Balconi fioriti

[Tirabaralla]

Xè giusto, forse nol patissi cussì tanto

[Piereto]

Riprendo sto vecio post, perché I fiori oltre a portar gioia xe un toco de color che crea uno stacco tra la uniformità de certe tinte imposte alle nostre case da la sovrintendenza. Anni fa xe stada la volta dei dehors tutti uguali tutti grigi , tutte le careghe nero grigie, e ogi se parla dele edicole che dovera' uniformarse come struttura e colori a quele imposte dal comun e tute dovera' aver un wc all'interno. Mi digo che saria de far anche qua un referendum . Le edicole xe nate per vender i giornali, e ogi quasi tute le vendi inveze fiori. I reggitori nostrani odia la diversità insita intela arte. Un quadro meti in risalto i contrasti cromatici le proporzioni le sfocature, la musica vivi de contrasti se no xe una noia e la scultura xe un cocktail de vuoti e pieni e linee curve . E noi gaveremo la edicole con dimensioni diverse e tute uguali, una monotonia che genera solo tristezza, una roba de veci.

[babatriestina]

i faria meio a far cessi comunali inveze ch e imporgheli ale edicole, anche s e no go leto sta storia finora.

[Ciancele]

Qua no xe facile trovar un balcon sensa fiori. La putela fazeva do volte a l'ano: in primavera un tipo e in autuno con l'inverno un altro. No me ricordo che quei de soto se gabi lamentà. Anca noi ierimo e semo soto, ma no se lamentemo. Sicome che semo vizin al bosco, gavemo anca scoiatoli che vien a domandar nose e la putela crompava nose par lori.

[babatriestina]

mia cugina a viena ga el scoiatolo che ghe vien in terazeta e la sta in cità. Anche ela ghe ciol le nose, anche perché se no el ghe magnava le sue scorte