i Masè

[babatriestina]

Una famiglia triestina che ga una serie de negozi per tuta Trieste xe i Masè: credo che i sia tuti parenti, perchè iera tanti fradei Masè e ognidun de lori ga avudo diversi fioi, per cui co entrè in un negozio de Masè gavè la probabilità che ghe sia dentro almeno uno membro dela famiglia.
I ga e gaveva sopratutto negozi de alimentari, salumi, formaggi... ma anche ogni tanto i ga averto ristorantini, per cui i stassi ben anche nela sezion localini, comunque attualmente i ga i negozi: in via Gallina, al Mercato coperto, in via Crispi, via Genova, via Battisti ( la Zangola), via dell'Istria, largo Barriera, Torri d'Europa, via Lazzaretto vecchio, Piazza Vico, e po un localin verto de recente in Piazza Goldoni!
una vota i gaveva el Gambrinus in via del Toro ( credo dove che dopo ce vegnudo quel de polastri al spiedo)
Ala mattina se trova el persuto cotto caldo taiado a man ( e no ve digo la fila drio dele babe: La me daghi un etto de cotto taiado a man, po un etto e mezzo de salata russa, do etti de Montasio-Questo?- No, quel altro più stagionado!, po un etto de crudo de Sauris, mezzo etto de olive nere- Cussì? -No, ancora un poche! una bottiglia de vin del Collio, una piadinela de Liptauer, una decina de sardoni impanai..)

[Bilbo]

speso vado cior coto taià a man in bariera, e anche panini za pronti, i ga un pan sai bon.
però la comesa quele che fa i panini (deso no me ricordo come la se ciama) no xe cocola, de più, vado volentieri là anche per sentirla parlar.-

[Nevada]

Mia fia, quando ciolemo prosciutto cotto se no xe quel de Masè la se acorzi subito, sarà el modo de cusinarlo che lo fà diverso dai altri.

[babatriestina]

Mia fia, quando ciolemo prosciutto cotto se no xe quel de Masè la se acorzi subito, sarà el modo de cusinarlo che lo fà diverso dai altri.

e.. dela mula cocola de Masè no te disi gnente?

ecco un per de foto de Masè, quel del Mercato coperto, iera carneval, come che se vedi dei festoni

[Nevada]

A dir la verità se xe quela che penso mi, la me xe simpatica.

[AdlerTS]

ma anche ogni tanto i ga averto ristorantini, per cui i stassi ben anche nela sezion localini,

Un xe sotto via Pindemonte

e no ve digo la fila drio dele babe: La me daghi un etto de cotto taiado a man

un etto xe parlar moderno ! i più veci disi 10 deca

[babatriestina]

] e no ve digo la fila drio dele babe: La me daghi un etto de cotto taiado a man

un etto xe parlar moderno ! i più veci disi 10 deca

curiosamente, se parlo in una rizetta digo anche mi 10 deca, ma comprando persuto parlo a etti, perchè el persuto no se ciol a deca ( oddio, con quel che el costa..) Mai ordinado 3 deca de persuto? credo che i te vardi de bruto.. - zerto nissun dei più veci disi La me daghi 100 grammi!
e pensar che la mia semiaustriaca cugina ( la xe andada a viver a Vienna dove che la ga parenti), co ghe dico 5 deca la me varda stranida e la me disi Ma quanti grammi saria?

[macondo]

Ghe xe una articolo sula famiglia Masé sul Piccolo de oggi.

A volte sospeto che i trova le idee per novi articoli legendo el nostro Forum

Ghe xe anca un link che me par utile:

http://www.cottomase.com

[Bilbo]

el coto masè ga colpido ancora.
oltre a portarlo a rieti dai coleghi, ogni voltya che vado zo, ieri lo gavemo portà ai amici de trento, che se lo ga fato fora tuto.....


per tornar al masè barriera.....

[babatriestina]

son passada oggi al Masè de Barriera a ciorme un poco del loro cotto..

[VetRitter]

xe apena una setimana ma son zà in crisi de astinenza da coto taià a man, ieri sera gò visto in un picio market de una grande distribuzion, (grandissima...), un prosciuto "arosto" de Principe, gò volù provarlo, niente a che veder con quel che se magna a Ts..
ps per B.T., poso usar una dele foto come salvaschermo?
saluti

[AdlerTS]

non savevo che i Masè fussi trentini de origine !

[Zigolo]

In sti giorni i ga verto un negozio anche a Opicina

[AdlerTS]

Masè, anche il “cotto” finisce in mano friulana

http://ilpiccolo.gelocal.it/cronaca/201 ... -1.6820840

speremo che come scritto nell'articolo el "Cotto" resti sempre quel e non i vado a modificar la produzion ... son contento solo per la muleria che lavora dentro che adesso pol tirar un sospiro de sollievo

[babatriestina]

no podemo che ringraziar i furlani..

[Nona Picia]

no podemo che ringraziar i furlani..

come al solito.....e che magari come al solito i dirà, magari anche con un poca de ragion, "Prodotto tipicamente friulano"

[molighe el fil]

non savevo che i Masè fussi trentini de origine !

No solo i Masè ma anche altre fameie de porziteri xe originari da paesi dela val Rendena in Trentin.
I Polla, i Botteri, i Righi e i Masè vien tuti de la.
El patriarca dei Masè, Tullio ga ancora la residenza a Strembo

[babatriestina]

ga serado de poco le ultimo, in Cavana che ga resistido fin ala fin del anno scorso