Piaza Goldoni e dintorni

[babatriestina]

se vedi una collina verde: per mi xe Monte Radio e se dovessi za veder le antenne. O xe una collina più in là o i ga ritocado la foto per cavar le antenne..

Le antene de MonteRadio, xe 'ssai più in su (a destra, naturalmente)

Ma.. ssai più su a destra saria quele de Conconello! ma el colle de Terstenico ( detto Monte Radio) xe quel verde e ala sua destra se vedi la collina de Scorcola fin al castelletto Geiringer
Inveze ingrandindo se vedi come una riga bianca, che podessi esser la tracia de una manipolazion:
anzi, ingrandindo se vedi come una vaga traccia del taio del oleodotto, che passava propio anche là.

[AdlerTS]

No me riferisso al nome, che no gavevo dubbi che Piazza Goldoni fossi nata come Piazza della legna ,

Molte volte go leto "Piazza delle Legna"

[babatriestina]

No me riferisso al nome, che no gavevo dubbi che Piazza Goldoni fossi nata come Piazza della legna ,

Molte volte go leto "Piazza delle Legna"

e difatti Rutteri nei sui due libri scrivi Piazza delle legna , e anche l'attual via Giacinto Gallina ( via dele zento galine, diseva mama) iera in orgine via delle Legna.
Un altro argomento a favor dell'ipotesi de falso.
( però bel quel lavoretto de snif )

[snif]

Go messo Conconello/Frlugi e Terstenico, nela stessa pignata.
Per quel no me bateva.

Stress per trope antene.

[babatriestina]

Epur uncerto fascino la ga...Mi me ricordo de un magico momento de piú de 30 anni fá quando traversandola durante el crepuscolo, con davanti una vision de via Mazzini piturada de viola, go finalmente capido quel che vol dir Era già l'ora che volge al desio ai naviganti e 'ntenerisce il core

te go pensado ieri sera, ma la foto che go fato rendi poco

[Tu1]

..de che anno xè le case del Ponte dela Fabra? se guardè le prime cartoline, fina ai primi anni del secolo scorso jera un altro edificio dove ogi xè i portici e la fototecnica giuliana....

[Tirabaralla]

Finalmente qualche tempo fa ho visto la "nuova" piazza dal vivo. Devo dire che... c'è davvero troppo cemento
Le fontane "a cascata" le ho sempre trovate senz'acqua, anche perchè faceva freddo... la colonna illuminata non ho capito proprio cosa c'entri... sinceramente non mi ha convinto. Ha un aspetto + ordinato, ma davvero troppo grigio, per nulla "conviviale", peccato...è una bellissima piazza con bei e interessanti negozi (el Cremcaffè uber alles )... bah.

[macondo]

..de che anno xè le case del Ponte dela Fabra? se guardè le prime cartoline, fina ai primi anni del secolo scorso jera un altro edificio dove ogi xè i portici e la fototecnica giuliana....

Babatriestina scriveva piú sora (pagina 1 de sto stesso thread) "...ma xe interessante la casa fra la piazza e via Carducci che no xe l'attual ma una che i ga butado zo per far l'atual dei Portici, questo devi esser stado circa nel 1912...."

[Tu1]

Orpo, no gavevo visto.....otima informazion. Grazie Baba e Macondo

[AdlerTS]

Altra bella foto della zona

http://www.mondotram.it/davide/cartolin ... e-1943.jpg

[AdlerTS]

Nissun ga una cartolina che ciapa la piazza verso el negozio de scarpe Castiglioni (forse MisterKappa) ?
Leggevo che su quel lato ghe iera una costruzion, simile se volemo alla vecia cabina elettrica liberty che i ga rimesso recentemente in Piazza della Borsa, che inveze iera un vespasian !
Sai bel, pareria !

[babatriestina]

Go solo che questa, che xe un poco confusa, credo che simile o la stessa la gabi MisterK

Paressi una de quele fontane che iera un poco dapertutto, tipo quella de Piazza Caserma

[ffdt]

Un poco de storia antica e interesante (e forsi sto topic xe sbaglia per sta roba).[...]

In efeti stava meio soto "Storia de Trieste" e cusi` lo go spostado in De 'l medio evo a 'l porto franco -> Lebbra.

Ciau

Franco

[macondo]

Nissun ga una cartolina che ciapa la piazza verso el negozio de scarpe Castiglioni (forse MisterKappa) ?
Leggevo che su quel lato ghe iera una costruzion, simile se volemo alla vecia cabina elettrica liberty che i ga rimesso recentemente in Piazza della Borsa, che inveze iera un vespasian !
Sai bel, pareria !

Go trovado in ebay una cartolina dove te vedi la costruzion. In piú, ghe xe un altra costruzion propio in mezo la piaza, che par un posto fisso de vendita. Interesante.
Me piasi anca che se vedi quel edificio grande e moderno (per quei anni) paralelo con la Cesa de Montuza. Edificio che no me ricordo de gaver visto ma che el dovessi gaver una storia interesante, anca architetonicamente...

[refolo]

Scusa Betta !
de che Exelsior te se riferissi? Quel che conossevo mi' xe solo chel Bagno Exelsior-....Forsi sbaglio? ma essendo vecia posso anche dimenticar, in tutti anni che son lontana, e nomi delle vie cambiade.

Maria aka Refolo

[babatriestina]

Per Refolo:
el excelsior che disevo xe el cinema Excelsior, che credo che se gabi sempre ciamado cussì, in principio del Viale. La casa xe de proprietà dele Generali, come la casa dei Volti de Chiozza e i la ga ricostruida al principio del Novecento. Nei anni 80 i la ga ristrutturada dentro, sopratutto el lato su via Crispi.

Per Macondo:
la casa "liberty", art nouveau come che te la vol ciamar, la xe là anche dei primi del Novecento, imagino, la xe in via dele Zudecche. Adesso no la ga più quela spece de veranda sul tetto. La conosso ben, sia perchè in ultimo pian stava e sta tuttora dei mii amici de infanzia e po.. la go incombente sula mia terazza ! Adesso ghe xe abitazioni, una casa de riposo, una clinica, una scola de lingue, un'associazion de beneficenza..

[AdlerTS]

Bel colpo, Macondo

[macondo]

Per Macondo:
la casa "liberty", art nouveau come che te la vol ciamar, la xe là anche dei primi del Novecento, imagino, la xe in via dele Zudecche

Vedemo se capiso...Mi, de quel che me ricordo, in via dele Zudeche ghe iera un cine e ghe iera l'Edera, dove iero andado a balar un per de volte. I ga niente a che far con sto edificio liberty?

[babatriestina]

adesso te me metti in crisi , che de sto cinema no me ricordo... ma podessi esser stado a pianteren, dopo el porton, che adesso xe ( provisorio) el Coop de Barriera in atesa che i ghe fazi novo de là.. tanto via dele Zudecche xe curta, e di fronte de sta casa xe el drio de una casa senza portoni.

[Nona Picia]

Se me ricordo ben, ghe iera el cinema Garibaldi, dove che mio papà ne gaveva portà a veder "Pinocchio" e so che l'Edera iera ancora là una ventina de anni fa, che mio fio ghe andava a balar.
Ciao ciao