Pianta inizio 900

[AdlerTS]

Un dettaglio de una pianta più grande:



deghe un'ociada !

[Bilbo]

sta pianta xe de dolo el 1912, casa mia xe del 911 e la via xe za.... go (de qualche parte) una pianta del 1904 dove via vasari no esisti ancora.

se la trovo la digitalizzo e la meto (se la trovo..... anche se iera una fotocopia)

[babatriestina]

Mi go una del 1910 o meo, xe dela guida Treves del 1910, e là via Vasari xe via dell'Olmo!
Ve la posto, solo che me paressi ben far una sezion dedicada ale carte de Trieste in general, per no esser ligai qua al prima dela guera , per cui mi la posterò per adesso in Quartieri. No la xe completa, perchè el mio obiettivo iera ingrandir la zona de Citavecia, e la xe comunque grande. Vado de là e ve la posto.
(PS Sergio gaveva messo tante cartine sul evoluzion de Trieste, mi le go viste, ma in publicazioni che per mi xe tropo recenti per no esser libere de copirait.)

[babatriestina]

meto qua per no esser ligada al epoca, come nela sezion storica.
ecove una parte de una cartina del 1910, o meo de una guida Treves del 1910, la carta pol esser anterior, xe una guida Treves Venezia ed il Veneto ma po ghe xe anca Trento, Trieste e l'Istria ( un poco iredentisti??? ma xe i nostri Treves de Trieste?)- Milano, 1910, quele bele guide rosse rilegade come i Baedekers
No xe tuta la carta, perchè go zercado de ingrandir sopratuto la parte verso el mar, me interessava aver la parte de Zitavecia come che la iera alora.

e ecove la parte relativa ala sola Citavecia

[babatriestina]

Nella seconda cartina, vardè la pianta del edificio della Borsa: par che Domenico Rossetti, criticando che el fronton xe largo ma che el drio (quel su piazza Tommaseo) xe strento, ga dito che la ghe par una cassa de morto!

[Bilbo]

zonto questa che go trovà....

[macondo]

Una carta del inizio del '900 (likely 1912). Assai interesante che la da la posizion de alberghi, caffe, teatri, monumenti ecc. Assai detagliada e se volé la podé scarigar in formato gigante (poco meno de 3Mb) a:

https://www.atrieste.eu/FotoMacondo/maplrge.jpg

[macondo]

Un'altra assai piu picia de prima del 1909 (el 'dente' dvizin al molo San Carlo el xe stado cavado in quel anno). Se gavé piazer, la podé scarigar assai granda:

https://www.atrieste.eu/FotoMacondo/TSmap.jpg

[babatriestina]

Qua arrivemo al territorio, ma non avendo una specifica sezion cartografica, ve la metto qua. Xe la carta de cui go ciolto el tochetin su Banne, la carta xe austroungarica de prima della guerra,de quele su tela, xe solo che una parte e za, perchè imageshack me la cioghi, la go dovuda strenzer e sopratutto comprimer.
Ve la metto in imaginetta, cussì se clichè de sora la vedè intiera in grande.
Ste carte de anteguerra le fa un poco de mal de oci con tutti i tratteggi e el bianconero, ma la metto per far veder la scelta dei toponimi e la lingua scelta soto l'Austria, e nel caso de più toponimi, l'ordine in cui i xe messi. Xe anca quel istruttivo. ( Detto fra noi: Triest me va ben in tedesco, ma Terst come che xe scrito soto a mi la me xe nova. Anche no capisso perchè Trebic xe scritto cussì e Padrich inveze ga la h final)

[babatriestina]

ancora una a colori stessa epoca- cliccar per vederla grande- segnadi a man i confini attuali ( immagino aggiunta de papà..

[babatriestina]

Guardando ben le due ultime carte che go postado, vedo una diferenza nele linee feroviarie: in una ghe xe za la Transalpina, nel altra no la ghe xe e xe soloq uela per Val Rosandra - oltre ala Meridionale oviamente.( le carte devi esser ancora de mio nono, forsi la più vecia xe ancora de fin Otocento.. i esperti de linee feroviarie forsi ariva a datarmele meo)

[AdlerTS]

ma la metto per far veder la scelta dei toponimi e la lingua scelta soto l'Austria, e nel caso de più toponimi, l'ordine in cui i xe messi. Xe anca quel istruttivo. ( Detto fra noi: Triest me va ben in tedesco, ma Terst come che xe scrito soto a mi la me xe nova. Anche no capisso perchè Trebic xe scritto cussì e Padrich inveze ga la h final)

Go trovado un sito con la traduzion dei nomi geografici Italian/Tedesco

http://www.lextoday.de/Liste_deutscher_ ... scher_Orte

e xe anche i paesi carsici

[babatriestina]

Go dado un'ociada al sito, ma inomi xe ancora diferenti de come che i scriveva nelle carte:
Mai gavessi pensado che Cormons i la ciamassi Gremaun!
resta che nele carte locali intorno a Trieste no i usava sempre el nome tedesco, ma a volte el italian e a volte el sloven , come che ghe girava o ghe pareva meo!
Trebitsch e Padritsch xe la trascrizion fonetica tedesca de Trebic e Padric
Nelle carte della Slovenia però, sopratutto nela zona dele Alpi, i preferiva i toponimi austriaci Assling, Veldes, Wochein, Flitsch, Karfreid,...

[babatriestina]

Guardavo, perchè segnalada anche su Facebook, la cartina postada de Macondo... cossa xe quel molo fra el molo san Carlo e el Molo ch ospiterà la Stazion Marittima? un molo curto davanti del palazzo del Lloyd? che fin el ga fato? senza che vadoa scartabellar libri..

