Difficile trovar presepi storici, epur a Trieste no se fazeva solo che l'albero! Una volta nele cese, parlo de 40- 50 anni fa, le cese triestine creava dei presepi elaborai ( ve ricordè al Rosario, coi pastori che girava in circolo? el ocupava tuto el canton de l'ingresso). Adesso i xe deventai più scarni e i se limita a pici presepietti, e i grandi presepi li fa i privati ( go amici che ghe metti un mese, e i partecipa ale gare del più bel presepio).
Ma ghe xe qualchedun che ve voio far veder:
per cominciar, quel de S Antonio novo, che i lo fa sempre preciso, cole figure de dimensioni naturali, el vien dela Val Gardena come quasi tute le statue de legno e el xe dela prima metà del secolo scorso
E ieri, in una cesetta moderna in Strada de Fiume, go visto un presepio tradizional, ma le statuette dela Madonna e San Giuseppe me ga colpido perchè le xe precise de quele de mia nona e de altre che gavevo visto tanti anni fa nel atrio del Ospedal Maggior. Doveva andar per la maggior al principio del secolo scorso
Anche zerti pastori e re magi doveva esser ormai quasi de antiquariato
, mi me piasi ancora el presepio: questi xe a Monte Grisa e xe animadi, con acqua che scorri e omini che camina.
no va ben... i lo dovessi meter al 24, magari ala Messa dela notte...
