El Canal Grande e Piazza Ponterosso

[babatriestina]

Passando per el Canal, go rivado a fotografar un per dei bassorilievi delle case di fronte al Ponterosso, imagino che le sia stade dei Biasoletto, anche quela prima della farmacia, perchè vardè el particolar del bassorilievo!
altro che le decorazioni tute precise del palazzon dela Banca del lavoro, che po lo vardavo, el xe piturado tuto color fango..

[Nona Picia]

Queste foto xe prodotti dela 12x?
Ciao ciao

[babatriestina]

Queste foto xe prodotti dela 12x?

sì, e con stabilizzator de imagine, la xe fata stando de l'altro lato del canal

[AdlerTS]

Una bela foto de un mio collega

[Nona Picia]

El iera forsi là soto con la barca?

[ffdt]

El iera forsi là soto con la barca?

no ;-D el xe cuel in cel la` in alto a sinistra ;-D vardilo che bel che 'l xe ... che ben che 'l tien verte le ale ;-D ... che xvelto che 'l xvola ;-D ... che sicuro de se' anca se xe nuvoloni ;-D ... si si ... el colega el xe vignudo sai ben ;-D ... proprio una bela foto ;-D ... e de 'l resto un colega de adler no pol che eser un altro che xvola, no? ;-D ;-D ;-D ;-D ;-D

peca` che la foto xe stada fata de rifleso in te 'l canal, perche` se no el vigniva ancora meio ;-D ;-D ;-D ;-D ;-D ;-D ;-D ;-D ;-D ;-D



cucu` ;-D

Franco

[Nona Picia]

cucu` ;-D

Franco

Buuuuuuuuuuuhhhhhhhhh!!!!!!!!!!!!! ;-D ;-D ;-D ;-D ;-D ;-D ;-D ;-D ;-D

[AdlerTS]

alcuni particolari del Canal:
le vece bitte de piera settecentesche de co ormeggiava i vapori

Non savevo se scriverlo qua o drio del "Go fato un giro " de Franco... bon scrivo qua: ste bitte ga un nome specifico: Garofolini.

[ffdt]

[...] co ormeggiava i vapori [...]

si, va ben, stago zercando el pel in te 'l ovo, ma no credo che in canal gabi mai ormegiado i vapori e gnanca che ghe ne fusi za in te 'l '700 ;-D ... o dio, forsi cualchedun stava fazendo esperimenti, ma me sa che la nave a vapor sia roba de 'l '800

[babatriestina]

ma no credo che in canal gabi mai ormegiado i vapori e gnanca che ghe ne fusi za in te 'l '700 ;-:-)

alora:
1 le bitte xe forsi settecentesche, ma navi in canal xe entrade fin che no i ga bloccado i ponti, che se no me sbaglio xe ai primi del novecento
2 de solito le immagini xe de velieri, efetivamente, ma no escludo che qualche vaporetto nel Otocento no sia andada in canal.
3 ma soprattutto, velieri no xe una parola triestina e mi go sentido doprar la parola "vapori" in general per navi, senza andar tropo a discuter se veramente i gaveva el motor.

Za che ghe semo, me domando: come fazeva manovra i velieri par atraccar e partir in canal? tuto a vela?

[ffdt]

[...] navi in canal xe entrade fin che no i ga bloccado i ponti [...]

si, ma i vapori de linea i iera tropo grandi e le barche pice de carigo le xe restade a vela fin a dopo la seconda guera mondial ... sai trabacoli ghe iera

[...] vaporetto nel Otocento [...]

che mi sapio el canal el iera zona de comercio, e no credo che ghe fusi vapori cusi` pici per andarghe dentro ... i me paresi antieconomici, ma poso xbaliarme

[...] go sentido doprar la parola "vapori" in general per navi[...]

credo che cuei a vela i vigniva ciamadi co ' 'l suo nome ... barcheti, pieleghi, trabacoli, e cusi` avanti

[...] come fazeva manovra i velieri [...]

de precixo no so, ma no me meraviliasi tropo de scoprir che i se moveva a forza de brazi o zucadi co' i cavai

[babatriestina]

zoomando un poco, go un dettaglio delle tacche del mareografo del canal

[sum culex]

Ghe go dà una scorsa a tute le foto del canal e me son acorto che no xè sta mai messi in particolar i mascheroni che una volta spudava acqua e che i xè in testada verso S.Antonio.
Provedo a colmar sta lacuna: prima un dei due mascheroni col suo riflesso e dopo, più in grande solo el riflesso e solo el mascheron.








ciao
zoom culex

[serlilian]

ma no credo che in canal gabi mai ormegiado i vapori e gnanca che ghe ne fusi za in te 'l '700 ;-:-)

.......... velieri no xe una parola triestina e mi go sentido doprar la parola "vapori" in general per navi, senza andar tropo a discuter se veramente i gaveva el motor.

