Triestina in serie D

[Ciancele]

Caro Nini, grassie par la tua notizia e scusa se te ringrazio solo ‘deso, ma go tanti problemi. I me vol morto. Ma mi stago ben e cusì li fazo rabiar. Cioè spero de farli rabiar.
Go visto che sete squadre xe sul giro de aria e quatro zogarà contro squadre che in clasifica le xe più in alto. Una xe la Triestina. Chi vivi sperando ... Ma almeno un paregeto ...

[babatriestina]

SE go leto ben, el Unione ga vinto per 2 a 0... in casa col Belluno.
E i disi che i xe fora dela zona play out. Ma play out xe più che retrocessione?

[Ciancele]

Se go leto ben, el Unione ga vinto per 2 a 0... in casa col Belluno.
E i disi che i xe fora dela zona play out. Ma play out xe più che retrocessione?

Grasie, grasie. Qua se vedi el bon cuor del nostro Nini che ga lasà a Baba Triestina de darme una bona notizia. Ladies first. Se no xe una domanda fata par scherzo, forsi el nostro Nini te contarà come che funsiona el pleiaut. Un fato xe che le altre squadre le ga ziogado par la Triestina e le prosime tre partide le xe relativamente facili. Speremo che i greghi no fazi i moni. Bona sera a tuti. La squadra de qua la zioga ancora. Son tuto un tremor. Spero anca che quei de qua no fazi ....

[Nini Naridola]

Penso che el mio "bon cuor" durerà ancora per qualche settimana perché anderò assai presto a visitar "Santa Maria degli Angeli" che no xè quela de Assisi bensì l'ospedal de Pordenon con quel nome e la mia Porziuncola sarà el leto del reparto laringo-maxillo per un intervento. El campionato xè ancora longo -manca 9 giornade- e spero che BabaTs dia altre bele notizie a Ciancele fin al mio "restauro". No so come sarà la mia vose ... ma el dito sulla tastiera doveria esser salvo per meterme de novo in contatto su sto Forum!

[babatriestina]

te saremo vizini in ispirito, e po le convalescenze xe ottime de passar a computer

[sono piccolo ma crescero]

Sì, Nini, te semo tuti vizini...

[nonna ivana]

Un augurio di cuore per il tuo intervento!

[VetRitter]

ciao Nini, te spetemo presto, magari per veder finalmente una bela partida de l'Italia..
ciao.

[Nona Picia]

Penso che el mio "bon cuor" durerà ancora per qualche settimana perché anderò assai presto a visitar "Santa Maria degli Angeli" che no xè quela de Assisi bensì l'ospedal de Pordenon con quel nome e la mia Porziuncola sarà el leto del reparto laringo-maxillo per un intervento. El campionato xè ancora longo -manca 9 giornade- e spero che BabaTs dia altre bele notizie a Ciancele fin al mio "restauro". No so come sarà la mia vose ... ma el dito sulla tastiera doveria esser salvo per meterme de novo in contatto su sto Forum!

Tanti auguri caro Nini! In bocca al lupo!

[Ciancele]

Se go leto ben, el Unione ga vinto per 2 a 0... in casa col Belluno.
E i disi che i xe fora dela zona play out. Ma play out xe più che retrocessione?

Grasie, grasie. Qua se vedi el bon cuor del nostro Nini che ga lasà a Baba Triestina de darme una bona notizia. Ladies first. Se no xe una domanda fata par scherzo, forsi el nostro Nini te contarà come che funsiona el pleiaut. Un fato xe che le altre squadre le ga ziogado par la Triestina e le prosime tre partide le xe relativamente facili. Speremo che i greghi no fazi i moni. Bona sera a tuti. La squadra de qua la zioga ancora. Son tuto un tremor. Spero anca che quei de qua no fazi ....

Fioi mii: I ga fato .... zero a zero in casa.

[Ciancele]

Penso che el mio "bon cuor" durerà ancora per qualche settimana perché anderò assai presto a visitar "Santa Maria degli Angeli" che no xè quela de Assisi bensì l'ospedal de Pordenon con quel nome e la mia Porziuncola sarà el leto del reparto laringo-maxillo per un intervento. El campionato xè ancora longo -manca 9 giornade- e spero che BabaTs dia altre bele notizie a Ciancele fin al mio "restauro". No so come sarà la mia vose ... ma el dito sulla tastiera doveria esser salvo per meterme de novo in contatto su sto Forum!

