SAVOIA Excelsior Palace

[sum culex]

Un'altra per un modesto congresso



Un coridoio per aceder ale stanze



Adesso ve fazo veder tre diverse tipologie de stanze doppie con bagno.
Questa xè la prima

[sum culex]

Amirè i lavandini de marmo (no i xè miga de porcelana!)

[sum culex]

La seeconda stanza un poco più grande



Anche un divano per stravacarse per la penichela



La terza stanza un poco più grandeta e un poco più de lusso

[sum culex]

Davanti ai leto col baldachin un tavolo cole sedie e un mazzo de fiori






El bagno



DULCIS IN FUNDO: El prezzo per sta camera per una note € 50,00 (in meno de tre giorni me saria magnà la pension de tuto e mese )
Chi che pol e chi che no!



Adesso che le gavè viste tute no ocori che le contè: ghe ne xè 100 tonde tonde (o per meio dir quadrate quadrate): diseme che son mato!!

FINE: per mi sta serie xè stà in lavor bastanza gravoso; per voi quardarle xè sta un incubo???

ciao
sum culex

P.S.: per babaTS: Per la famosa 'disfida', adesso zonta ti le tue come che te ga dito.

[babatriestina]

DULCIS IN FUNDO: El prezzo per sta camera per una note € 50,00

P.S.: per babaTS: Per la famosa 'disfida', adesso zonta ti le tue come che te ga dito.

magari fussi 50, andassi subito!!!

per la disfida: per cominciar son viola de rabbia che ti te gabi podudo visitar le sale a destra, la sala pompeiana ( quela col sufitto coi segni zodiacali, che paresi che i gabi salvado de original solo che el sufito e el fregio coi putti) e el ristorante, e a mi con muso duro i me ga dito NOSEPOL !!!
se vedi che co te ieri ti iera per i VIP e te son passado per VIP e mi inveze iero coi bubez e mi ga trattada de bubez, el solo vantaggio xe che al secondo giorno iero subito dopo la piovada e iera poca gente..
sule foto, te ga fatto meo e più de mi su tanta roba, per cui le mie foto xe dei doppioni, salvo qualche piccola zonta che no te ga ritegnudo degna de ti...
el ascensor che me spetavo inveze una foto tua, perchè el xe cocolo e probabilmente original o recuperado ben:

e in particolar el bassorilievo de bronzo sul stipite



po una foto e una riflession: xe la stessa camera che te ga fotografado, drio del canapè ghe xe queste foto:

podemo dir che i ga decorado con foto artistiche della Trieste asburgica-monumental, ma guardè la prima ( riflessi permetendo, me scuso..) original e recente l'idea de metter Massimilian in Piazza Giuseppina cole statue de palazzo Revoltella, ma mi go idea che se **mi** gavessi fatto sta foto, i me gavessi dito:
1 ma no te son bon gnanca de meter una statua dritta?
2 e te ghe ga taiado i pie alla statua.

inveze xe una foto de artista , e alora xe bel.
Mi istesso me par che sto Massimilian caschi un poco in avanti...

[babatriestina]

e po,, con decenza parlando... iera visitabili anche i cessi... questo xe quel del coridoio, e xe anche a misura de handicappai:

me dire: cossa ga de particolar?

ve sè mai sentadi sotto un ritratto artistico de Sissi????


e per conclude diria
sfida al ultimo cesso!
perchè questo xe el lavaman dela medesima toilette dei handicappadi

de confrontar con la tua, e in tute e due se intravedi i fotografi, el lavabo xe el stesso, el fior xe quasi preciso ma no xe proprio la stessa camera, anche perchè nela tua no gavessi podudo entrar, visto che ghe xe la silhouette de omo

[sum culex]

DULCIS IN FUNDO: El prezzo per sta camera per una note € 50,00 (in meno de tre giorni me saria magnà la pension de tuto e mese )
Chi che pol e chi che no!

Mama mia! Me son dito solo: ciò mona te se ga dimenticà un zero! Imagineve che pension se in meno de tre giorni pari a 150,00 eruri me magnavo la pension de tuto el mese
ciao
sum culex m...