La parola "vapor" per mi la implica l'esistenza de un motor. Inveze una parola generica xe "barca", usada anche per le navi.
"El xe rivà in barca" podessi voler dir sia barca che nave.
E po' "Quela maledeta barca...." no iera de sicuro una barcheta.

[serlilian]

Che magnifiche foto che me gavevo perso. Mi no go ancora rivà a legerme tuto el forum.

[AdlerTS]

zoomando un poco, go un dettaglio delle tacche del mareografo del canal

La stessa trasmission de tele 4, "Curiosità", che citavo da un'altra parte ieri segnalava che lo zero segnado dal mareografo del ns. canal de Ponterosso fungeva da punto de riferimento per tutta la cartografia elaborada nell'Impero AU ! Ponterosso ombelico del mondo.

[1382-1918]

Sì, questo xe vero, però no per Ponterosso, quel "zero" xe vecio e no se usa più dal 1875.

La quota 0 per tutto il territorio dell'ex'Impero Austro-Ungarico, più Serbia e Montenegro, xe el punto che xe stado scelto come 0 nel 1875 e che se trova sul Molo Sartorio a Trieste. Se lo pol veder materializzado da un grosso ciodo.
Dopo il 1945 però, i paesi con territori dell'ex Impero, finidi nell'orbita sovietica, come Cecoslovacchia, Ungheria e Polonia ga dovudo cambiar punto, e usar el livel de Kronstadt, inveze de Trieste.
Kronstadt, che fa parte della Russia, se trova sull'isoletta de Kotlin davanti a San Pietroburgo.

Questo però solo per quel che riguarda l'altimetria. Per quel che riguarda i rilievi cartografici del territorio, le coordinate geodetiche de riferimento per Trieste, ancora usade, xe la zima del monte Krim, a sud-ovest de Lubiana.
Questo "zero" oggi in Italia val per i territori orientali ex-asburgici, cioè le province de Trieste, de Gorizia, e 12 comuni della provincia de Udine che iera parte della Contea de Gorizia e Gradisca.
El stesso "zero" val anche per tutta l'Istria e la Carniola.

Infatti in Slovenia, ad esempio, tutta la parte sud usa el zero del monte Krim, come noi, inveze la parte stiriana più a nord-est usa il monte Schöckelberg nella Stiria austriaca, e il Prekmurje (Ungheria fin al 1918) usa el zero della torre dell'osservatorio de Budapest, come la Croazia e la Slavonia. La Dalmazia usa inveze el campanil de S.Stefano a Vienna. Le province de Trento e Bolzano usa el campanil de una cesa nel centro de Innsbruck.

Ma tornando all'altimetria nel resto dell'Italia inveze se usa la quota zero de Genova, usada anche dalla Svizzera, mentre la Francia usa Marsiglia e la Germania, Amsterdam.
L'Union Europea sta tentando de far usar Amsterdam a tutta l'Europa.

[babatriestina]

La quota 0 per tutto il territorio dell'ex'Impero Austro-Ungarico, più Serbia e Montenegro, xe el punto che xe stado scelto come 0 nel 1875 e che se trova sul Molo Sartorio a Trieste. Se lo pol veder materializzado da un grosso ciodo.

gavevo messo un per de foto qua

Sta robe me par come quando che per le carte geografiche ognidun gaveva un meridian de riferimento, che imagino i fazeva passar per la propria capital..

[AdlerTS]

Sì, questo xe vero, però no per Ponterosso, quel "zero" xe vecio e no se usa più dal 1875.

Prima del 1875 sì però, me par de aver capido.

[LELA]

[...] navi in canal xe entrade fin che no i ga bloccado i ponti [...]

si, ma i vapori de linea i iera tropo grandi e le barche pice de carigo le xe restade a vela fin a dopo la seconda guera mondial ... sai trabacoli ghe iera

[...] vaporetto nel Otocento [...]

che mi sapio el canal el iera zona de comercio, e no credo che ghe fusi vapori cusi` pici per andarghe dentro ... i me paresi antieconomici, ma poso xbaliarme

[...] go sentido doprar la parola "vapori" in general per navi[...]

credo che cuei a vela i vigniva ciamadi co ' 'l suo nome ... barcheti, pieleghi, trabacoli, e cusi` avanti

[...] come fazeva manovra i velieri [...]

de precixo no so, ma no me meraviliasi tropo de scoprir che i se moveva a forza de brazi o zucadi co' i cavai

Bona...note a tute/i,
ma se no' xe "velieri",'stì quà cosa xe secondo voi?



Ciau ciau, sempre con tanta simpatia, Lela.