le prime automobili a Trieste

[babatriestina]

Le prime automobili xe de prima dela prima guerra: ghe ne go trovado un per de foto:
una xe mia bisnona e mia nona, imagino in Carso o in Friul, la machian no devi esser de lori ma ciolta magari a nolo per l'occasion,

la seconda xe una cartolina de auguri del 1909 de amici dei nonni, e no so se i xe veramente lori, con autista e asisitenti vari, o se xe una foto generica a indicar una macchina lussuosa.

Notar in entrambe le foto i fanai come quei dele carozze

[AdlerTS]

Interessanti

Me ga sempre fato sai de rider i pneumatici "pieni"

[babatriestina]

un poco dopo, anni Trenta, una Balilla
( sulla vecchia Balilla s'avanza- la famiglia Brambilla in vacanza)

(le teste xe volutamente taiade per la privacy)

[babatriestina]

eco, per confrontar, una carozza ( loro saveva tute le diferenze, el brum che saria la semplificazion de el brougham inglese iera chiuso, altre iera averte)




comentava un mio cugin: par impossibile, a veder ste foto che ne par cussì lontane nel tempo, che noi gavemo conossudo de persona alcune de quele siore che iera su sti veicoli, le nostre rispettive nonne

[AdlerTS]

un poco dopo, anni Trenta, una Balilla

Xe un sito de targhe automobilistiche dove i ga una sezion su Trieste: ma una foto cussì ciara non la ga

Se lo trovo meto el link.

[sum culex]

Anche questa xè un'auto vecissima cole gome piene. Xè una dele prime che circolava a Trieste. Xè l'auto dei Parisi: l'autista, che iera apunto l'autista dei Parisi, xè el nono de nonapicia e el passegero xè sua mama. La foto dovessi esser stada ciapada probabilmente in Carso.
Volevo far un riporta perchè a suo tempo la gavevimo zà messa, ma no rivo a trovarla e no me ricordo soto che argomneto che la iera: la meto de novo.






No la go inquadrada ingrandindola, perche xè una vecia foto 6x9 che go scanerizà e de conseguenza l'ingrandimento fussi tropo poco nitido.

ciao
sum culex

[AdlerTS]

El sito delle targhe che disevo:

http://www.targheitaliane.it/italy/stor ... ste_i.html

Per zoomy:

la tua foto jera qua:

https://www.atrieste.eu/Forum3/viewtopic ... e58cc4b27d

però non preoccuparte, la sta ben anche qua

[AdlerTS]

Nel 1923 la Ford se jera assicurada la licenza ( a firma del Commissario Generale Mosconi) per un magazzin con impianto de montaggio nel Porto Franco.
Sa che bel se i le fazessi qua de noi, che poco che le costassi


PS: Ieri go visto in città una Balilla perfettamente tignuda, pecà che non gavevo la machina fotografica con mi

[AdlerTS]

Nel 1923 la Ford se jera assicurada la licenza ( a firma del Commissario Generale Mosconi) per un magazzin con impianto de montaggio nel Porto Franco.
Sa che bel se i le fazessi qua de noi, che poco che le costassi

Per esattezza, l'attività xe andada cressendo fino al 1927 ed Henry Ford sembra che volessi seriamente insediar a Trieste un ciclo de produzion completo. Chi che ghe ga messo i bastoni tra le riode xe stado Agnelli che, rivolgendose direttamente al Duce, ga otenudo de guastarghe la festa.
In quel 1927, apice della produzion, lo stabilimento occupava 500 operai, un centinaio de impiegati e produseva 12.000 auti. Se dimezza però i anni subito dopo, rivando a serar nel 1931.

[AdlerTS]

Se gavè voja de farve do ridade, guardeve 'sto filmato
http://creative.gettyimages.com/source/ ... e&bc=ARCHF

[babatriestina]

Ancora qualche macchina ( e pensar che remenavo papà che fotografava le macchine, me pareva un soggetto "poco nobile")

con quele macchine, e le strade non asfaltade, i portava ocialoni e una specie de giacca a vento per proteggerse dela polvere. Notar la cassettina, che sia i attrezzi?

anni Trenta, una macchina posteggiada in via Carducci

e una in un paesin del Carso

[babatriestina]

Semo nel 1946, subito dopo la guerra, e la Topolino no ga gnanca ancora la targa del TLT, e la targa, ancora su fondo nero, me par alquanto scalcinada. Semo in Costiera

un poco dopo, la successiva Topolino ga za la targa su fondi bianco del TLT


E, za che se parla de macchine, chi se ricorda i tassametri dei anni 50? i iera tuti precisi, neri e verdi, nissun se sentava vizin de l'autista, ma iera 4 o 5 posti drio: 2 o 3 sul sedil de fondo, e altri do in do strapuntini che se verzeva in senso opposto a quel de marcia, e dove che finivo quasi sempre mi come putela: el concetto de cintura de sicurezza iera lontan!!! penso che i se ispirava ai posti in carrozza

[AdlerTS]

SPETTACOLO !

[nanaia]

altrochè, se me li ricordo! Le rarissime volte che se li ciapava, mi andavo matta per el strapuntin!! Me pareva...meno fracada
Che foto splendide, Betta

[AdlerTS]

Me ga sempre fato sai de rider i pneumatici "pieni"

Me vien fatto notar che:" in tute le due foto publicade se vedeva benisimo le valvole che i doprava anche quela volta per gonfiarle (le gome piene no i le usava più nisun de ani anorum)."

[Nona Picia]

Ogi me xe rivada da mio fradel, un'altra foto de macchina de una volta, forsi più antica dela precedente che go mandà. Xe mio nono su una machina credo austriaca in tempo de guera. E meto anche el francobolo che iera dedrio. Dovessi esser nei novembre del 1911 o 1913, no se capissi ben. No so se questo xe el posto giusto, al caso i gentili aministratori me la sposta. Grazie.

[Nona Picia]

Riguardando quel che go scrito, me son ricordada che la guera ga comincià ne 1915, quindi o mio nono iera militar o la foto xe de dopo del 1915.

[Nona Picia]

Riguardando quel che go scrito, me son ricordada che la guera ga comincià ne 1915, quindi o mio nono iera militar o la foto xe de dopo del 1915.

Me son informada meio e go scoperto che in Austria la guerra ga comincià nel luglio del 1914, per cui la foto xe de quell'anno. Purtropo mi go studià mal la storia più recente all'epoca mia.

[AdlerTS]

No so se questo xe el posto giusto, al caso i gentili aministratori me la sposta. Grazie.

Te go messo qua

[AdlerTS]

Riprendo qua un discorso pretamente automobilistico: nella foto de Vittorio Emanuele a Trieste, la targa SM sta per "sua maestà" ?



Non ste rider, veramente non conosso la risposta

(la foto xe dal filmato d'epoca allegado al libro "Doppio sguardo sulla grande guerra", edito dalla Cineteca del friuli)