[AdlerTS]

Cascassi davanti al LLoyd.... stago guardando altre carte del 1912 ma non el xe in tutte.

[babatriestina]

Sti giorni riordinavo libri.. me xe passado per le ma el atlante scolastico de papà del 1912.. uan delle tante piantine topografiche de Trieste:

bela grafica, ma po go pensado ala Treste de oggi, go ciolto la prim apiantina che go trovado una dele pagine gialle, ma podè cor Google maps anche...


eco, la prima xe la Grande Trieste con tanti abitanti, quela de soto xe quela che i se lamenta che xe sempre meno gente..
no go i dati esatti, ma voleria dir che come abitanti le dovessi eser equivaenti.. ma el atual ocupa un spazio assai assai più grande.
Come spieghemo? che se ga svodado el centro? che una volta i iera in tanti stivai nel stesso apartamento?

[Piereto]

Esatto , cento ani fa la gente comune iera stivada in casa coi fioi che dormiva in camera coi genitori e i fazeva i compiti in cusina, e tuti a giogar po in strada, anche d'inverno se no iera tropo fredo. Infatti el grande sviluppo edilizio de Trieste del primo novecento gà comincia quando che la gente gà fini de stivarse nel borgo teresiano. Ogi el centro città ma anche la prima periferia, xe poco abitada. Molte volte fazendo la stessa strada anche a orari diversi ogni giorno, vedo sempre le stesse finestre serade, quindi inbarba alla privacy posso dir che xe case parzialmente disabitade. Una casa dopo 50 anni necessità de cambiar impianto idrico e elettrico.(idrico perchè i tubi se rusinisi, e elettrico perche el rivestimento gommoso plastico se crepa e pol far cortocircuito). e noi gavemo case che le sta in pie anche de zento, ma coi impianti de più de 50 ani. Una volta vinti ani fa , volendo cambiar casa me son imbatù in un appartamento che gaveva ancora i fili rivestidi de coton coi isolatori esterni.(causa la privacy no poso dirve dove). Poi bisogna anche tinir conto che gavemo tante case coi solai de legno e anche el tetto , e l'espansion termica e l'umido alla fine sbriciola el legno per no dir de le termiti. Ricordo che in zona viale xe stade salvade do case che stava per andar zo causa sti insetti , ma per colpa de la privacy no poso darve el numero civico. Per cui se abbandona el centro e se cori a star in casa nova. La ristrutturazion costa un sacco de schei e le case in periferia de meno. Ecco che allora xe poca gente in strada in centro, e alora se fa le piste ciclabili slargando i marciapie. Po esisti i pani regolatori che imponi da un per de ani de tinir la distanza fra due case a 15 metri contro i 7 de prima. Gà cambia anche le cubature massime per la costruzion e i grattacieli no va ben per le "belle arti" Insomma un grande spreco de teren.

[babatriestina]

. Per cui se abbandona el centro e se cori a star in casa nova.

salvo po comoverse sule case vece, el buso in mia contrada etc..

La ristrutturazion costa un sacco de schei e le case in periferia de meno.

mi son de quei che bati duro in centro e anche mi dopo aver pian pian adeguado el vecio quartier son andada a star in un ristruturado. No rivassi a viver in casa moderna, son nata e spero che morirà in centro in una casa coi muri spessi, i sufiti alti , anche se adesso ghe passa molti fili e tubi e xe controsofitado..

[Piereto]

Quindi anche a Trieste sprechemo el teren per le regole che se demo (distanze fra le case ,cubature aree edificabili, e la stessa roba va per le zone industriali) , e po tuti ,i mas media a lamnetarse che xe terreni sottratti all'agricoltura, opur la famosa cementificazion ( senza cemento ferri e graniglia l'Italia saria scomparsa sotto le frane e i terremoti). Xe le regole , cioè quele de mercato cher impedisi de far le robe razionalmente. So de persone che sta in casa vecia che gà cento ani, e che gà i bori per ristruturar l'aparatamento , ma i altri 9 in casa noi li gà. Risultato se va incontro al degrado. Manca come el solito una legge che vadi incontro a ste situazioni, lege che no se fa perchè rientra nelle mentalità della prevenzion (rifar aquedoti, riparar argini de fiumi, dragar i leti dei fiumi, tirar via le scovaze da le spiagge, impiantar alberi) una mentalità distante anni luce dai politici che pensa solo a impinirse le scarsele. Quindi a Trieste xe 10.000 appartamenti ciamadi sfitti , ma savemo che i xe inabitabili, e se continua a far case nove che no se riva a vender, e se .......cambia destinazion d'uso al porto vecio per ricavar ANCHE altri appartamenti.

[babatriestina]

mi no go mai capido perchè i costruttori trova vantaggi a costruir novo e no a ristrutturar.. per inciso casa mia che ga oltre 100 anni forsi anche 200 xe stada ristrutturada de una de quele dite che va per la magior..
una volta ghe davo la colpa al equo canone, che de una parte pesava sui inquilini perchè el zone centrali iera considerade de prestigio e anche se te gavevi casa vecia, fra metrature e ubicazion central te pagavi caro, e de l'altra i ufici iera fora del equo canone quindi i proprietari gaveva tuto el interesse a afitar a canone libero assai più alto.
Una parte de città dove che la gente no abita xe mezza morte, e zone de cintura xe dormitori e basta. e ovio po che sta gente devi spostarse de casa al lavor e cussì gavemo trafico. Vedemo le foto de 100 anni fa: tuti a pie o col tram.. perchè no ocoreva moverse tanto.. adesso tuti cola machina soto casa, perchè in periferia se pol ancora, e po a intasar el centro..
comuqnue me fa impression veder che più picia che iera la Grande Trieste!