Veci negozi e vece vetrine

[granzo]

Xe qualche negozio che pur gavendo cambia' genere nel corso del tempo, ga mantignudo le vetrine de l'epoca. Fine '800 e primi del '900.
Certi pur gavendose rimoderna' a l'interno, ga mantignudo el stile.
Cussi` andando per cita`ogni tanto fotografo le vece vetrine e i negozi carateristici, prima che sparissi tuto...
El primo negozio che ve meto xe quel de Cesca in via Roma.

[granzo]

Un altro negozio carateristico xe quel de Podrecca in via Mazzini.

[granzo]

Sempre in via Mazzini quel che iera un emporio de tessuti e dove 'desso i vendi jeans e abigliamento casual per omo.

[AdlerTS]

Podrecca me fa morir de rider, se come se fossi una cantina vecia da farghe svodar a un rigatier !
Se te rivi fotografa fotografa Toso, in piazza S. Giovanni.

[babatriestina]

Propio oggi sul Piccolo iera un articolo su Toso. Podrecca po iera de veder co iera el vecio paron, più vecio del negozio..
per Cesca, manca ormai de anni el suo dirimpettaio Opiglia. Mi no savevo mai de qual dei due andar.

[granzo]

Podrecca me fa morir de rider, se come se fossi una cantina vecia da farghe svodar a un rigatier !
Se te rivi fotografa fotografa Toso, in piazza S. Giovanni.

Quel lo gaveva fotografado ffdt e el iera in un giro turistico dela cita`(un giro natalizio)....sara` de ripescar la foto e co' go tempo podessi domandarghe ai negozianti se i me lassa far le foto de 'l interno.

[AdlerTS]

Dal 1 de otobre parti un censimento dei locai attivi con più de 60 anni de lavor ! Dopo la conta pareria che i ghe vol dar schei per la manutenzion dei arredi e del negozio. Sembra una roba bona

[refolo]

Adler......

se te trovi el Video fatto in Piazza Unita' d'Italia del 1991 te savera' chi che iera i Podreca...non solo la region, ma una famosa famiglia de marionette, forsi calcolade alquanto povere.

Maria aka Refolo

[babatriestina]

1991 te savera' chi che iera i Podreca...non solo la region, ma una famosa famiglia de marionette,

no credo che i Podrecca dele marionette sia i stessi del negozio in via Mazzini ( che po el vecio paron del negozio xe morto un per de anni fa e adesso lo tien do giovini.
Per le marionette, i "Piccoli" di Podrecca, mi nei anni Cinquanta li go visti un per de volte, al teatro Nuovo, fino a un per de anni fa i iera esposti su per le scale del Politeama Rossetti. Esisti tanti Podrecca, anche un architetto Boris se no sbagli, che gaveva disegnado un progetto per el frontemar zona ex piscina e che propio sti giorni ga protestado disendo che del suo progetto nissun de ricorda.

[AdlerTS]

Xe un campionato de "da pal in frasca?", Refolo ?

[Nona Picia]

Forsi xe solo un poco de confusion!
Ciao ciao

[sum culex]

Podrecca me fa morir de rider, se come se fossi una cantina vecia da farghe svodar a un rigatier !
Se te rivi fotografa fotografa Toso, in piazza S. Giovanni.

Quel lo gaveva fotografado ffdt e el iera in un giro turistico dela cita`(un giro natalizio)....sara` de ripescar la foto e co' go tempo podessi domandarghe ai negozianti se i me lassa far le foto de 'l interno.

L'altro giorno go fato anche l'interno de Cesca, de Toso e de Bischoff e un per de Podrecca ma solo de fora: per far de dentro ghe vol l'ocio de pesse.
Gavè pasienza: riverà!
ciao
sum culex

[refolo]

scusime, non volevo saltar da un pal in frasca, volevo solo premetter chel vecio Podrecca, iera un famoso direttor del teatro delle Marionette, ma i sui antenati iera Ungheresi, anche se nati a Cividal. Forsi noi sara' imparentai, mal cognome deriva da una zona dell'Ungheria.
Come Franco che se ciama Favento, e anche un triestin che stava vicin de mi' el cognome iera Istria, quei che se ciama Taranto ecc.
volto pagina.


Maria aka refolo

[sum culex]

Anche mi voio meter un servizio fotografico su sto argomento dedicandome anche ai interni.

Podrecca
Quanti ani ga sta insegna? Penso che dala fondazion no la sia mai stada nè restaurada nè cambiada!



L'ingresso: la porta xè strettissima per farghe posto ale vetrine stracolme.



Eco le vetrine stracarighe de tute le chincaglierie possibili e imaginabili e anche de strafanici de tute le qualità

[sum culex]

L'interno: dove el disordine regna sovrano. Far foto dentro xè estremamnte dificile: xè tuto trpo streto e fisso de roba. Questo xè un assagio.

[sum culex]

Bischoff: in via Mazzini - antico, ma restaurà: de fora le insegne xè moderne.






L'interno.
Ben disposte le luci per evidenziar i archi de piera e le volte de matoni, tuto a giorno, de quel che in origine gavessi (secondo mi) dovudo esser stado un vecio magazzin.
Soto centinaia e centinaia de botiglie: fa gola (a mi che son un mezo alcolista: almeno cussì disi Nona Picia) ma "no se pol (come che se disi a Trieste per altre robe)

[sum culex]

[sum culex]

[sum culex]

Cesca: sul canton tra via Roma e via Mazzini






Le vece decorazioni de legno sui cassoni agettanti dove che dentro se rodola le saracinesche: un sistema che ogi no se usa più.

[sum culex]

L'ingresso: tradizionalmente streto per farghe posto a l'esposizion de la merce.



Le vetrine: roba corente e roba de elite de tuti i prezi e per tute le esigenze. A guardar se se perdi, tanta xè quela roba che xè in mostra.