Vienna

[babatriestina]

Nisuna foto de GRINZING?
Un vin assai strano, legero e frizantin che pensavo fossi sidra de pomi (magar el iera).
El tutto un pocheto turistico; me imagino che adesso el saria ASSAI turistico

in efeti stavolta no iero a Grinzing, che anca mia cugina disi che xe turistico, ma a sto Gumpoldskirchen, in un Heurigen che ghe gaveva sugerido sua cugina viennese .
Posso meter un per de foto de do anni fa , in autunno, eco le vigne sora Grinzing

una frasca nela zona dove che xe la casa che andava in villeggiatura Beethoven

Mi e mia cugina no semo tipi de restar a far la cantada, comunque anche l'altra sera iera i mati cola fisarmonica che sonava.
Per el vin ,adesso xe vin normal, m ain autunno ala stagion dela vendemmia, xe el mosto quasi senza alcool, un mosto un poco fermentado e un quasi deventado vin.
ecote i nostri biceri do anni fa, a Grinzing, con sto mosto, no me ricordo qual che iera e gnanca el nome esatto intedesco.

Anche nel Burgenland xe pien de vin, e al castel Esterhazy se gavemo comprado un per de bottiglie de loro produzion.
Mi comunque no trovo tanta somiglianza cole osmizze, a parte la frasca, perchè el vin xe più scelta ( e no xe teran) e come magnar no xe i soliti ovetti, insaccai e formaggi ma tuta una scelta de piatti, l'unica roba curiosa xe che vin e magnar se ciol e se paga separatmente: el vin, vien la kellerina in costume a cior l'ordinazion e portar al tavolo , el pasto se va zo dove che xe un poco tipo self service, formaggi ( Liptauer!), carne fredde, stavolta iera stagion de sparisi e me go ciolto sparisi con patate al persemolo, oviamente no manca i dolci e el strucolo de pomi iera attraente, ma gavevo ancora la panza piena dele paste del paese dele cicogne

[ffdt]

[...] no trovo tanta somiglianza cole osmizze [...]

forsi perche` lori i ga l'idea original e cua de noi la gavemo solo che copiada?

go trovado in altre zone cha ga avesto influenze culturai de altri popoli che c'o l'idea no la xe tua o te rivi a elaborarla in modo original e a farla diventar cualcosa de tipico tuo e de bel o se no resta un cualcosa che no xe ne' ben vivo ne' ben morto

[babatriestina]

ancora qualche curiosità de Vienna: i onnipresenti tram viennesi

ve sparagno tute le targhe dele case dove che ga vissudo Mozart (la tomba no xe , perchè i lo ga sepelido in fossa comun), in cambio, in una cesa, toh! chi te trovo? la tomba de Metastasio! (che xe sepolto in cesa imagino perchè morto prima dele riforme de Giuseppe II che ga proibido le sepolture in cesa)

dei tanti monumenti ve metto solo un campanil de una cesa gotica, perchè el xe alquanto inaspettato, visto che la più parte xe barocco, ma la bellezza dei trafori della guglia mi li trovo molto ma molto più eleganti dele colossali spire neogotiche dela Votivkirche

[AdlerTS]

Se disi però che el vecio Franz Josef lo trovava un obrobrio, che el iera di fronte dele sue finestre, e el fazeva serar le tende per no veder!

La ciamava "la casa senza sopracciglia"

[babatriestina]

a parte questa immagine de una porta, legno lucido, marmo, otton, vetri molai... che lusso!


cossa sarà???

xe le toilettes pubbliche del Graben!!!
(a pagamento)

le xe considerade ( no so se sia vero) le più antiche ancora in funzion.
T Bernhard parla in un suo romanzo ( Antichi maestri) molto mal dele toilettes de Vienna, ma queste xe propio belle!
e paressi che nela sezion maschile, che per ovvi motivi no go visitado, ghe sia una riproduzion dela frase
"Patent Oel Urinoir - ohne Wasserspülung geruchlos"
che volessi dir vespasiano brevettato a olio senza scarico di acqua e senza odore, ma che letto ga la stessa cadenza dei versi classici de Omero e de Virgilio e per quel iera noto col nome scherzoso de "esametro di Vienna"

[AdlerTS]

In occasione del viaggio apostolico di papa Benedetto XVI in Austria dal 7 al 9 settembre, la torre nord "che non c’è" del duomo di Santo Stefano verrà completata con la tecnica laser, mentre quella sud "Steffl" sarà coperta con una bandiera

articolo completo su http://www.korazym.org/news1.asp?Id=24919

[babatriestina]

eco, mi credevo che el "obelisco de luce" in piazza Goldoni, inveze del porta cd, i fazessi più o meno cussì.

[Nona Picia]

Xe quel che ga pensà più o meno tuti, dato quel che gaveva dito el ns beneamato sindaco!

[Tirabaralla]

Che bel che xè...saria stado sai mejo del porta CD.... :\

[Nona Picia]

Sicuramente!!!!!

[AdlerTS]

a proposito de Santo Stefano: go letto che nel 1529, causa l'assedio dei turchi, i ga alzado sora la cesa la bandiera con la mezzaluna e la stella per esser risparmiada dalle cannonade turche, forse fino al 1683, anno de un altro assedio ottoman quando, bandiera o non bandiera, i ghe ga tirà col canon

[babatriestina]

certo che sto assedio turco a Vienna ,e ripetudo do volte, ga ssai colpido l'imaginazion e el xe restado nela memoria, come se fussi ieri.

