treno storico

[AdlerTS]

Grazie per la bele foto
Gavemo mai messo el link al sito uficial de l'associazion Ferstoria ?

Ferstoria, Associazione per la Storia Ferroviaria del Friuli Venezia Giulia, è una associazione di volontari il cui scopo istituzionale è quello di svolgere attività volte alla preservazione del patrimonio storico-ferroviario, con particolare riferimento alla regione Friuli Venezia Giulia ed alle regioni ad essa storicamente associabili, in termini culturali ed operativi.

www.ferstoria.it

[rofizal]

go fatto tante altre foto

Te son cativa!
Vedendo le tue foto, se no fosi che per el momento ghe ne fazo sai poche, me vinisi subito de cambiar machina fotografica (una nitideza e un detaglio incredibili, qualche problema forsi solo sula profondità de campo de qualche foto e sui colori che ga qualcosa.... hmmm, no so spiegarme)

Bon, bele le foto e brava la fotografa!

[babatriestina]

solo sula profondità de campo de qualche foto e sui colori che ga qualcosa.... hmmm, no so spiegarme)

profondità de campo: troppa o tropo poca? no go sfocado abastanza i sfondi o xe tochi che te gavessi voludo più nitidi?
i colori : in genere no go ritoccado le foto, ma per qualcheduna go dado un colpetto ai livelli.
Zontemo che un treno nero dava problemi ale esposizioni semiautomatiche, perchè se te ghe lassi far ala macchina el pol o sovraespor o sottoespor, dipendi de come che se imposta la foto, insomma o per ciapar tuto nitido vien fora che el nero no xe bastanza nero, o xe tropo nero e indistinto per no brusar el ciaro ai contorni, per cui a un certo punto me go messo a scattar istantanee in manual.. provando e riprovando!
dime quali che te pareva strane e comentemo pur.. el obiettivo che go xe quel del kit che i disi che no xe el optimum, che xe poco luminoso e come tele no xe assai, ma mi digo che intanto se zerca de imparar e cavar fora quel che se pol de quel che se ga soto man.

[rofizal]

Eco, per esempio "el capostazion ghe dà via libera cola paletta".
El treno xe perfeto, ma el capostazion, che xe quasi ala stesa distanza del treno, el me par fora fogo (opur el se moveva molto e te ga usado un tempo longo). Anche ne l'altra el capostazion no me par sai nitido rispeto al resto.

Per i colori, i me par tropo "pasteladi", un atimo inaturali. Xe tuto cusì liscio.... forsi per quel. Xe una sensazion che me xe dificile a spiegar, ma me dà come un senso de disagio. Come se fusi tropo perfeto rispeto ala realtà. (adeso te me ciogherà per mato )

[babatriestina]

Eco, per esempio "el capostazion ghe dà via libera cola paletta".
El treno xe perfeto, ma el capostazion, che xe quasi ala stesa distanza del treno, el me par fora fogo (opur el se moveva molto e te ga usado un tempo longo). Anche ne l'altra el capostazion no me par sai nitido rispeto al resto.

el capostazion: ISO 100, tempo 1/125 de secondo, diaframma 8, distanza focale 39 mm, programma priorità apertura, autofocus.
e ovviamente el se stava movendo...1/125 te par tempo longo? anche nel altra, el capostazion xe arivado per caso, no te penserà che ghe gavessi domandado de metterse in posa..
semai dovessimo criticar che manca i pie del capostazion, ma se vedi che no me pareva essenziale me pareva più importante la locomotiva... el par un poco schiacciado? come troppo vizin dela locomotiva? xe el zoom, e no stame dir che podevo spostarme, per zercar el posto ottimal, con altri 20 fotografi vizin che zercava de far la stessa roba, xe za assai che no li go tuti in primo pian davanti de mi a cavarme la vision..
più che fotografi vegnui de qua, iera i stessi passeggeri che iera smontai e i fotografava el treno, i se metteva in posa davanti per fotografarse fra de lori..

