Veci negozi e vece vetrine

[AdlerTS]

Far parte de un forum come questo allena l'ocio ai dettagli
Questo lo go trovado su una saracinesca in città



(Una version più grande qua )

Xe chiaramente de fabricazion viennese, con tanto de numero de telefono

[Nona Picia]

Piazza San Giovanni: Toso
Quala drogheria al mondo ga più roba de questa? ghe xè dentro de tuto e de più

Gavè savù che probabilmente Toso sera botega e al suo posto vien Schlecker? Un altro vecio negozio molto particolare che se ne va e no gaverà sostituzion adeguada!

[AdlerTS]

No posso creder !
Saria bel che i salvi qualcossa, l'insegna, non so ...

[Nona Picia]

Chi xe sta cussì gentile de meter la foto sora el mio messaggio?

[Ludisia]

Gavè savù che probabilmente Toso sera botega e al suo posto vien Schlecker? Un altro vecio negozio molto particolare che se ne va e no gaverà sostituzion adeguada!

Che notizia triste Me piasi tropo quela drogheria.... Ma imaginavo che sucedessi prima o poi.....

[AdlerTS]

Chi xe sta cussì gentile de meter la foto sora el mio messaggio?

Jera per capirse mejo

[Ale]

Nooo tristissimo! Toso xè un'istituzion speremo che no i lo seri!
Che po' gavessi sempre volù andar a domandarghe se i ga ancora "cremor de tartaro" che no so ben cossa che xè ma go letto che gavevimo una fabbrica de sto cremor a Trieste nel '700. ...penso che sia qualche sal...ma per cossa che el servi no go idea.

[babatriestina]

"cremor de tartaro" che no so ben cossa che xè ma go letto che gavevimo una fabbrica de sto cremor a Trieste nel '700. ...penso che sia qualche sal...ma per cossa che el servi no go idea.

i lo doprava in cusina come lievito

[AdlerTS]

Cori a far scorta prima che seri

[Nona Picia]

Doveremo corer a comprar parafina per le candele!

[AdlerTS]

Far parte de un forum come questo allena l'ocio ai dettagli
Questo lo go trovado su una saracinesca in città



(Una version più grande qua )

Xe chiaramente de fabricazion viennese, con tanto de numero de telefono

L'altro giorno son passado de là e dove jera 'sta saracinesca, in via dell'Orologio, i ga deciso de realizzar un albergo. Go paura che el prezioso ricordo andarà persò

[AdlerTS]

Qualchidun ricorda questo ristorante alle Viole?

[Nona Picia]

Mi no.....forsi perchè no andavimo per ristoranti e alora no me interessava.

[babatriestina]

Qualchidun ricorda questo ?

ecome, anche se no ghe son mai andada a pranzo: el iera dove che adesso xe el negozio de Luisa Spagnoli. E ghe iera un altro circa visavì, dove che xe la boutique de Godina.
Inveze la prima boutique de godina la iera nela parte che dava su via Coroneo. La la gestiva una siora che fin prima la iera una sarta privata, la Modelia, che andava mia mama a farse i vestiti eleganti. Forsi go salvado qualchedun ancora, in quel baul dove che tegno i vestiti veci..

[Zigolo]

el iera dove che adesso xe el negozio de Luisa Spagnoli

No i ga a sua volta serà anche Luisa Spagnoli? Adesso no xe un negezio monomarca de eletrodomestici?

Comunque quel ristorante no me lo ricordo propio: ani 60 no iera zà de sicuro.

[Zigolo]

ani 60 no iera zà de sicuro.

Volevo dir no iera zà più

[babatriestina]

el iera dove che adesso xe el negozio de Luisa Spagnoli

No i ga a sua volta serà anche Luisa Spagnoli? Adesso no xe un negezio monomarca de eletrodomestici?

Comunque quel ristorante no me lo ricordo propio: ani 60 no iera zà de sicuro.

vero, la Spagnoli ga traslocado in Corso. Ma me par che la sia vegnuda subito dopo del ristorante Ale Viole e la ga durado fino poco tempo fa.
Forsi el ristorante ga serado nei primi anni 60... me ricordo perchè iera la strada che go fatto per 8 anni per andar a scola..

[macondo]

Del Ristorante Le Viole no me ricordo, ma de quel che iera visavis go qualche idea. Inanzituto, come el se ciamava?
Credo che iera considerado uno dei piú prestigiosi ristoranti de Trieste...

[babatriestina]

Del Ristorante Le Viole no me ricordo, ma de quel che iera visavis go qualche idea. Inanzituto, come el se ciamava?

el podeva ciamarse Dante? el gaveva anche lu una terrazza esterna.. sì, quela volta via Carducci iera un poco come i Champs Elysées de Parigi, coi ristorantini fora..

[Nona Picia]

Altri tempi.......
La Spagnoli devi esser vignù nel 1963, perchè me ricordo che iera de poco nato mio fio e son andada a ciorme una maieta là de ela e proprio perchè iera un negozio novo.