesa, ma come xe ben specificado, sborsando de tasca loro!)

[babatriestina]

Tuto ben e tuto ciaro, ma.. cossa ghe n'entra la Madonna de Lourdes? appropriazion democristiana? devozion austroungarica ala Madonna de Lourdes?

El culto della Madonna de Lourdes (per quel che so mi che no son noto per el mio "praticato religioso" ") el dovessi risalir dala metà dell'800. Qual xè el problema? E cossa c'entra i democristiani? Più basabanchi dei Austriaci e dei Sloveni e Croati xè 'ssai pochi in Europa Centrale....

el mio istinto me disi che ste grotte dela Madonna de Lourdes xe soprattutto del Novecento e che de solito co se fazeva un monumento comemmorativo de guera no se missiava cole imaginette dela madonne. Mi me sa de una zonta- trasformazion dei anni Cinquanta del Novecento. Me piaseria veder el monumento come che el iera al momento del inaugurazion.

Che po Austriaci Sloveni e Croati fussi stadi al epoca assai de cesa e che i andassi a brazetto cola cesa e i vescovi triestini de l'epoca xe ben noto, anche perchè i italiani- regnicoli iera in lotta col Vatican per via de Porta Pia e i iredentisti e compagnia butava verso la Massoneria o una sorta de religion laico-umanistica mazzinian-garibaldina.

[macondo]

Che po Austriaci Sloveni e Croati fussi stadi al epoca assai de cesa e che i andassi a brazetto cola cesa e i vescovi triestini de l'epoca xe ben noto, anche perchè i italiani- regnicoli iera in lotta col Vatican per via de Porta Pia e i iredentisti e compagnia butava verso la Massoneria o una sorta de religion laico-umanistica mazzinian-garibaldina.

Questo xe un punto su cui gavevo acenado in un vecio thread de Tsmia su le origini del 'antagonismo' tra le etnie italiane e slave..
Che mentre nel XIX secolo el scontro 'ideologico' iera tra una posizion conservatrice e tradizionalista (de 'destra', se volemo semplificar) de la etnia slava nei confronti de una posizion laica e progresista dei italiani, nel XX secolo (e anca ai nostri giorni) el antagonismo se trasforma in un confronto tra la destra borghese e nazionalista italiana e la sinistra operaia e contadina slovena. Logicamente che xe dele sfumature che in parte contradisi questa interpretazion; per esempio una significativa presenza de un nazionalismo sloven con forti conotati catolici (i famosi 'slavi bianchi').

[babatriestina]

Mi volevo evitar de parlar de destra e sinistra, de conservatorismo e progressismo, per evitar conotati ideologici.
Me limitavo a una constatazion relativa al solo Ottocento, e diria gnanca i ultimi anni, co se comincia a veder la diffusion del socialismo che cambia un poco le carte in tavola.
Sta de fatto che i vescovi del Otocento iera principalmente in alternanza sloveni e croati, ma come sempre podemo discuter fra causa e efetto, principalmente xe che iera un seminario sloven ma no un seminario italian. E no dimentichemo che el corispondente sloven otocentesco dela Lega Nazional iera la Società dei Santi Cirillo e Metodio.
Prima o dopo mi voleria far un longhissimo thread lungo i secoli sui vescovi triestini, perchè xe tanti personaggi e come che i se inserissi nela storia della città, de Frugifero al scisma dei Tre capitoli, de Piccolomini a Bonomo, de Legat, Karlin, per finir a Santin, che xe ormai quasi contemporaneo ( sarà adesso i 20 anni dela morte, se no sbaglio)

[babatriestina]

Par la dedica de San Silvestro, semper ang pat pat

go letto mal xe semper aug pat pat e
semper aug devi esser sempre augusto, adesso me manca solo che el pat pat ( se go leto ben- magari sarà za pronto tradotto de qualche parte )

[Tirabaralla]

pater patriae?

(non mi ricordo un piffero di latino!)

[babatriestina]

pater patriae?

(non mi ricordo un piffero di latino!)

suona bene, solo che non l'ho mai visto applicato a Giuseppe II ( era attribuito a Vittorio Emanuele II per due motivi ) il concetto di patria all'Austria di fine '700 mi sembra anacronistico- ci vorrebbe un esperto epigrafista, ste robe le fanno all'Università a Lettere

[Tirabaralla]

C'ho provato...non mi viene in mente altro

[AdlerTS]

In Piaza Grande, sulla fontana

l'Aquila bicipite xe stada cancellada, ma se capissi ben che la iera nel spazio svodo.



On the Fountain in Piaza Unità: the double headed eagle has been deleted from the top part of the icon.

[babatriestina]

In Piaza Grande, sulla fontana
l'Aquila bicipite xe stada cancellada, ma se capissi ben che la iera nel spazio svodo.
On the Fountain in Piaza Unità: the double headed eagle has been deleted from the top part of the icon.

