Ben, dopo tanti anni, xe riva' el momento de liberarme dei veci ricordi de Papa'. Go' regala' e dado via tutti i ordegni, subie, trincetti, insomma tutto quel chel adoperava, me go' tegnu' el trepiede, lo go' ripitura' in nero, solo per fermar la porta. La macchina de cusir la stago rinovando...
105 anni vecia importada da San Francisco! Singer.
I ordegni, come anche cortei ecc. ghe li go' dadi a quei che adopera per cusir le selle dei cavai, che qua' dove che stago mi' xe le stalle, e i migliori, non solo cavai per pramatica, ma personaggi, come i Seiki de Dubai ga' i sui famosi campioni....trainadi in Melbourne.
Una roba sola go' tegnu' la piera del Carso, dove chel batteva el corame.
Un sacramento pesante, ma me domandavo cossa chel gaveva speso per portarse drio tutto e tutte le forme.......150 per esser esatti, buttadi nei TIP dei scovazzoni, credo che piu' de qualched'un se li gaveva portai a casa per fogo.
Questi xe i veci mestieri, ma con tanti ricordi, saro' sentimentale, ma per 20 anni go' inteso l'odor del corame-pelli. Quei che vegniva dall'Argentina o della maremma Toscana, iera i migliori, nessun saveva conciar le pelli come lori. Andavo da LUSTIG in via Carducci, e sel se dimenticava del suo metro-piede allora el misurava col suo pollice.
Questi per mi' xe ricordi, e soddisfazioni al pensar che gavevo scarpe da far invidiar tutte le mule de Trieste. I disi che chi che ga' genitori caligheri, o sarti xe senza scarpe o vestiti? ecc. bugie!!!!!!!!!! do' peri all'anno indimenticabile...perfin nella notte de Nadal, el correva in Ciesa perche' el fazeva tardi, e davanti de tutti cavavo le vecie per metter su' le nove.
E i guanti de MITRI? el suo punchingbag? chi piu' de mio Papa' saveva a girar dentro fora per cusir? Tiberio diseva sempre che non ghe iera un'altro a Trieste meio de Lui! ricordi indimenticabili! scuseme ma questa xe storia dei veci mestieri!
Maria aka Refolo
I Caligheri
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.
caligheri-per refolo
Maria, forsi te gaverà sentido nominar un certo Rebez? Gavevo un'amica che citava sempre 'sto suo nono caligher, e la nona che andava a contratar con i venditori de pelli. Sua mama (che adeso la gavesi cento ani, più o meno) contava sempre dele scarpe su misura che ghe fazeva suo papà. Chissà se nel ambiente anche i tui veci conosseva sti qua?
Che peccà aver perso sti artigiani, no? adeso va tuto tropo in furia
Nanaia
Che peccà aver perso sti artigiani, no? adeso va tuto tropo in furia
Nanaia
-
refolo
I caligheri
El libro che go' scritto, non solo xe una fase della mia vita, ma anche quel che podeva esser, e che purtroppo non xe esistito.
Altro che me ricordo dei Rebetz....gavevimo un'altro caligher in contrada mia, un Sicilian, bravo omo, ma come tutti i meridionali el iera calcola' un M... de bubez.
El magnava pesse crudo e carne cotta, mio papa' ghe ga' insegna al contrario. El diseva: Domenico, se te vol esser amico mio non farme vomitar.
A casa mia se magna carne cruda e pesse cotto! co mia mamma ga' fatto el brodetto? anche i mustacci sui iera impirai!..
Mi scrivo tutto coi ricordi de quel che iera una volta, senza consequenze.
Ma me par, che col progresso, tutto xe perso, e anche dimentica'.
La mistra de mio Papa'che stava in via San Marco la iera un Dio,nianche una sarta gaveria fatto quel che ela iera esperta.
Le cusidure iera calcolade ricami, un pocheto cara, un pocheto lenta ma un lavor finido come una proofessoressa d'arte!.
Questo purtroppo non esisti piu'. Con queste monade che sta succedendo
al mondo, domande? risposte? tutto xe fini' in niente, el progresso de tecnologia ga' rovina' tutto. Non che questa sia la mia opinion, ma de tutti.
Se te ga' problemi de lavor te ghe da' colpa al Governo, se te vol far qualcosa te ghe da' colpa a chi che ga' piu soldi de ti'.
