El Canal Grande e Piazza Ponterosso

[sono piccolo ma crescero]

Giusto per non parlar solo del ponte curto, metto qua questa panoramica a 360 gradi fatta dal mio anonimo amico che mi ha mandato anche quella di Piazza Unità

[Nona Picia]

E de dove el ga fato le foto?

[sono piccolo ma crescero]

Quando devo mostrar una pianta de Trieste mi dopro sempre quele che me dà http://www.openstreetmap.org, perché le xe bele e precise. Go messo la frecia dove che per mi el iera co'l ga fato la foto.



Ma, secondo voi, me sbaglio o xe una mappa assai aggiornada? Vardè ben! No stago scherzando... e parola mia no go futizà gnente, la xe proprio cusì

[Nona Picia]

Go pensà anche mi al ponte Rosso....
Go guardà ben e go visto anche mi che ghe xe anche altre informazioni oltre alle strade....

[sono piccolo ma crescero]

Ma te ga visto che xe za meso el ... Ponte Curto?

[Nona Picia]

Ma te ga visto che xe za meso el ... Ponte Curto?

Adesso sì!

[babatriestina]

Sta per cominciar i lavori de "riqualificazion" tochemo ferro che no i rovini troppo! ben come che xe la piazza adesso, col sol:
le bancarelle xe spostade de l'altra parte:

e el primo lato xe svodo: ecco, con questa prospettiva lo vedemo come che el iera più o meno come quando c he i lo ga costruido, senza i palazzo zontai dopo


el povero Giovanin speta ancora che i ghe rimetti i dedi, ma se vardè i xe stai fatti e r ifatti più volte, no xe soloa desso che i li rompi per la prima volta

[babatriestina]

ma quel che volevo mostrar xe le bancarelle presenti: gavè presente:
Son de mestier - venderigola in piazza
ben, le " venderigole " attuali xe tuto meno che triestine: perchè le triestine no vol far più le venderigole?
la pescheria vien de Cervignan


miel e pappa reale e salami furlani de Gigi Nardini


e i due banchetti de fruti e verdure xe siciliani!

[babatriestina]

go ciolto anche un per de manderini: siciliani,c he xe roba de là, boni, meio che zerti che i vendi al supermercato e che vien dela Spagna





e xe quei che se straza i vestiti per la difesa dele bancarelle nostrane d Ponterosso? fioi, xe la globalizzazion anca qua..

[sono piccolo ma crescero]

ben, le " venderigole " attuali xe tuto meno che triestine: perchè le triestine no vol far più le venderigole?

I motivi pol eser tanti, e su qualchedun pol eser meio no indagar, ma, almeno una volta, iera un mestier duro. Stavo in piaza Perugino, ogni matina, col sol, co la piova, co la neve e co la bora le iera là, sostanzialmente a l'aperto. E come tuti i pici negozi rionai, credo che ghe sia calà de bruto el giro de afari.

Ghe xe un comercio ambulante, ma i gira: ogi i xe in una piaza, domani in un'altra...

[sarYandola]

perchè le triestine no vol far più le venderigole?

I motivi pol eser tanti,
Ghe xe un comercio ambulante, ma i gira: ogi i xe in una piaza, domani in un'altra...

Qualche anno fa iero andada in camera de commercio per far domanda per metter una bancherella in piazza. La risposta xe stada alquanto deludente: i me ga dito che no xe posti, che no i li dà e no i sà gnanche lori el perchè; per gaver una licenza de venditor ambulante, podevo anche far la richiesta, ma dopo no iera nissuna sicurezza che gavessi podudo gaver un posto e oltretuto gavessi dovù pagarghe le tasse sul presunto guadagno anche se no gavessi lavorado un solo giorno! Mi no go rivado a tirarghe fora altre spiegazioni! Sarà stadi circa 5 anni fa.

[Piereto]

Dovemo ringraziar el nostro sistema fiscale se molte iniziative de imprendotori de se stesi no riva a concretizarse. Le decine de domande per eser in regola, chieder el permeso, robe che in un paese liberale no esisti, niente permeso ,ma comunicazion che se vol far una attività. Sarà po la concorenza che te farà perder i clienti. Ma quel che anulla l'iniziativa xe che te devi pagar tase in anticipo, ogni ano anche se po no te guadagni, e (iva ,irap,inps, comercialista, etc), tute robe che le nostre venderigole de una volta nianche se imaginava.

[AdlerTS]

Ponterosso fungeva da punto de riferimento per tutta la cartografia elaborada nell'Impero AU ! Ponterosso ombelico del mondo.

Me par che nissun ga ancora messo la foto della targa messa dal Rotary .. se sbaglio mi corrigerete !

[babatriestina]

de quando la xe, che no la go mai vista?

[AdlerTS]

Penso un paio de mesi. El xe subito vicin alla statua de Joyce

[babatriestina]

Anno 2012.
Dettaglio del testo

"pollici parigini"??

[babatriestina]

tramonto, pioggia e riflessi al canal

[AdlerTS]

"pollici parigini"??

Non che lo savessi .... gugolando go trovado che valeva 2,7070 centimetri.

[babatriestina]

nuvoloni primaverili al Canal

[sono piccolo ma crescero]

Ogi go deciso de farghe girar la testa a Ciancele che ga tanti ricordi del Canal Grande



Qua gaveva la barca suo papà.

De qua con suo papà i partiva per andar a pescar.

Ogi el xe svodo, ma el mar iera liso come l'oio e me pareva che la foto meritasi.

Te gira la testa Ciancele? Varda che no xe per l'emozion o perché te ga bevudo un poco tropo, la te gira proprio perché la foto xe voltada. L'original xe questa qua soto. Se lo capisi perché ghe xe el marciapie in alto (ma gaveria podù taiarlo via) e perché xe più ciaro el rifleso dela parte drita. Eco la foto original, e la me par sai bela (la ga fata mia moglie). No gavevo mai visto el mar cusì liso.



Me par che qualchedun ne gaveva za mesa una ma no rivo a trovarla e cusì la go rimesa mi. E za che iero, questa xe sant'Antonio riflesa nell'aqua.



I disi che i vol disbunir el toco de canal che i ga imbuni 80 o 90 anni fa. Sì, el panorama saria più bel co la cesa che se rifleti diretamente. E po i troverà la fantomatica torpediniera.

Certo che far e disfar...