Pattinaggio

[babatriestina]

Dopo tante critiche per la posizion (troppo vicin al Verdi) i ga deciso de spostar el campo de patinaggio su jazo in piaza Puecher
Dubito che gaverà el stesso numero de fruitori !

un poco fora man, però bisogna dir che la piazza in inverno xe bastanza iazzera perè la resta abastanza in ombra: podessi esser un primo passo per spostar un poca de vita anche nei rioni e no sempre nela solita zona Canal- Rive- PIazza

[Rawa Ruska]

Anche mi, anche mi! In copia con Franca Strancar gavemo vinto el titolo italian de copia con l'Edera, prima de categoria (venezia '69) e po' asoluti, (Brescia, se no me sbaglio) '71. Po' go tacà i patini al ciodo.

Ciao Rawa Ruska

[LaPicia]

qualchedun che segui el sport più de mi se ricorda dei nostri campioni de patinagio a rodele?

mi me ricordo de Sandro Guerra sulla pista de Giarizzole.. al Jolly (me par che se ciami cussi').

Mamia bona quanti ricordi co che gavé nominà Sandro Guerra! Quanto ch'el iera bel, elegante nei movimenti e...BRAVO!!! Lo go visto tanti ani fa, me par a Pieris, i faxeva un torneo anual per tuta la region. Ai tempi YouTube nol ne iudava e cussì, se no te podevi seguir el campion, te restavi a boca suta. Se no ricordo ben, el patinava propio per la Jolly, dove go fato una gara regional mi una volta (go fato agonistica a rodelle par oto ani)
Me ricordo un caldo e un spuzzo terribile, cossa la xe, vicino a una discarica?