Mi saria stada la prima a continuar con i mestieri veci, anche per confermar tutti quei che ga' fatto sti lavori come eroi. Fin dei conti se non fussi stadi lori non gavessimo avudo, ne scarpe-vestiti-capei-guanti-
camise e Dio sa' cossa ancora.
Maria aka Refolo
Altro che me ricordo dei Rebetz....gavevimo un'altro caligher in contrada mia, un Sicilian, bravo omo, ma come tutti i meridionali el iera calcola' un M... de bubez.
El magnava pesse crudo e carne cotta, mio papa' ghe ga' insegna al contrario. El diseva: Domenico, se te vol esser amico mio non farme vomitar.
A casa mia se magna carne cruda e pesse cotto! co mia mamma ga' fatto el brodetto? anche i mustacci sui iera impirai!..
Mi scrivo tutto coi ricordi de quel che iera una volta, senza consequenze.
Ma me par, che col progresso, tutto xe perso, e anche dimentica'.
La mistra de mio Papa'che stava in via San Marco la iera un Dio,nianche una sarta gaveria fatto quel che ela iera esperta.
Le cusidure iera calcolade ricami, un pocheto cara, un pocheto lenta ma un lavor finido come una proofessoressa d'arte!.
Questo purtroppo non esisti piu'. Con queste monade che sta succedendo
al mondo, domande? risposte? tutto xe fini' in niente, el progresso de tecnologia ga' rovina' tutto. Non che questa sia la mia opinion, ma de tutti.
Se te ga' problemi de lavor te ghe da' colpa al Governo, se te vol far qualcosa te ghe da' colpa a chi che ga' piu soldi de ti'.
Mi saria stada la prima a continuar con i mestieri veci, anche per confermar tutti quei che ga' fatto sti lavori come eroi. Fin dei conti se non fussi stadi lori non gavessimo avudo, ne scarpe-vestiti-capei-guanti-
camise e Dio sa' cossa ancora.
Maria aka Refolo
Mestieri
Mi son pitor de camera impasto ogni color
Contento come un Paraco fin quando xe lavor
Zic Zuc Zac ! Ariga el mio penel
se guadagnemo la jota e femo tuto bel.
Ciao Coce
Contento come un Paraco fin quando xe lavor
Zic Zuc Zac ! Ariga el mio penel
se guadagnemo la jota e femo tuto bel.
Ciao Coce
La vita
Piu' che la pendi
Piu' la rendi
Piu' che la pendi
Piu' la rendi
-
refolo
I caligheri
EH..............Coce.
Mio papa' saveva far solo chel caligher, non lo go' mai visto con un penel in man o con un cazzavide, ma per questo non vol dir che nol iera omo de casa....""EL ME GAVEVA MI!""
mi go' sbianchiza' la mia camera, ripara' le spine dell'acqua con le coramelle, lustravo le scarpe con la ceralacca nera...insomma el pensava che se saria nata masc'hio saria stada una mesteriante.
Tutto questo non dimostra che son brava o differente, solo che go' impara' dai veci! guardavo, e tignivo in mente. Fazo ancora se per bisogno. l'Unica roba che mio mari' non ga mai volesto imparar xe la saldadura. Fazevo sculture de ritai de ferro, per abellir i giardini. El disi che go' troppo bei cavei per perderli con la sadadura, sempre digo, che qua' i antiquati se faria soldoni , se ghe mostro come che se fa'. Ma purtroppo xe troppo tardi, l'eta' avanza e la voia se scurta.
Ti de come te descrivi te son pittor? se te son partido da Trieste nel 1952, sicuramente non te se ricordera' ""dell'Alabarda Pittori SPA. via G. Gozzi""
me go' fatto quasi 3 anni in ufficio, ma come dito su' gavevo voia de far un poco de tutto, con noi gaveva lavor, o iera brutto tempo, me go' impara' col' asedo e cera, a strisciar e pitturar i tavoli delle osterie.
Iutavo volentieri anche per non perer el lavor impiegatizio, che iera sempre scarso.
Maria aka refolo
Mio papa' saveva far solo chel caligher, non lo go' mai visto con un penel in man o con un cazzavide, ma per questo non vol dir che nol iera omo de casa....""EL ME GAVEVA MI!""
mi go' sbianchiza' la mia camera, ripara' le spine dell'acqua con le coramelle, lustravo le scarpe con la ceralacca nera...insomma el pensava che se saria nata masc'hio saria stada una mesteriante.
