Pattinaggio

[babatriestina]

Oggi leggio sul Piccolo che sera la pista de pattinaggio a rodele del dopolavoro ferroviario.
Un'altra de meno.
Mi patinavo a rodele de picia, adesso al massimo i ga i rollers e i va a Barcola con quei.
Co iero picia la mia pista preferita iera quela del giardin de Piazzale Rosmini , e quela xe ancora.
Po ier e xe ancora una in Giardin Publico, ma la iera, e la xe, picia e quela volta la iera rivestida de piastrele e no se andava ben
Po iera quela de via San Michele, cola salita e discesa, che me pareva ssai dificile, e che i ga butado via.
Qualchedun altro patinava a rodele ? e dove?

qualchedun che segui el sport più de mi se ricorda dei nostri campioni de patinagio a rodele?

e po, me domando perchè no i ga mai pensado de far un stadio de patinagio su iazzo qua, solo quele pistine per Nadal..

[kalvus]

qualchedun che segui el sport più de mi se ricorda dei nostri campioni de patinagio a rodele?

mi me ricordo de Sandro Guerra sulla pista de Giarizzole.. al Jolly (me par che se ciami cussi').

[Nona Picia]

Oggi leggio sul Piccolo che sera la pista de pattinaggio a rodele del dopolavoro ferroviario.
Un'altra de meno.
Mi patinavo a rodele de picia, adesso al massimo i ga i rollers e i va a Barcola con quei.
Co iero picia la mia pista preferita iera quela del giardin de Piazzale Rosmini , e quela xe ancora.
Po ier e xe ancora una in Giardin Publico, ma la iera, e la xe, picia e quela volta la iera rivestida de piastrele e no se andava ben
Po iera quela de via San Michele, cola salita e discesa, che me pareva ssai dificile, e che i ga butado via.
Qualchedun altro patinava a rodele ? e dove?

qualchedun che segui el sport più de mi se ricorda dei nostri campioni de patinagio a rodele?
Xe una picia anche in Villa Engelmann, portavo ogni tanto mia nipote a patinar là.

Ciao ciao
e po, me domando perchè no i ga mai pensado de far un stadio de patinagio su iazzo qua, solo quele pistine per Nadal..

Cara baba, perdonime
, ma come spesso mi accade, go fatto un picolo casin

Ciao ciao

[babatriestina]

Cara baba, perdonime
, ma come spesso mi accade, go fatto un picolo casin

Ciao ciao

No problem, che col quotar le prime volte me son incasinada anche mi e me ga aiutado Macondo , dime coss te vol far che te meto a posto..

[Tirabaralla]

In efeti...a Trieste ghe staria davero ben un palazeto del iazo....cmq la pista de Nadal la xè cocola...spero de provarla el prosimo ano, sto ano no son rivada per poco

PS Perdonime Betta...no se podessi dir riodele, forsi? (fiorentina presuntuosa! )

[babatriestina]

PS Perdonime Betta...no se podessi dir riodele, forsi? (fiorentina presuntuosa! )

efetivamente, ruote xe riode ( ma anche rode) ma el diminutivo xe rodella o rodela, ma i leto riodela
Le riode del caro ma te manca una rodela no una riodela
Almeno così ho sentito io. La tua argomentazione è logicissima ma contrasta con la mia esperienza.

[Tirabaralla]

Grazie, me iera vignuda la curiosità...in efeti nel dialeto vale forsi + l'uso comune che "regole" astrate...


Scusè l'OT

[Nona Picia]

La baba ga ragion, se dovessi dir rodele, ma noi de fioi disevimo anche "riodele", specie parlando de patini e bici per fioi pici.
ciao ciao

[dcobau]

me ricordo vagamente de una pista a S Giusto, soto el castes a destra del'alabarda. De iera un giardineto con abeti me par, ma forsi me confondo, xe pasai tanti ani....

saluti

Dave

[refolo]

BETA!!!!!

non voio dar via el libro che go' scritto, ma la mia amica de cuor EGLE PACOR iera campionessa de strada.

