Locai che me sento de sugerir...

[babatriestina]

son passava davanti stamatina dopo le 11, pien de gente! e anche vini che comincia da 0,80 al calice! ogi iera previsti ravioi de pesse
Devo combinar de andar con un'amica che abita de quele parti..

[molighe el fil]

Anca mi iero ogi dopo le undise, se gaveremo incontrà senza conoserse

[babatriestina]

son andada un per de giorni fa cola mia amica, ela ga ciolto bollito misto con capuzzi e patate in tecia, mi ravioi de zucca e sfoia ai ferri ( un ninin indrio de cottura..) un quartin de vin, 30 euro in do.. più che bon e economico, gentili, pien de gente!

[macondo]

Beati voi...Qua de mi con 30 euro magnemo due pizze e due birete

[babatriestina]

Beati voi...Qua de mi con 30 euro magnemo due pizze e due birete

prova istesso de Pepi ( e no gavessi ttovado sfoie..) e imagina! un per de anni fa gavevo de ricambiar un pranzo a un amico che me gaveva invitado diverse volte, lo go portado al Bagatto, che xe famoso per el pesse: el xe restado impressionado vedendome pagar un conto de 100 euro! bisogna dir che meritava..
questi però me par assai onesti...

[Ciancele]

Baba Triestina, ti te la devi ’ver con Pepi. Te devi eser Pepifoba! (Neologismo! Ciancele te son un canon! )
Ma par restar in argomento. Baba Triestina te ga ragion. Anca mi pianzo se spendo mal una lira e, forsi no rido, ma no pianzo, se spendo de ‘sai de più. L’importante xe eser contenti. Co’ son a Trieste vado una volta de Pepi a magnar sempre la stesa roba. come in pelegrinagio. Fora Francoforte xe ancora un ristorante, dove che una volta i gaveva el careto con i antipasti e el careto con i dessert. Te se li misiavi come che te volevi. Xe vero che magnar in fritolin costava de meno, ma là iera bel el local, el servizio e el giardin. De tantisimi ani no i fa più e de tantisimi ani no ‘ndemo più.

[babatriestina]

iero anni fa de Pepi e no go trovado gnente de special. No gavevo pagado mi, ma credo che se trovi istesso a altri prezzi, cussì i me disi..

[Ciancele]

iero anni fa de Pepi e no go trovado gnente de special. No gavevo pagado mi, ma credo che se trovi istesso a altri prezzi, cussì i me disi..

Naturalmente. Te sa che mi esagero sempre. Ma, come che digo mi, el problema xe un altro. Credo che se fusi a Trieste, no 'ndaria mai o squasi. Prima, co' stavo a casa, credime che no 'ndavo ogni giorno. E gnanca ogni ano.

[molighe el fil]

iero anni fa de Pepi e no go trovado gnente de special. No gavevo pagado mi, ma credo che se trovi istesso a altri prezzi, cussì i me disi..

Sicuro se pol trovar qualcosa de la stesa roba che se trova de Pepi anche in altri locai, ma no xe la stesa qualità
In nisun local i tien la roba sempre in caldo in caldiera, ma i la scalda al momento e no xe più quel.
Poso dirte che l'altro giorno iero alla Fenice per comprar qualche libro del falimento e dopo son 'nda la vizin a magnarme un panin de crodighin, el iera suto, scaldà al momento e de gusto forte, per zonta lo go pagà mezo euro de più.
Una altra volta in un local in ponteroso i ga scaldà la panzeta del panin nel micro onde, anche la lo go pagà più caro.
No xe per i soldi, ma mi me piasi magnar roba bona.
El piato misto de Pepi forsi costa de più, ma in nisun altro posto se pol averlo de testina, muso, orece, cragno, viena, crodighin, panzeta, carè e l'imancabile porzina.
Nisun local ga el smercio de Pepi e i altri no pol aver la caldiera sempre piena.
No xe per far reclam a Pepi, ma quel che xe vero xe vero.

[Ciancele]

Mi odio darghe ragion a tuti. Ma quel che je justo je justo. Date a molighe el fil quel che è de molighe el fil. Pensa che mia fia la iera in Francia in vacanza e la me telefona (go za contà in un post precedente, ma forsi ti no te lo ga leto) e la me domanda de dove che la telefona. Ghe digo dela Francia. No, la disi, son de un’altra parte e vado de Pepi. La iera sola col marì. Fioi e can la ga distribuì in giro. Ani fa go portà de Pepi un mio amico, nato forsi in Cabibia, ma cresù a pochi chilometri del Brenero. Gavemo magnà crodighin. Anca lu xe restà contento. Ma noi povari emigrati non facciamo testo. Chacun à son goût, diseva mio zio.