Per i colori, i me par tropo "pasteladi", un atimo inaturali. Xe tuto cusì liscio.... forsi per quel. Xe una sensazion che me xe dificile a spiegar, ma me dà come un senso de disagio. Come se fusi tropo perfeto rispeto ala realtà. (adeso te me ciogherà per mato )

i colori xe come che li fa el sensor, regolazion standard, el bianco xe regolado sul automatico dei bianchi, ghe xe un filtro ultravioletto anche a protezion del obiettivo.. comunque iera una giornata molto limpida, con un fil de borin che netava l'aria. E qualcossa forsi anca dipendi dela regolazion del tuo monitor, come che nassi spesso nele foto digitali vardade a schermo . Forsi viste stampade le fazessi un efetto diferente , chissà?

[rofizal]

el capostazion: tempo 1/125 de secondo, diaframma 8
1/125 te par tempo longo?

1/125 me par più che suficiente, no xe miga una machina de corsa, caso mai f8 me par poco, gavesi usado un f11 che te ga più profondità de campo, magari aumentando legermente el tempo de posa. Poi dipendi da che efeto te vol gaver nela foto e se ghe xe diferenze tra 35mm e digitale nei risultati, ai tui livelli de qualità no go ancora mai provado.

Per i colori, sì, podesi eser anche el monitor. La mia paura xe comunque no tanto che i cambi i colori (che me par resi sai ben), ma che i fazi interventi automatici de tratamento de l'imagine, tipo l'eliminazion de polvere e dela grana. Cioè eliminar i punti pol andar ben, ma un color no xe mai, in genere, tuto uniforme, ga sempre micropunti più ciari e più scuri.

[babatriestina]

ma che i fazi interventi automatici de tratamento de l'imagine, tipo l'eliminazion de polvere e dela grana. Cioè eliminar i punti pol andar ben, ma un color no xe mai, in genere, tuto uniforme, ga sempre micropunti più ciari e più scuri.

i me disi che xe più facile che sti lavoretti li fazi le compatte, che imagina che i utenti no fazi modifiche successive, che no le reflex, dove che xe più facile che i utenti elabori lori le loro imagini al computer.

[rofizal]

No so per la Canon, ma cusì disi l'Olympus :

Il problema della polvere nelle reflex digitali:
...
Olympus è stato il precursore della fotografia reflex priva dei problemi causati dalla polvere. E' stato il primo produttore ad affrontare questo fastidioso problema sviluppando una soluzione esclusiva ed innovativa per sconfiggerlo - il filtro Supersonic Wave Filter (SSWF). Questo filtro rappresenta la componente principale del Dust Reduction System (sistema di protezione dalla polvere), il sistema che mantiene il sensore libero da particelle contaminanti. Questo sistema è stato introdotto insieme con la prima reflex digitale Olympus, la E-1 nel 2003, ed è stato incorporato unanime consenso in tutte le reflex digitali prodotte in seguito. Recentemente, il sistema di protezione dalla polvere è stato ulteriormente migliorato. Ora, questa seconda generazione del filtro SSWF è ancora più efficace. Per fronteggiare l'ancor maggiore necessità di un sistema di protezione della polvere dovuta alla maggiore densità dei pixel dei sensori da 10 Megapixel, è stata incrementata la frequenza di vibrazione del filtro SSWF ed è stato rinforzato il telaio principale. Allo stesso tempo, è stata ridotta la dimensione dell'intero sistema al fine di ridurre il volume dell'area posta nelle vicinanze del bocchettone, per poter ulteriormente ridurre le dimensioni dei corpi macchina. Recentemente anche altri produttori stanno iniziando a riconoscere il problema e a incorporare un sistema di protezione nei loro modelli. Tuttavia, Olympus rimane la prima ad aver introdotto una soluzione che permettesse di risolvere il problema nella fotografia reflex e l'unico produttore ad aver ottenuto dei risultati certi nell'eliminazione dei problemi legati alla polvere.

Basendo so comandava ei... meditassimo neon!

[babatriestina]

te disi che se le foto xe un poco rovinade dela polvere sul obiettivo le ga l'aria più natural?
ma l'eliminazion dela polvere xe in linea de principio un procedimento meccanico dela macchina, no un trattamento de l'immagine

Il sistema di prevenzione della polvere ideato da Canon offre tre modalità differenti di protezione delle immagini: riduzione della formazione della polvere; meccanismo di pulizia del sensore interno alla fotocamera; rilevazione dei granelli più ostinati da rimuovere poi con il software Digital Photo Professional (in dotazione).
solo chi che vol pol doprar in post produzion el software allegado ( mi no lo go ancora gnanca installado sul mio disco fisso)

[rofizal]

Mi me da una impresion strana sopratuto ste foto:

"questo xe el secondo locomotor, o se volè , la seconda parte della locomotiva" (IMG_0666.JPG)

"qualche dettaglio dei vagoni, a mio parer meno interessanti" (IMG_0728.JPG)

"nel frattempo xe arivado suso un locomotor elettrico del Museo ferroviario de Trieste" (IMG_0702.JPG)

Xe come se, dove ghe xe preponderanza de un color forte, el uniformasi sto color tipo tinta uniforme. Ma no go visto dal vivo.