Go letto che la scalpellazion de l'aquila dovessi eser stada fatta nel 1810 durante un'occupazion francese. Nel 1916 in piena guerra i la ga rimessa in una version provvisoria in cemento-poco la ga durado

It seems to have been erased during one of the napoleonic occupations, 1810

[babatriestina]

Lungo la linea ferroviaria del Carso se vedi spesso veci cippi austroungarici





sembra che ci sia pure una massicciata di una piccola ferrovia, forse usata nelle retrovie della prima guerra

Along the rails on Carso, one can see some old Austroungarian milestones

[babatriestina]

Per i esperti de araldica ( asburgica naturalmente ) questo stemma lo go fotografado a Lubiana, ma che stemma xe?
I have taken this picture at Lubiana, but I cannot identify the coat of arms:

[ffdt]

la parte de soto, cuela che par scolpida in te la piera, xe evidentemente un stema vescovil ... se vedi ciaro sia el capel che i cordoni che vien fora (no me ricordo come che i se ciama) come anca la tiara e a destra (sinistra per noi che vardemo de fronte) el baston pastoral ... ma per la parte de sora no go idea ...

ghe xe una parola francexe, brisure, (italianizada in brixura) che vol dir circa "rotura" se no xbalio, che in araldica indica el fato che un cadeto el se ga fato un stema cambiando un poco cuel de familia

el stema de sora paresi che sia una brisure de 'l stema imperial, e per zonta el fato che 'l sia divixo a meta` fa pensar che la familia che lo porta la sia nata de l'union de do familie diverse de cui la se ga cilto i do mezi stemi ... pero` fin cua xe la semplice teoria general ... de chi che sia i do stemi originai e de chi che sia cuel che xe derivado no go idea ... cua tocasi conoser i colori de i vari rami de i von Aubsburg


ciau

Franco

[babatriestina]

Che in una sia un vescovo, fin qua ghe arivavo anca mi , un capel de vescovo e un baston pastoral... ma za no savevo se ghe iera vescovi Asbrugo a Lubiana. Po quela a colori in mezzo no ga el pastoral, ma una crose che ghe somiglia ala crose de Lorena, ben bon i ultimi Asburgo iera eredi dei Lorena, per via del marì de Maria Teresa. El stema xe diviso in do parti, quela de sinostra xe el solito stemma Asburgo, con metà del Toson d'oro ( che vien dela eredità de Borgogna. Anche le do corone dele teste ( version a colori) no xe precise, mentre quela in bianconero no ga corona, ma ghe ne xe una più in alto nel stemma, che no se vedi in quela foto. E la variante de destra ga la fasse a scacchi biancorosse..
mentre a sinistra, la variante più asburgica, nel mezzo del scudo ga ancora ripartizioni, a sinistra un fondo oro con una fassa rossa diagonal con qualcossa de bianco ( animai rampanti?) mentre a destra xe de novo fasse bianche e rosse, come el stemma de l'Austria atual.. chi sa come che iera i colori dela Carniola?
curioso anche che i cordoni del capel de vescovo , che gnanca mi no me ricordo el nome, prima de cascar, fa dei nodi, e xe el nodo Savoia! xe una combinazion o xe fato aposta?
e po el toco de aquila a sinistra xe nero, e quel de destra xe blu, ma magari xe fato moderno senza un significato preciso.
El stema bianco ga baston e spada incrosai, dovessi esser de un vescovo-conte o per lo meno un vescovo investido de poter secolare.

[rofizal]

No so se ghe entri, ma i quadrati bianco e rossi fazeva parte (e me par fazi ancora) del stema dela Croazia.

[babatriestina]

E ancora, el secondo stemma, ghe xe la mitra de vescovo, ma el capel de sora, xe de cardinal!

[AdlerTS]

Poco fora città, a S. Antonio in Bosco - Borst ghe xe la cesa dedicada a S. Antonio con questo porton d'ingresso:

In the neighborhood of Triest, exactly at the gate of the church of S. Antonio in Bosco - Borst :




ghe xe una Bicipite che sembra molto antica (grazie a Babatriestina per el suggerimento )

There is a doudle headed eagle that looks very ancient (thanks to Babatriestina for the advice)



I altri decori xe comunque molto interessanti

The remaining decoration is as well interesting

[AdlerTS]

Lungo la parete dell'ex Arsenale di Artiglieria a Campo Marzio xe inserida una piera che ricorda la data della costruzion del complesso fortificado che partindo dal forte de Maria Teresa inglobava altri edifici come el Lazzaretto a scopo de difesa da un eventuale attacco italian. El progetto jera stado affidado a Karl Moering e sulla piera se dovessi leger KK FJI 1856: purtroppo rimani appena visibili le K. (Cippo moeringhiano)

Along an old wall in Campo Marzio is still visible a stone that reminds the construction of a defensive system from the possible attach of the italians built by Karl Moering . The writing should be KK FJI 1856 but unfortunately the only letters still visible are the K

[AdlerTS]

E questo xe le monumento de Sissi in città, in piazza della Libertà (al tempo Piazza della Stazione).

Per la statua, prima de definir la forma esecutiva, xe stadi fatti dei bozzetti. Nei civici musei de storia xe conservado questo dell'Architetto Alessandro Hummel del 1908, leggermente diverso dal costruito.

This is a mock up of the statue made by Arch. Alessandro Hummel in the 1908, slightly different from what was finally built