Musica ispirada dale legende de Tuti i morti, Haloween ecc.

[Capuzi garbi]

Continuando el sogeto sule fave, i morti e quel che li volemo ciamar, pensavo a musica che xe stada inspirada da ste legende, e quel che me xe vignudo in mente xe Notte sul Monte Calvo de Modest Mussovsky e Danza Macabra de Saint Saens.

Rivemo a pensar altri titoli?

[babatriestina]

Quadri di un'esposizione de Mussorvskij, verso la fine, Catacombe me fa pensar assai al genere
Me vien un titolo, ma po no so a cossa corispondi in realtà: Janacek: Da una casa di morti, el titolo me par promettente

[refolo]

String quartet by Shubert's
DEATH AND TRANSFIGURATION....

DEATH OF NELSON by Braham

DEATH AND TRANSFIGURATION (Tod und Verklarung) symphonic poem by Richard Staruss.

Tutti scritti per i morti. Non son sicura sei xe relativi al famoso Halloween,
ma tutto fa' pensar che xe macabro!

Maria aka Refolo

[Capuzi garbi]

Tutti scritti per i morti.

Maria aka Refolo

No xe quel che gavevo in mente. Perche` se andemo avanti in sta maniera podemo meter le varie Messe de Requiem. Mi gavevo piu` che altro, apunto, pensado ale legende del giorno dei morti.

Chisa` se qualchidun ga mai scrito qualcossa, musica seria, no colone sonore, a proposito de vampiri, luoi manari e monade del genere.

[babatriestina]

String quartet by Shubert's
DEATH AND TRANSFIGURATION....

quel de Schubert che te pensi xe la Morte e la Fanciulla, no Morte e trasfigurazione de Strauss che te scrivi sotto. Ma come che disi Capuzzi, no ga de far con Halloween. Musica classica e opere, morti no manca!

[AdlerTS]

Credevo che la Notte sul monte Calvo fussi la rapresentazion musicale de un Sabba

[babatriestina]

Mi ve confesso che per la notte sul Monte Calvo son un poco condizionada de Fantasy! e là xe i scheletrini che vien fora dele tombe... bisognassi veder se ghe xe qualche comento sul testo original.

[Capuzi garbi]

Credevo che la Notte sul monte Calvo fussi la rapresentazion musicale de un Sabba

E credo che te gabbi ragion. Ma come che disi Baba, el famoso lungometraggio de Fantasia, con l'accento sula seconda a, ne ga tuti condizionai a scoltar, o almeno veder sto poema musical come che i disegnatori de Walt Disney ne ga abitua`. Stessa roba con l'apprendista stregone.

[refolo]

Se tutto xe constata' sul quel che vole' che sia' fantasia? perche' ve permette' che quel che xe' o iera xe bull-dust?

non capisso de quel che xe reale o fantasia? per mi'xe stado scritto in una maniera logica per dimostrar la realta', niente altro.

I famosi compositori se ga' basa' anche lori sull'idea sia che fantasia, o una immaginaria parodia che ghe ga' da' sodddisfazion sul tema musicale.

Maria aka Refolo

[babatriestina]

Se tutto xe constata' sul quel che vole' che sia' fantasia?

forsi no son stada ciara, mi me riferivo no ala fantasia in generale, ma a un preciso film in cartoni animati de Walt Disney, che ga per titolo Fantasia- no dirme che no te lo ga mai visto!

[Capuzi garbi]

Un altro grande toco musical che, per mi almeno, ga qualcossa de fantasioso, "sopranatural" e satanico xe el celeberimo preludio in do diesis minor de Rachmaninov.

Famosisima composizion per piano, la storia disi che'l suo compositor jera stado vitima dela sua popolarita (un poco come Mascagni e la Cavalleria).