Contero' piu avanti la sua storia....credo che adesso (spero) la sara' ancora viva, ma se avvicina l'eta' dei 76 anni.

Campionessa su strada, nei ultimo anni prima del 1951 la ga' avudo un piccolo incidente che la iera sul Piccolo de Trieste.

In tutte le robe te trovi sia che sostenitori o gelosi della profession.
voleria poder metter per iscritto tutto quel che so' e visto e sentido.

Ma con la mia tenacia ghe rivero' a far quel che me go' messo in testa.
Ciao maria aka Refolo

[babatriestina]

me ricordo vagamente de una pista a S Giusto, soto el castes a destra del'alabarda. De iera un giardineto con abeti me par, ma forsi me confondo, xe pasai tanti ani....

saluti

Dave

de come che te disi, xe el campeto gioghi a Montuzza, ma no savevo che el avessi avudo una pista de patinaggio: no te la confondi con quela de via s Michele?

[dcobau]

de quel son sicuro, me ricordo anche dela pista nei giardini de S Michele. No, iera a S Giusto quel che penso, ma esatamente dove non me ricordo. Vara che parlo verso la meta dei ani 50.....

[rofizal]

qualchedun che segui el sport più de mi se ricorda dei nostri campioni de patinagio a rodele?

Le società Edera e el Circolo Marina Mercantile iera molto importanti a livello nazionale.

L'Edera ricorda come :

nella corsa Cavallini 4 volte campione Mondiale e 16 volte campione assoluto tra il 1950 e il 1956 con 9 primati mondiali;

nell'artistico 3 titoli assoluto femminili e 3 titoli assoluti coppie. Campione assoluto di società 1952 e 1964, hockey a rotelle campione assoluto 1948, numerosi azzurri e azzurre.

Vedemo qualche nome.

Luciano Cavallini
4 volte campione Mondiale e 16 volte campione assoluto tra il 1950 e il 1956 con 9 primati mondiali.

Giorgio Venanzi
Pattiaggio su strada, 12 primati internazionali e più volte campione mondiale.

Sandro Guerra
Campione Mondiale de Combinata nel 1987-1988-1989-1991-1992.
Campione mondiale de Obbligatori nel 1989 e 1992.
Alenador nazionale de singolo e coreografo dela Federazion.

Samo Kokorovec
Nato a Trieste il 10 ottobre 1970.
Campione Mondiale nel 1990 e 1993.

Tanja Romano
della società Polet.
Do volte campionessa mondiale de patinagio artistico (Buenos Aires, 2003). Campionessa italiana e europea, 39 medaglie al suo ativo (fino al 2003).

El panorama xe molto incompleto, ma xe sempre un inizio...

[rofizal]

Ah, una curiosità : Monfalcon xe stada do volte sede de campionato mondiale, nel dopoguerra.

[babatriestina]

Altre medaie per Tanja Romano: qualchedun xe appassionado e ne conta?

[Tirabaralla]

Ghe volessi Giuli, me sa ^_^

[babatriestina]

el xe in vacanza a Naxos, sti giorni. Saria bel trovar anche qualche foto, perchè la xe anca una gran bela mula, de quel che vedo sui giornai.

[Tirabaralla]

el xe in vacanza a Naxos, sti giorni.

Beato!

[AdlerTS]

Altre medaie per Tanja Romano: qualchedun xe appassionado e ne conta?

Grazie Tanja ! Pecà che della sua grande prestazion ai campionati mondiali de Taiwan non vien dado el giusto risalto dai media

Se fe una ricerca internet xe più risultati in spagnolo che per 'talian

[AdlerTS]

Dopo tante critiche per la posizion (troppo vicin al Verdi) i ga deciso de spostar el campo de patinaggio su jazo in piaza Puecher
Dubito che gaverà el stesso numero de fruitori !