[molighe el fil]

Mi no capiso cosa diseva tu zio (Chacum à son gout) ma legendo CHACUM me xe vignù in amente do locai famosi dove andavo zinquanta ani fa.
Forsi xe che gavevo zinquanta ani de meno, ma no me dismentigherò mai de CACIUM e de PINA DEI PORCHI, tuti do dele parti de via costalunga dopo el zimiterio

[Nona Picia]

Forsi xe che gavevo zinquanta ani de meno, ma no me dismentigherò mai de CACIUM e de PINA DEI PORCHI, tuti do dele parti de via costalunga dopo el zimiterio

[molighe el fil]

Mi no capiso cosa diseva tu zio (Chacum à son gout) ma legendo CHACUM me xe vignù in amente do locai famosi dove andavo zinquanta ani fa.
Forsi xe che gavevo zinquanta ani de meno, ma no me dismentigherò mai de CACIUM e de PINA DEI PORCHI, tuti do dele parti de via costalunga dopo el zimiterio

Nisun me ga spiegà cosa vol dir "Chacun à son gout".
No me tochera miga andar in zerca de un interprete?
molighe el fil

[babatriestina]

ognidun secondo el suo gusto. I lo canta anche nel secondo atto del operetta Die Fledemaus el pipistrel de Strauss.

[molighe el fil]

ognidun secondo el suo gusto. I lo canta anche nel secondo atto del operetta Die Fledemaus el pipistrel de Strauss.

grazie da un povero ignorante

[molighe el fil]

Un altro local che poso consiliar xe "DE DANILO".
Se lo trova in via Flavia poco avanti dela Volkswagen sul canton de una stradela che porta al campo dei zingani.
No xe un local dove se pranza o zena, ma xe l'ideal per un rebechin de meza matina.
El paron xe un istrian de Isola e su fio lo iuta.
Tute le matine se trova tartine e tramezini de tuti i tipi (mi preferisco quele co la fritaia e luganiga o ombolo)
Se pol aver panini de crudo salame furlan de Spilimbergo e panzeta che fa lui.
Podè dir che xe robe che se trova anche in qualsiasi local, ma credeme che questi xe speciai.
In più ogni giorno dal lùnedi al vénerdi al ga o la porcheta, o el persuto o la spaleta o l'ombolo che cusina lui in crosta de pan.
Nele stagioni frede al giòvedi e vénerdi el fa un bacalà che xe la fine del mondo.
In più se se ghe xe simpatici se pol aver un bon bicer de refosco de Isola, che xe tuto altro del refosco furlan.
No ste provar de sabato perchè no el ga tanto asortimento de magnari.
molighe el fil

[Ciancele]

Scusa, molighe el fil, che no go meso la traduzion. No savevo che interesi tanto quel che diseva mio zio. Ma gavemo ‘vu una bona putela che ga fato de in tre per tre. Mio zio el bambava par croato, francese e suaheli e nisun lo capiva. Un poco de suaheli go imparà mi vedendo i film de Tarzan, ma tropo poco par far discorsi.

[babatriestina]

Legio che fra i locali in region consigliai per la bona cusina xe un tegnudo de Tom Oberdan. Quel dele nozze carsiche de un per de annifa? vederemo se i ghe volerà zontar una k ...

[babatriestina]

In via Foscolo tra una sartoria cinese e una botega araba xe un picio local dove se pol far siori rebechini sensa svenarse.
El local se ciama CLAI che xe el nome del paron, un istrian de Materada (forsi solo su pare xe de Materada e lu xe nato a Trieste)
El ga un banco frigo sempre pien de roba impanada (ombolo, zuchete e melanzane ripiene e no, sardoni e altri pesi), tartine de parsuto coto e crudo, de bacalà, per chi che ghe piasi anche formadi frant (ciarniel) e tante altre robe che adeso no me sovien
Cusina tuto una putela che xe su molie che fa anche bonisimi amlet e creme
Con zinque, sie euri se magna sazi,
A mezogiorno se pol anche pranzar (solo quatro tole) con magnari locai
Ale undise e mesa el meti sul marciapie una tabela con el menu del giorno
Provare per credere.

ogi son passada davanti cola machina fotografica

[Ciancele]

In via Foscolo tra una sartoria cinese e una botega araba xe un picio local dove se pol far siori rebechini sensa svenarse. ..... Provare per credere.

ogi son passada davanti cola machina fotografica

Mi saria 'ndà anca drento.