[babatriestina]

DULCIS IN FUNDO: El prezzo per sta camera per una note € 50,00 (in meno de tre giorni me saria magnà la pension de tuto e mese )
Chi che pol e chi che no!

Mama mia! Me son dito solo: ciò mona te se ga dimenticà un zero! Imagineve che pension se in meno de tre giorni pari a 150,00 eruri me magnavo la pension de tuto el mese
ciao
sum culex m...

iero pronta a corregger, perchè el prezzo vero se leggi sotto nela fotografia, ma al primo momento, me son dita, però, che bon prezzo, che i fazzi un'offerta de lancio per i primi giorni?

[Elisa]

ci avete fatto fare un piacevole giretto di perlustrazione, magnifici ambienti e molto belle le foto!
Ades, se mi penso de vegnir a Trieste, so za dove che podo trovar qualche metro de ombra....
anca magari con una condiziòn: d' averghe qualche imbotida su quei leti peladi!

[nanaia]

grazie mille a tutti e due!!! Me son proprio impinida i oci con tutte le bellezze che gavè fotografado: pensè che per el mio lavor gò tratado col Savoia per un diese anni, ma adesso dei "veci" no xe più nissun, e me fazeva malinconia andar a veder. Cussì, gò visto istesso: grazie de cuor!![/b]

[AdlerTS]

Grazie Sum per le foto, ottimo come sempre
Certo che xe proprio un bel albergo e i ga fatto una giusta mistura de antico e novo.

po una foto e una riflession: xe la stessa camera che te ga fotografado, drio del canapè ghe xe queste foto

Anche mi go notado le foto nelle camere, ghe da una aria molto "triestina" Per el fatto che le sia storte, me risulta esser la tendenza dei fotografi de grido (o presunti tali) del momento

[babatriestina]

Se andè sul blog del sindaco, troverè un resoconto, che le foto artistiche xe de Marino Sterle e un servizio fotografico coi VIP ( quei che dopo xe arivado a veder Zoomy coi resti del rinfresco) ma come servizio me par che semo meo noi, anche se no gavemo fotografado taio del nastro e autorità.

[babatriestina]

in un momento scherzoso, go provado a rifar la foto artistica de Massimilian:

cussì me vegnissi de far la foto

po provo a farla un poco storta

e po taio e passo a desaturarla, perchè se sa che el bianconero xe più artistico!
( ma i pie ghe li go lassai..)

[babatriestina]

go avudo un'occasion de partecipar a una zena. Comincio col dir che arivo, vado verso el ristorante, e una baba me blocca Chi la xe? cossa la vol? no, qua xe un'altra zena riservata, no xe per lei.. insoma, la me rimanda ala reception e i me disi che la mia zena xe nele salette in primo pian, me avvio verso le scale, i me intercetta de novo, i me convoglia verso el ascensor e finalmente rivo: nel pianerottolo xe el aperitivo, e la saletta xe ben preparada, a tavolini:



molto elegante la tavola, decorada in stile natalizio

[babatriestina]

un dettaglio dei piatti col nome dell'albergo: er l'esattezza loro scrivono Savoy e non Savoia. Che poi il Savoy di Londra prende nome proprio da un medioevale Savoia che c'era là..


la zena? qualcossa de proprio bon e qualcossa de più discutibile...
camerieri in guanti bianchi che ala fin ne presenta la "loro" version dela Dobos, assai de fantasia e per mi con un poco troppa crema de burro e cioccolata

[AdlerTS]

un dettaglio dei piatti col nome dell'albergo

Savoy alora, no Savoia (Anche se per mi xe l'Excelsior e basta )

[AdlerTS]

Buon compleanno Excelsior ! 100 anni oggi

[babatriestina]

che ga, come in tanti altri punti, tante finestre a vetrata colorata più o meno liberty: originali o messe adesso? no so..

dalla conferenza della dott Barillari sono originali, e probabilmente viennesi, dati i motivi, ma non è confermato