[babatriestina]

de ste foto, la sola osservazion che posso far xe che le terza xe in manual. Ma pol anche dipender del fatto che sul forum le xe ridotte abbondantemente, magari metto ste tre che te disi su un album flickr che te le pol ingrandir a dimension original.
te pol trovar tutto nel album
http://www.flickr.com/photos/elisabetta2005/
sfoglia el album, te pol trovar anche tutti i dati EXIF

[carsolin]

Bom, mi no discuto sule foto, anche perché son bastanza negà.

Te posso però dir, che i tre campanazi sul muro serviva per segnalar che riva un treno, un per ogni direzion (oviamente manca Monrupino).

[carsolin]

Ops go scrito una monada. Monrupino xe, manca Aurisina

[babatriestina]

Ops go scrito una monada. Monrupino xe, manca Aurisina

grazie dela spiegazion, ma mi ghe ne go visti 4, manca quel più a destra, che scrivi Campo Marzio. In effetti, saria logico anche Aurisina, ma nol xe più.

[carsolin]

Mmmmm, vaben, basta che i sapi lori.

[rofizal]

ste tre che te disi su un album flickr che te le pol ingrandir a dimension original

Grazie, go vardado, ma xe dificile giudicar.
Tute ste mie pignolerie no le xe per niente.
Se casomai dovesi riprender a far foto, e magari cambiar de novo fotocamera, volesi eser sicuro che dopo no me pento. Sa, cior la prima reflex digitale xe una roba, ma sostituir una che za te ga (e no ga costà poco) con tuti i obietivi.... ghe vol proprio eser sssai certi che el zogo vali la candela.

[babatriestina]

ma sostituir una che za te ga (e no ga costà poco) con tuti i obietivi.... ghe vol proprio eser sssai certi che el zogo vali la candela.

ma i me disi che i veci obiettivi pol vegnir messi sul corpo dele nove digitali, e el bel dele foto le fa soprattutto i obiettivi, se te li ga za boni. Ovviamente, informandose sula compatibilità.
Tien conto che inveze el obiettivo che i me ga vendudo col corpo macchina i "esperti canonisti" lo sprezza tuti.. i lo ciama "el plasticotto".
se el zogo val la candela? dipendi de cossa che te vol, e cossa te sta strento dela tua situazion atual.

[sono piccolo ma crescero]

Se casomai dovesi riprender a far foto, e magari cambiar de novo fotocamera, volesi eser sicuro che dopo no me pento. Sa, cior la prima reflex digitale xe una roba, ma sostituir una che za te ga (e no ga costà poco) con tuti i obietivi.... ghe vol proprio eser sssai certi che el zogo vali la candela.

Sti tui timori gaveva senso quando che te compravi una machina fotografica che te durava trent'anni. Ogi, se te sbagli, el pentimento te dura cinque anni si e no.

[rofizal]

Forsi no me son spiegado ben.
La mi vecia reflex 35mm la go za butada, iera una Olympus OM1, ma rovinada ormai (quela sì che la gavevo usada!).

Go adeso una Olympus E300 reflex digitale, con alcuni sui obietivi, ciolta nel luglio 2005, cioè poco più de tre anni fa. E la xe za superada.
Gavevo optado proprio per la Olympus per riutilizar, con un adatator, i obietivi dela 35mm, ma no xe come i conta. Se perdi tuti i automatismi e ala fine i risultati me par decisamenti meio con i obietivi novi.

Adeso xe le nove Olympus, ma sembra che le Nikon e le Canon sia migliori.

Nota: giusto per la cronaca , la mia prima reflex 35mm xe stada una Minolta SRT 101, ma i me la gaveva rubada in Spagna.

[rofizal]

Ah, sì... l'OM1 me ga durado 34 anni!