Vocabolarietto Triestin-Italian

[Ciancele]

Oggi dovevo parlare dei savoiardi e no me vegniva in testa el nome e me xe vegnù fora el termine sampagnini. Ve lo ricordè?

Anca mia nona e mia mama (e anca mio papà: insoma tuti. ) i diseva sampagnini. Penso che la parola savoiardi sia vignuda dopo. Credo anca che lingue de gato sia una roba diversa.

[babatriestina]

sì lingue de gato xe più sutili e ruvide

[sono piccolo ma crescero]

scriveria cusì:

Sampagnìn s.m. Biscotto leggero, fatto solo con uova, zucchero e farina, oggi comunemente detto savoiardo.

[Ciancele]

scriveria cusì:

Sampagnìn s.m. Biscotto leggero, fatto solo con uova, zucchero e farina, oggi comunemente detto savoiardo.

I savoiardi che xe vendudi qua xe come i mii sciampagnini de picio. I li ciama anca biscuit e el xe fato come che te scrivi ti. I xe mesi nei tiramisu.

[Jambo]

nel vocabolario manca pataflaica!

[babatriestina]

vero, con la variante " patacìruli" ( o anche semplicemente patata "tu mi dare-ciocolata- io ti dare-la patata") ( altro eufemismo " natura")

[Jambo]

mai sentì pataciruli…

[sono piccolo ma crescero]

Mi no conoso nè pataflaica nè pataciruli.

Sul Doria trovo pataflaca per sberla o pataflona per baba grassa.

Quindi, se volè che meto sti due termini nel vocabolario, me dovè dar la definizion.

Sul termine patata, che penso se riferisi non al tubero ma al significato "osceno", per dirla col Doria, no lo go messo perché go sempre pensà che el sia diffusoin tuta Italia, anche se gnache el grande dizionario della lingua italiano del Battaglia https://www.gdli.it/ riporti el significato. Lo trovo, però, nei sinonimi e contrari della Treccani ala vose "fica": https://www.treccani.it/vocabolario/fic ... Contrari)/ . Se ve par che devo meterlo nel vocabolario, perché el xe specifico del nostro dialeto o de pochi altri, lo meto.

[babatriestina]

Mi no conoso nè pataflaica nè pataciruli.

termini volgari per gli organi sessuali femminili

[Blues Briso]

Pataflaica per patata lo go sentido inumerevoli volte. I altri no, forse patflona per dona in carne qualche volta...
Però trovo plausibile che pataflaica pussi star per sberla...

[sono piccolo ma crescero]

Go zontà pataflaica e pataciruli. No so se meter patata, perché me par che sia italian: diseme voi.

Quel che go trovà sui vocabolari xe pataflaca, senza la i, per sberla sul Doria e el Kosovitz meti invece pataf. Però mi no li go mai sentidi; Se ve par de verli sentidi li meto, senò no, perché no so se xe interessante copiar i vocabolari metendo parole che nisun dopra più; no xe el scopo del nostro vocabolario.

[Blues Briso]

Varda, pataf no go mai inteso... pataflaica per sberla no giureria de no gaver inteso, ma no son sicuro (me pareria più un modo "colorito")... pataflaca senza i no me par de ricordarlo come modo de dir.

[Ciancele]

Varda, pataf no go mai inteso... pataflaica per sberla no giureria de no gaver inteso, ma no son sicuro (me pareria più un modo "colorito")... pataflaca senza i no me par de ricordarlo come modo de dir.

Anca mi giuraria, ma solo come sberla. Le parole con pataf me par onomatopeiche o magiorative, che fa più grando l'ogeto.

[Piereto]

Go inteso patata e pataton col dopio significato, ma patasgnac e patatrac xe ligadi a la patata ?

[sono piccolo ma crescero]

Me se vegnuda in testa la parola squara, squadra. SUl vocabolario go scrito cusì.

Squàra s.f. Squadra, in tutti i significati della lingua italiana, ma sentito più spesso come strumento da disegno. – Meter in squara; raddrizzare qualcosa, anche in senso figurato per cui può essere riferito anche ad una persona. Fora squara; storto, mal posizionato, anche in senso figurato.

Mi onestamente no diria mai "squara de balon", ma "fora squara" e "in squara" lo go sentido spesso.

Ve domando se ve par giusto come che go scrito o ve par che saria meio cambiar qualcosa.

[Blues Briso]

Sì, anche mi no go inteso mai squara de balòn... meter in squara sì...

[babatriestina]

la mia amica che se preoccupa sempre xe una gran cagadubbi

[sono piccolo ma crescero]

la mia amica che se preoccupa sempre xe una gran cagadubbi

Daghe un'ociada e dime se go messo be. E senò, coregime.

[Piereto]

Forse più de una cagadubbi, mai inteso, la iera forsi un poco cagamiracoli, non andandoghe mai ben niente.

[babatriestina]

Forse più de una cagadubbi, mai inteso, la iera forsi un poco cagamiracoli, non andandoghe mai ben niente.

un cagadubbi xe diferente de un cagamiracoli: el cagadubbi disi " farò meio a far cussì? ma forsi no, saria meio altro... ma forsi meio gnente.. te disi che va ben se fazo cussì?

adesso me xe vegnudo in mente che una roba pol esser un gran magnafliche ( un pozzo senza fondo quanto a spesa)