1) Montecarlo, via San Marco (in zima, verso la piazza): otimo pesse, antipasti a buffet, speciali i primi...costi veramente equi! D'estate xe el giardin nela corte...chi gavaria pensà visto che l'ingreso da sulla strada.
2) Al Porton (vizin piazza Goldoni, forsi xe via Sartorio quela ma no me ricordo...). Imperdibile la tartara.
3) Piola (via San Nicolò quasi rivando la dela ciesa dei greghi) bel de estate per la disposizion delle tole nela via pedonalizada, in autuno-inverno xe belisimo star nel picio local dentro co fora suffia la bora, xe boni in particolar i primi, belle le foto d'epoca esposte de Trieste in particolar della zona
Saria ancora altri che volaria segnalar....ma prossimo giro
....me piasi qua ricordar due locai che no i xe più: uno xe stado anche argomento de un altro 3d overo la Stalletta, jero amico del proprietario Fabio che, nonostante una tempra ecezional, el bruto mal no lo ga perdonado. Mi andavo quasi ogni domenica sera: anche là i fazeva una tartara infinita e po le costate ecc. ampia jera anche la scelta de fiasche...Secondo local jera el Bagutta in via Carducci: jera un autentico tutto nel passato andar in quel local, el paron jera furlan de Tarcento, gaveva anche lui una bona cantina...me ricordo ancora el refosco dal penduncolo rosso de Scarbolo...Quel posto per mi xe sempre stado un mistero: verzeva co el voleva lu ma co jera verto jera sempre gente sentada in tola che magnava....Spero de no gaverve annoià coi miei sugerimenti e i miei ricordi!