Nini mio, ai mii amici no auguro mai gnente, parchè porto pegola e vien sempre el contrario. Podaria augurar el contrario, ma se no funziona? Se el dito no funziona, ciol un marteleto o qualche obietore de cosienza che frachi par ti. Ma noi ghe volemo ben al tuo ditin.

[sum culex]

Tanti auguri caro Nini! In bocca al lupo!

El lupo che crepi e inveze che ti te staghi meio de prima: tanti auguri!!!!
ciao
sum culex

[Nini Naridola]

Nell'infrasettimanale sconfitte fora casa tutte e due le giuliane per 2 a 1. La Triestina a Montebelluna e el Monfalcon a Fontanafredda ... e forsi (senza portarghe via el piazer a BabaTs!) rivo anche a dar el risultato de domenica prossima.

[Ciancele]

Nell'infrasettimanale sconfitte fora casa tutte e due le giuliane per 2 a 1. La Triestina a Montebelluna e el Monfalcon a Fontanafredda ... e forsi (senza portarghe via el piazer a BabaTs!) rivo anche a dar el risultato de domenica prossima.

Nini mio, bongiorno. So che te pensarà: Mi me rompo par farghe 'ver i risultati e quel porco no disi gnente. Nini, quel porco xe ciapà. Un altro, il cui nome faceva rima con "te ne ga guà pulito", iera operaio, pastore, costruttore e guerriero. Mi son autista, cogo, fachin, badante e chi più ne ha più ne metta. Notizie tipo "la Triestina" ga perso o "la squadra de qua va in B" (stamatina i ga scazà l'alenador) xe bele notizie rispeto a quele che ciapo qua. Ma, come che su usa dir a Trieste, basta salute.

Atendo impavido la feral novela per stasera.

[Nini Naridola]

Mio impavido "tuttofare", visto che te l'aspettavi, ecco la ferale: el Ripa, che iera in più brute acque de noi -la gaveva in classifica un punto de meno, la ga "espugnà" el campo de Valmaura: 0 a 1. Anche el Monfalcon ga perso in casa.
No so ti, ma mi son contento che la squadra del Venjulia Trieste rugby ga vinto a Prosecco col Montebelluna: 28 a 12.
Stame ben!

[Ciancele]

Son contento par ti. Almeno un che ga vudo sodisfazion. Sesanta ani fa dopo la partida a Proseco se 'ndava dele sete sorele a bever bianco e magnar strucolo de pomi. Forsi i xe 'ndadi anca lori.

[Nini Naridola]

Anche noi, dopo qualche partida de balon a Prosecco, qualche volta andavimo alle 7 sorelle; nonostante le mie indagini no go mai capì chi che iera ste sette sorelle! No ghe ne go vista mai gnanca una! Preferivimo andar là vizin de Luxa anche deta "de la tetona" ... e quel mistero lo gavemo capì subito! Se "ela" no iera drio el banco, al marì (sempre incazà) ghe domandavimo:- "Xe qua ale 7 sorelle? E andavimo via.
Nel campo de rugby de Prosecco xe attivissima la "House club rugby" con un per de griglie che spandi l'odor de cevapcici e luganighe sule tribune e nei spogliatoi e ...birra a gogò!

[Ciancele]

Dele sete sorele 'ndavo de picio con mio papà. Più grando, ultratrentene, vignivo zo a trovar i mii e putela e mi andavimo a far bagno al Ginestre e dopo ale sete sorele un sanduic de parsuto. A casa no gavevimo più tanta fame e mama povareta diseva: Eh, i muli iera al bagno e el sol li ga copai. El sol dele sete sorele.

[Nini Naridola]

Povera Triestina: a Valmaura colla Sacilese, ultima in classifica, no i riva far meio de un 0 a 0.
Inveze el Monfalcon ga vinto per 0 a 1 a Belluno 4° in classifica!

[Nini Naridola]

So de aver un debito de parola con Ciancele: pel momento preferisso darghe solo bone notizie: a Castelfranco l'Union ga vinto per 3 a 1 col Giorgione. Anche el Monfalcon ga vinto in casa col Mestre per 4 a 2.