Tutto questo non dimostra che son brava o differente, solo che go' impara' dai veci! guardavo, e tignivo in mente. Fazo ancora se per bisogno. l'Unica roba che mio mari' non ga mai volesto imparar xe la saldadura. Fazevo sculture de ritai de ferro, per abellir i giardini. El disi che go' troppo bei cavei per perderli con la sadadura, sempre digo, che qua' i antiquati se faria soldoni , se ghe mostro come che se fa'. Ma purtroppo xe troppo tardi, l'eta' avanza e la voia se scurta.
Ti de come te descrivi te son pittor? se te son partido da Trieste nel 1952, sicuramente non te se ricordera' ""dell'Alabarda Pittori SPA. via G. Gozzi""
me go' fatto quasi 3 anni in ufficio, ma come dito su' gavevo voia de far un poco de tutto, con noi gaveva lavor, o iera brutto tempo, me go' impara' col' asedo e cera, a strisciar e pitturar i tavoli delle osterie.
Iutavo volentieri anche per non perer el lavor impiegatizio, che iera sempre scarso.
Maria aka refolo
Mestieri
El Gua
Chi ga cortei e forbici e robe che no va'
O Temerini rusini che me li porti qua'
Mi sburto el careto da Sant'ana a Roian
la gente xe contenta e me guadagno el pan.
No Refolo, a Trieste iero Fabro Mecanico-Fabro Nave, qua go fato studi avanzai in metallurgia, go costruido Autocisterne, ponti e grue, e diverse qualita' de machinario, la saldadura xe una dele principali attivita' per questo tipo de lavor.
Ciao Coce
Chi ga cortei e forbici e robe che no va'
O Temerini rusini che me li porti qua'
Mi sburto el careto da Sant'ana a Roian
la gente xe contenta e me guadagno el pan.
No Refolo, a Trieste iero Fabro Mecanico-Fabro Nave, qua go fato studi avanzai in metallurgia, go costruido Autocisterne, ponti e grue, e diverse qualita' de machinario, la saldadura xe una dele principali attivita' per questo tipo de lavor.
Ciao Coce
La vita
Piu' che la pendi
Piu' la rendi
Piu' che la pendi
Piu' la rendi
Mestieri ambulanti
STAGNINO
Sigando a squarciagola mi giro la Citta'
Per riparar ombrele, piadine, e pignate in quantita'
La botega xe nele androne, corti, o qusiasi posto in bonasa
E trovo sempre bona gente che a lavorar i me lasa
Ciao Coce
Sigando a squarciagola mi giro la Citta'
Per riparar ombrele, piadine, e pignate in quantita'
La botega xe nele androne, corti, o qusiasi posto in bonasa
E trovo sempre bona gente che a lavorar i me lasa
Ciao Coce
La vita
Piu' che la pendi
Piu' la rendi
Piu' che la pendi
Piu' la rendi
-
refolo
i caligheri
Coce!
non te po creder cossa ghe go' salva,' saria milionaria se fussi a Trieste, almeno per i antiquariati.
Go' tutto, non per esser milionaria, ma per rispettar mio papa' chel ga' lavora' come un can per darme un avvenir migliore.
Semo in una maniera o l'altra artigiani senza riconoscenze. Sta terra chei la ciama DOWN UNDER xe ignorante sul sistema de portar avanti un sistema disemo Eropeo! perche' i xe contro tutto e tutti, ma certi riconossi
l'abilita, che gavemo dimostra'.
I scienzati se fa' sentir. Mi personalmente, non me interesso tanto de quel che succedi nel mondo, quel che fazo per mi' e la mia famiglia xe sufficiente.
Maria aka refolo
non te po creder cossa ghe go' salva,' saria milionaria se fussi a Trieste, almeno per i antiquariati.
Go' tutto, non per esser milionaria, ma per rispettar mio papa' chel ga' lavora' come un can per darme un avvenir migliore.
Semo in una maniera o l'altra artigiani senza riconoscenze. Sta terra chei la ciama DOWN UNDER xe ignorante sul sistema de portar avanti un sistema disemo Eropeo! perche' i xe contro tutto e tutti, ma certi riconossi
l'abilita, che gavemo dimostra'.
I scienzati se fa' sentir. Mi personalmente, non me interesso tanto de quel che succedi nel mondo, quel che fazo per mi' e la mia famiglia xe sufficiente.
Maria aka refolo
