El Canal Grande e Piazza Ponterosso

[babatriestina]

Par impossibile, ma no gavevimo messo gnente sul Canal, Ponterosso, etc... comincio mi, el Canal visto al tramonto del molo del Porto vecio ( una volta che el iera averto)

per mi ghe xe una città che ga qualcossa de simile de palazzi sul mar, no Venezia, no Amsterdam ( coi canali), ma San Pietroburgo!

po una panoramica del canal dal alto del Palazzo dele Generali ( el grattacielo rosso) ( del tipo "il canale come non lo avete mai visto"

[babatriestina]

un'imagine in bianconero del Canal un giorno de piova

e Joyce de bronzo che passa el ponte Rosso per andar a insegnar ala Berlitz school

[babatriestina]

alcuni particolari del Canal:
le vece bitte de piera settecentesche de co ormeggiava i vapori

le barchette che xe adesso

piazza Ponterosso verso la cesa ortodossa, mentre che sta per vegnir un temporal

[babatriestina]

Palazzo Gopcevic, restaurado come museo (nel otocento, in un apartamento in afitto, ga abitado là un periodo i mii bisnonni)

un particolar dele statue dei eroi serbi ( gavevimo za parlado in un post)


e po un per de bassorilievi con putti dei palazzi settecenteschi, che ga anche magnifici balconi e panduri:
un gruppo con un ritratto, forsi del paron de casa

[babatriestina]

Sui bassorilievi con putti sui palazzi triestini se podessi far una sezion aposta, ghe ne xe tanti! adesso ve metto un altro gruppo, sempre de un palazzo sul Canal, che Trieste nascosta lo trova.. osé! no so se i gioga semplicemente o i gioghetti deventa un poco sul erotico.. giudichè voi!

mi che no gavevo malizia, co lo go fotografado no gavevo gnanche badado, po el libro me ga messo in curiosità

[ffdt]

Par impossibile [...]

E difati no xe vero ;-D ;-D ;-D ... un poche de foto de 'l canal le gavevo za mese mi in te 'l mio "go fato un giro"

Ciau ciau

Franco

[babatriestina]

giusto, e alora dovemo trovar un modo per renderle più reperibili, magari zercando de meter titoli meno generici de " go fato un giro" , agiungendo "dele parti de XY"

[Nona Picia]

E un per le go messe mi in "Passeggiata domenicale" in febbraio.
Ciao ciao

[sum culex]

Visto dal mar nel panorama dela cità se lo vedi poco cussì incastonato tra le case.



De quando che me ricordo mi, parlo de circa 60 ani fa ghe iera tre ponti el bianco, el verde e el rosso; tuti tre mobili per far aceder le grandi barche (mi me ricordo solo quele che vendeva angurie). Là torno iera tuto magazini e i velieri scarigava le merci che i portava sui lati del canal che iera el posto più vizin.
El bianco iera el primo e el xè stado costruido per el passagio del treno che andava dal porto vecio al porto novo e, se no snaglio, xè stà l'ultimo a esser costruido. El verde iera per el tran e i cari ogi autobus e auti. El rosso, come adesso pel trafico sula via Roma (ghe sarà prima o dopo anche un poche de foto anche su sta via)

Qua el canal xe ciapà dal ponte verde



Questo xè el primo palazzo sula sinistra che fa angolo col corso Cavour

[sum culex]

Palazzo Gopcevich ogi sede dei 'Musei del canal grande'.
Prima in general e po' un pochi de particolari dele decorazioni.

[sum culex]

[sum culex]

[sum culex]

El Ponte Rosso e el canal dal Ponte Rosso, adesso in cemento, una volta de fero piturado de rosso.

[sum culex]

[sum culex]

[sum culex]

(sti ferai li gavè za visti, ma sicome che i fa parte del canal, go pensà che iera giusto riportarli anche qua)

[sum culex]

Piazza Ponterosso e i sui palazzi, una bancarela de fruti e verdura e la fontana de 'Giovanin'

[sum culex]

[sum culex]

[sum culex]

La fontana de 'Giovanin' cussì ciamada dale venderigole e dale fioraie dela piaza che, per el giorno del festa de San Giovani, lore leteralmente la impiniva de fiori. Ogi no la ga più gnanche acqua!