Ghe xe a Vienna un parco , dele parti verso Grinzing, che xe dove che nel secondo assedio i turchi gaveva le batterie, e i ga rifatto una torre turca

e un monumento ai cosacchi che quela volta li ga aiutadi a sostegnir el assedio

Che po, a leger i libri de storia ottomana, el primo assedio xe stado de Solimano e i turchi iera in piena espansion, ma el secondo i iera za in declino e Kara Mustafà che xe andado a attaccar Vienna, par che sia andado troppo in avanti senza precisi ordini, se no me sbaglio co el xe tornado indrio i lo ga strangolado ( o invitado a strangolarse..)

[AdlerTS]

Nel libro su Eugenio von Savoye (el se firmava cussì) i scrivi che Vienna xe stada atacada dai otomani nel 1529, el 1532, el 1566, 1596, 1664 e 1683.
Non go verificado, te se ricordi ti se batti tute ste date ?

Comunque fa strano pensar ad una bandiera mussulmana su una cesa cristiana

[babatriestina]

Nel libro su Eugenio von Savoye (el se firmava cussì) i scrivi che Vienna xe stada atacada dai otomani nel 1529, el 1532, el 1566, 1596, 1664 e 1683.
Non go verificado, te se ricordi ti se batti tute ste date ?

Prendo de un abastanza ponderoso libro ( 600 pagine): Finkel Osman's dream : The story of the Ottoman empire 1300 -1923 , anno 2006:

In the 1532 Suleyman led another campaign into Hungary but the nearest his land forces got to Vienna was the small town of Koszeg ( Guens) , some 80 kilometres to the south of the city, which capitulated only after a three-week siege. Suleyman agreed to leave Ferdinand in possession of northern and western Hungary- known as Royal Hungary by contemporeries-

Per el 1566 riassumo in triestin: Solimano de vecio, anche su istigazion de sua fia Mihrimah ( che per inciso ga dado el nome a una magnifica mosche a Istanbul) che ghe raccomandava de no trascurar el suo "dover canonico" de far la guerra santa ai infedeli, nella primavera del 1566 el xe andado de novo dopo 23 anni in guerra e el ga attaccado la fortezza de Szigetsvar in Ungheria, e là el 7 settembre el xe morto. La città xe cascada el giorno dopo e i ga occupado fin al sud del lago Balaton. Mentre che el fio Selim I iera in Turchia a Konya, el gran Visir ga tegnudo sconta la morte del sultano e i fazeva tuto come se el fossi vivo. Al 20 ottobre, per mancanza de soldi, i xe tornai indrio.
Nel 1596 el sultano Maometto III ga catturado la fortezza de Eger fra Austria e Transilvania e ga battudo dopo una battaglia del esito incerto, a Mezokeresztes el 25 ottobre l'esercito asburgico. Po i se ga ritirado e xe stada pase.
Nel 1663 Fazil Ahmed Pasha ga ripreso la guerra contro l'Ungheria e ga catturado la fortezza de Nove Zamky oltre el Danubio, nel 1664 al 1 agosto ghe xe stada la battaglia de Szentgotthard a nord est de Nagykanisza dove che l'armata Asburgo al comando de Montecuccoli li ga fermai in una sanguinosa disfatta.

Come te vedi, le date fora dei due assedi corispondi efettivamente a campagne ottomane contro l'Austria, ma senza arivar fin soto de Vienna e tanto meno assediarla.

[babatriestina]

dimenticavo, par che anca la mezzaluna dei Kipferl, che po xe deventai croissant alla francese, xe ispirada ala mezzaluna turca del assedio de Vienna. per no parlar dele turcherie: el ratto dal Serraglio de Mozart, la Marcia turca del medesimo...

[Maximilian]

Nel 1596 el sultano Maometto III ga catturado la fortezza de Eger fra Austria e Transilvania e ga battudo dopo una battaglia del esito incerto, a Mezokeresztes el 25 ottobre l'esercito asburgico. Po i se ga ritirado e xe stada pase.

La leggenda motiva il ritiro con una storia curiosa: i turchi videro gli abitanti di Eger bere dell'Egri Bikavér (l'ottimo vino rosso della zona); non avendo mai visto il vino rosso, pensarono che gli ungheresi stessero bevendo sangue, e scapparono inpauriti

[AdlerTS]

simpatico questo aneddoto, non lo conoscevo

[AdlerTS]

Copio e incollo questa notizia ANSA:

VIENNA, 18 FEB - E' sta abbattuta oggi a Vienna la cosidetta 'palma Sissi', una palma Livistona di 170 anni che porta il nome dell'imperatrice Elisabetta d'Austria, perche', ormai alta 25 metri, rischiava di danneggiare il tetto della storica serra imperiale nel giardino del castello di Schoenbrunn.
La pianta era una propaggine della 'palma Maria Teresa', gia' tagliata nel 1910, e venne battezzata con il nome della moglie dall'imperatore Francesco Giuseppe.
I singoli pezzi della pianta 'aristocratica' saranno ora messe all'asta, ha reso noto oggi un portavoce dell'ente 'giardini federali', competente per la cura dei giardini pubblici in Austria.
L'abbattimento della 'palma Sissi' aveva suscitato proteste da parte di diversi ammiratori della stravagante imperatrice austro-ungarica. ''Abbiamo ricevuto numerose mail e telefonate persino dagli Stati Uniti e dal Canada, dove veniva chiesto: don't kill the Sisi-palm-tree (non uccidete la palma-Sissi)'', ha raccontato il portavoce, assicurando tuttavia che gia' in primavera sara' piantata al suo posto una propaggine della palma di 50 anni.

[babatriestina]

Bene, andate invece a Padova all'Orto Botanicoe ci troverete la Palma di Goethe, ancora più antica, per consolarvi.

[Nona Picia]

Per chi che ghe piasi Vienna, ecco ancora un per de foto del mio cugin triesti/milanese.....

Il Belvedere




Hofburg -- Porta di San Michele