treno storico

[babatriestina]

oggi go approfittado de andar in Stazion a veder partir el trenin storico
el xe in stazion, col vapor sotto pression

el particolar dei fanai dela locomotiva

i ghe dà un poco più de vapor

[babatriestina]

sempre più vapor

de farghe concorrenza ai scarighi dela Ferriera

ecolo che el se allontana

( sul più bel che lo fotografavimo de un lato, se ga infilado un altro treno in mezzo..)

[babatriestina]

e cussì resta la stazion piena de fumo. E xe un trenin solo, ve imaginè cossa che no iera co tuti i treni iera cussì?

qualche altra immagine, stile rétro

[AdlerTS]

Bel, non savevo che el jera oggi
Xe de novo el Rondò ?

[babatriestina]

Bel, non savevo che el jera oggi
Xe de novo el Rondò ?

questo xe Treni storici:
del sito ma no me ricordo che sito lo go ciolto, un del turismo de Trieste:
Treno Storico "Binari sconosciuti di Trieste"

[Visita guidata, promozione culturale]
Domenica 25 Maggio 2008 - 09.55

TRIESTE
Partenza dalla Stazione Ferroviaria di Campo Marzio

panoramico tour delle ferrovie storiche intorno alla città nomalmente non percorse dai treni viaggiatori.

Al mattino partenza da Trieste Campo Marzio: ore 9.55, proseguimento per Villa Opicina, via Rozzol, Aurisina, Miramare, Trieste centrale (fine corsa).
Al pomeriggio partenza da Trieste Centrale ore 14.50, proseguimento per Miramare, Aurisina, Villa Opicina, Rozzol, Trieste Campo Marzio (fine corsa).
Previste soste a Miramare,Aurisina,Villa Opicina , Rozzol.
Quote di parecipazione: corsa singola Euro 16,00 (ragazzi dai 7 ai 12 anni Euro 10,00, bambini da 0 a 6 anni ammessi gratuitamente e senza diritto al posto a sedere.
Adesioni sino ad esaurimento dei posti (limitati) presso: Modelland Train -v.Vidali 8/b, da martedì a sabato: ore 10.00/12.30 - 16.00/20.00

[AdlerTS]

... allora xe el el Rondò !

[babatriestina]

... allora xe el el Rondò !

el itinerario xe indubbiamente quel del rondò, ma el Rondò doprava sempre locomotiva a vapor?
e po el rondò iera ogni domenica, questo xe cussì una tantum, paressi

[AdlerTS]

No, no la doprava sempre: solo in qualche ocasion. Immagino che una de queste podessi esser la riapertura della stagion.

[Nona Picia]

Xe caretto, però! Che vadi una famiglia de 4 persone, xe una bella cifra!

[AdlerTS]

...a esser bravi con el foto ritocco, se poderia meter dentro i bisnonni de BT Staria giusti giusti

[babatriestina]

anche mi gavevo confrontado la carrozza con zia Olga e zia Dalia per veder se la iera precisa de quela de ieri, ma no xe propio la istessa

[Nona Picia]

...a esser bravi con el foto ritocco, se poderia meter dentro i bisnonni de BT Staria giusti giusti

A dir el vero ghe starìa anche i mii nonni e bisnonni! e anche quei de mio marì!

[AdlerTS]

Se volemo alora tutti i noni e bisnoni: solo che de quei de BT gavemo la foto in stazion

[babatriestina]

me ricollego qua, per no far un post a parte, perchè xe sempre sui treni storici:
ieri a Opcina xe arrivado un altro treno storico. perchè a Opcina? ben, el xe arivado dopo a Trieste, ma a Opcina iera el cambio de motrice.
Se tratta, spiegava ieri el Piccolo, de un viaggio organizzado de una compagnia de viaggi carinziana che fa viaggi con material storico, i iera partidi de St Veit an der Glan, e seguindo le vece linee dela transalpina i xe arivai a Trieste. I ga pernottado e stamattina i torna in Carinzia per la linea Gorizia- Tarvisio.
La stazioncina de Opcina, piena solo de container , con qualche motrice che andava su e zo, xe in attesa del treno , che arriverà un poco in ritardo sulle previsioni.

e nonostante el sol, no xe gnanche tanto caldo, semo fra le 3 e le 4 del dopopranzo.
guardando la stazion, vedo queste vece indicazioni che se riferissi ale stazioni, a destra iera un Campo Marzio, ma a cossa i serviva, speto de chi che ghe ne sa più de mi sui treni che me spieghi

finalmente el trenin ariva, sbuffando fumo

[babatriestina]

ecolo che el entra in stazion

certo, a veder de come che i xe sporchi de fuliggine, no xe propio un mezzo ecologico
i ferrovieri dela locomotiva iera obiettivo de tutti i fotografi


però i gaveva l'aria soddisfatta

[babatriestina]

adesso xe robe che no me xe del tutto ciare: per cominciar, a mi me pareva che fossi come due locomotive: una davanti e una seconda: per esser sicuri che nol se impianti??
ben, comincemo col veder la fronte dela prima

che bel, la roda alata, el simbolo dele ferovie austroungariche! però..

questa xe la targa dela locomotiva. 1920 se la xe del 1920, come la pol esser ferovia austroungarica? a mi me sa che, vista anche la pulizia de sta roda, i la gabi zontada recentemente.. però la sta ben, no xe dubbio..
dettagli del primo locomotor

[babatriestina]

questo xe el secondo locomotor, o se volè , la seconda parte della locomotiva

cole riode rosse tegnude propio ben

e questa xe la targa della prima

per chi che xe esperto de ste robe.. mi ghe ne so poco
Le dovessi vegnir tute do del museo ferroviario de Lubiana

[babatriestina]

qualche dettaglio dei vagoni, a mio parer meno interessanti


anche se el nome de sta carrozza me ga molto piasso

nel frattempo xe arivado suso un locomotor elettrico del Museo ferroviario de Trieste

per l'occasion, anche el capostazion local se ga messo la bareta rossa

[babatriestina]

la targa della locomotiva "nova", 1935

e la sua provenienza

le due locomotiva affiancade

[babatriestina]

el capostazion ghe dà via libera cola paletta

e la vecia locomotiva torna a casa sua

( naturalmente go fatto tante altre foto, ma no volendo esser ripetitiva go messo quele che me pareva più significative). Podè imaginar che no mancava fotografi, che se metteva adirittura sule sine, po una siora tedesca ga tentado de rampigarse sula locomotiva a vapor e la se ga tombolado.. senza farse mal, per fortuna!